Daniel 8:21

Ang Biblia 2011

Ang laking kanding mao ang hari sa Gresya ug ang dakong sungay nga anaa sa taliwala sa duha niya ka mata mao ang unang hari.

Cross References

Daniel 10:20

Unya siya miingon, “Nasayod ba ikaw ngano nga mianhi ako kanimo? Apan karon mobalik ako aron sa pagpakig-away sa pangulo sa Persia, ug sa diha nga mahuman na ako kaniya, ang pangulo sa Gresya moanhi.

Daniel 11:2

“Karon ipakita nako kanimo ang kamatuoran. Tan-awa, tulo pa ka hari ang mobarog sa Persia, ug ang ikaupat labing dato kay kanilang tanan ug sa diha nga nakusgan na siya tungod sa iyang mga bahandi, hagiton niya ang tanan batok sa gingharian sa Gresya.

Daniel 11:3

Unya ang gamhanang hari motindog, nga maghari uban sa dakong gahom, ug magbuhat sumala sa iyang kabubut-on.

Daniel 2:39

Sunod kanimo motungha ang laing gingharian nga ubos kay kanimo, ug aduna pay ikatulong gingharian nga bronsi, nga maghari sa tibuok nga yuta.

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Daniel 8:20

Ang laking karnero nga imong nakita nga adunay duha ka sungay, kini sila mao ang mga hari sa Media ug sa Persia.

Daniel 8:22

Ug mahitungod sa sungay nga naputol, sa dapit diin may lain pang upat nga mitungha, upat ka gingharian ang motungha gikan sa iyang nasod, apan dili sa iyang gahom.

Zacarias 9:13

Kay gibawog nako ang Juda ingon nga akong pana, gihimo nako nga udyong ang Efraim. Bakyawon nako ang imong mga anak, O Zion, batok sa imong mga anak, O Gresya, ug buhaton ko ikaw nga sama sa espada sa manggugubat.