Daniel 8:13

Ang Biblia 2011

Unya nakadungog ako ug usa ka balaan nga nagsulti ug dihay lain nga balaan nga miingon ngadto sa usa nga nagsulti, “Hangtod kanus-a ang panan-awon mahitungod sa nagpadayon nga halad nga sunogon, ang kalapasan nga naglumpag, ug ang pagtugyan sa balaang dapit ug sa panon aron yatakan?”

Cross References

Salmo 74:10

Hangtod kanus-a ba, O Dios, nga ang kabatok magtamay? Magpasipala ba ang kaaway sa imong ngalan hangtod sa kahangtoran?

Salmo 74:9

Wala na namo makita ang among mga ilhanan; wala nay bisan usa ka propeta, ug walay bisan usa kanamo nga nahibalo hangtod kanus-a.

Salmo 79:5

Hangtod kanus-a ba, O Ginoo? Masuko ba ikaw hangtod sa kahangtoran? Magdilaab ba ang imong pangabubho sama sa kalayo?

Isaias 28:18

Unya ang inyong kasabotan uban sa kamatayon papason, ug ang inyong gikauyonan uban sa Sheol dili molungtad, sa diha nga ang naghaguros nga bunal moagi na, kamo hampakon niini.

Isaias 6:11

Unya miingon ako, “Hangtod kanus-a O Ginoo?” Ug siya miingon, “Hangtod nga ang mga siyudad mahimong kamingawan ug walay magpuyo, ug ang mga kabalayan walay tawo, ug ang yuta mahimong biniyaan sa hingpit,

Isaias 63:18

Ang imong balaan nga katawhan nanag-iya sa imong balaang dapit sa mubong panahon; ang among mga kabatok nagyatak niini.

Isaias 9:6

Kay alang kanato ang usa ka bata natawo, alang kanato ang usa ka anak nga lalaki gihatag, ug ang kagamhanan ipahiluna sa iyang abaga, ug ang iyang ngalan tawgon ug “Kahibulongang Magtatambag, Dios nga Makagagahom, Amahan nga Walay Kataposan, Prinsipe sa Pakigdait.”

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Daniel 11:31

Ang mga kasundalohan gikan kaniya motungha ug hugawhugawan ang Templo ug ang kuta ug kuhaon niya ang nagpadayon nga halad nga sunogon. Ug ilang ipahimutang ang dulumtanan nga makapahimong biniyaan.

Daniel 12:11

Ug gikan sa panahon nga ang nagpadayon nga halad nga sunogon kuhaon ug ang dulumtanan nga nakahimong kamingawan mapahiluna, adunay 1,290 ka adlaw.

Daniel 12:8

Ako nakadungog apan ako wala makasabot, unya ako miingon, “O agalon ko, unsa ba ang sangpotanan niining mga butanga?”

Daniel 4:10

Ang mga panan-awon sa akong ulo sa naghigda ako sa akong higdaanan mao kini: Akong nakita nga adunay usa ka kahoy taliwala sa yuta ug ang kahabogon niini taas kaayo.

Daniel 4:13

Nakita nako diha sa mga panan-awon sa akong ulo sa naghigda ako sa akong higdaanan, nga dihay usa ka tigbantay, usa nga balaan, nga mikunsad gikan sa langit.

Daniel 4:23

Ug ingon nga ang hari nakakita ug usa ka tigbantay, usa nga balaan, nga mikunsad gikan sa langit ug miingon, ‘Putla ang kahoy ug laglaga kini apan ibilin ang tuod sa mga gamot niini diha sa yuta, bugkosi ug usa ka pikit nga puthaw ug bronsi, sa humok nga sagbot sa kapatagan ug ipahumod kini sa yamog sa langit ug ang iyang bahin ipauban sa mga mananap sa kapatagan, hangtod nga molabay kaniya ang pito ka panahon.’

Daniel 7:16

Ako miduol sa usa kanila nga nagtindog didto ug nangutana kaniya sa kamatuoran mahitungod niining tanan. Busa gisuginlan niya ako ug gitug-anan sa hubad sa maong mga butang.

Daniel 7:23

Sa ingon niana siya miingon, “Ang ikaupat nga mananap mao ang ikaupat nga gingharian sa yuta, nga lahi gikan sa tanang mga gingharian ug molamoy kini sa tibuok yuta, ug magyatak niini, ug magdugmok niini.

Daniel 9:27

Siya maghimo ug lig-on nga kasabotan uban sa daghan sulod sa pito ka tuig, ug sa katunga sa pito ka tuig iyang pahunongon ang mga paghalad, ug ibabaw sa pako sa mga dulumtanan moabot ang maglumpag hangtod nga ang gitakda nga kataposan ibubo ngadto sa tiggun-ob.”

Zacarias 1:19

Ug ako miingon sa anghel nga nakigsulti kanako, “Unsa ba kini?” Ug siya mitubag kanako, “Kini mao ang mga sungay nga nagpatibulaag sa Juda, sa Israel ug sa Jerusalem.”

Zacarias 14:5

Ug ang walog sa akong kabukiran maalihan kay ang walog sa mga bukid moabot sa kilid niini, ug kamo mangagiw sama sa inyong pagkagiw tungod sa linog panahon ni Uzias nga hari sa Juda. Unya ang Ginoo nga inyong Dios moanhi ug ang tanang mga balaan uban kaniya.

Mateo 11:27

Ang tanang mga butang gitugyan kanako sa akong Amahan ug walay nakaila sa hingpit kinsa ang Anak gawas sa Amahan ug walay nakaila sa hingpit kinsa ang Amahan gawas sa Anak ug kang bisan kinsa nga buot sa Anak nga padaygan sa Amahan.

Mateo 24:15

“Busa inigkakita ninyo sa makalilisang nga pagpasipala diha sa Templo nga gihisgotan sa propeta nga si Daniel, nga magtindog sa Dapit nga Balaan (pasabta niini ang magbasa),

Marcos 13:14

“Apan inigkakita ninyo sa makalilisang nga pasipala nga gipahimutang diha sa dapit diin dili kini angay (pasabta niini ang nagbasa), ang mga atua sa Judea pakagiwa ngadto sa kabukiran.

Lucas 10:22

Ang tanang mga butang gitugyan nganhi kanako sa akong Amahan ug walay nakaila kon si kinsa ang Anak gawas sa Amahan, o si kinsa ang Amahan gawas sa Anak ug ni bisan kinsa nga gipili sa Anak aron iyang padayagan.”

Lucas 21:20

“Apan sa diha nga makita ninyo ang Jerusalem nga libotan sa mga kasundalohan, hibaloi nga ang iyang pagkapukan nagkaduol na.

Lucas 21:24

Sila mangamatay sa sulab sa espada ug bihagon sila ngadto sa tanang kanasoran, ug ang Jerusalem tamakan sa mga Gentil hangtod matuman na ang mga panahon sa mga Gentil.

Juan 1:18

Wala pa gayoy tawo nga nakakita sa Dios. Ang bugtong nga Dios nga anaa sa sabakan sa Amahan mao ang nagpaila kaniya.

Deuteronomio 33:2

Siya miingon: “Ang Ginoo miabot gikan sa Sinai, ug gikan sa Seir siya mitindog ibabaw kanato, misidlak siya gikan sa bukid sa Paran, ug mianhi siya gikan sa napulo ka libo ka balaan, sa iyang tuong kamot adunay nagdilaab nga kalayo.

1 Mga Taga-Tesalonica 3:13

aron iyang mapalig-on ang inyong mga kasingkasing aron dili masaway diha sa kabalaan sa atubangan sa atong Dios ug Amahan inig-abot unya sa atong Ginoong Jesus uban sa tanan niyang mga balaan.

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

1 Pedro 1:12

Kanila gipadayag kini, nga sila wala mag-alagad alang sa ilang kaugalingon, kondili alang kaninyo diha sa mga butang nga karon gipahibalo na kaninyo pinaagi kanila nga nagsangyaw sa Maayong Balita, pinaagi sa Espiritu Santo nga gipadala gikan sa langit, ang mga butang nga ang mga anghel nangandoy sa pagsud-ong.

Judas 1:14

Mahitungod usab kanila nga si Enoc, gikan sa ikapitong kaliwatan sukad kang Adan, nagpropesiya nga nag-ingon, “Tan-awa, ang Ginoo moabot uban sa kaliboan ka libo nga balaan,

Gipadayag 11:2

apan ayaw sukda ang hawanan sa gawas sa Templo. Pasagdi kana, kay gikatugyan na kana ngadto sa kanasoran, ug ang balaang siyudad ilang yatakyatakan sulod sa kap-atan ug duha ka bulan.

Gipadayag 6:10

Ug sila nagsinggit sa kusog nga tingog nga nag-ingon, “O Ginoo, balaan ug matuod, hangtod kanus-a ba nga ikaw dili magsilot ug manimalos sa mga nagpuyo sa yuta tungod sa among dugo?”

Mga Maghuhukom 13:18

Ang anghel sa Ginoo miingon kaniya, “Nganong nangutana man ikaw sa akong ngalan, sa pagtan-aw nimo nga kahibulongan kini?”