Daniel 7:5

Ang Biblia 2011

Unya, dihay laing mananap, ang ikaduha, sama sa usa ka oso. Kini gipatindog sa usa ka kilid, ug kini adunay tulo ka gusok diha sa iyang baba taliwala sa iyang mga ngipon, ug kini giingnan, ‘Tindog, panukob ug daghang unod.’

Cross References

2 Mga Hari 2:24

Ug siya milingi ug sa pagkakita niya kanila, gitunglo niya sila sa ngalan sa Ginoo. Unya migula ang duha ka oso nga baye gikan sa kakahoyan ug mikunis-kunis sa 42 ka batang lalaki.

Mga Panultihon 17:12

Ipasugat sa usa ka tawo ang usa ka oso nga nawad-an sa iyang mga anak, kay sa usa ka buangbuang diha sa iyang binuang.

Isaias 56:9

Kamong tanan nga mga mananap sa kapatagan, dali ngari aron sa pagtukob, kamong tanan nga mga mananap sa lasang.

Daniel 11:2

“Karon ipakita nako kanimo ang kamatuoran. Tan-awa, tulo pa ka hari ang mobarog sa Persia, ug ang ikaupat labing dato kay kanilang tanan ug sa diha nga nakusgan na siya tungod sa iyang mga bahandi, hagiton niya ang tanan batok sa gingharian sa Gresya.

Daniel 2:39

Sunod kanimo motungha ang laing gingharian nga ubos kay kanimo, ug aduna pay ikatulong gingharian nga bronsi, nga maghari sa tibuok nga yuta.

Daniel 5:28

PERES, ang imong gingharian nabahin ug gihatag ngadto sa mga Medianhon ug sa mga Persianhon.”

Daniel 7:4

Ang una sama sa usa ka liyon, ug adunay mga pako sa agila. Unya samtang nagtan-aw ako, ang mga pako niini nangaibot ug kini gialsa gikan sa yuta ug gipatindog sa duha ka tiil sama sa usa ka tawo ug ang panghunahuna sa tawo gihatag niini.

Daniel 7:6

Human niini, ako mitan-aw ug nakita nako ang lain nga sama sa usa ka leopardo, nga adunay upat ka pako sa langgam sa likod niini, ug ang mananap adunay upat usab ka ulo ug ang paggahom gihatag kaniya.

Oseas 13:8

Mohasmag ako kanila sama sa usa ka oso nga nawad-an sa iyang mga itoy, ug laksion nako ang ilang dughan, ug didto ako maglamoy kanila sama sa usa ka liyon nga baye, sama sa usa ka mananap nga ihalas nga magwataswatas kanila.

Gipadayag 13:2

Ug ang bangis nga mananap nga akong nakita daw usa ka leopardo, ang iyang mga tiil daw mga tiil sa oso, ug ang iyang baba daw baba sa liyon. Ug kaniya gihatag sa dragon ang iyang gahom ug ang iyang trono ug ang dakong kagahom.