Daniel 7:27

Ang Biblia 2011

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Cross References

Salmo 72:11

Ang tanang mga hari magyukbo unta sa atubangan niya; mag-alagad unta kaniya ang tanang mga nasod!

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Lucas 1:33

ug iyang harian ang banay ni Jacob hangtod sa kahangtoran, ug walay kataposan ang iyang gingharian.”

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Salmo 22:27

Ang tanang mga kinatumyan sa yuta mahinumdom ug modangop ngadto sa Ginoo; ug ang tanang mga kabanayan sa mga kanasoran magsimba sa atubangan niya.

Daniel 7:18

Apan ang mga balaan sa Labing Halangdon makadawat sa gingharian ug makabaton sa gingharian hangtod sa kahangtoran, hangtod gayod sa kahangtoran.”

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Salmo 86:9

Ang tanang mga nasod nga imong gibuhat moduol ug mosimba sa atubangan nimo, O Ginoo, ug maghimaya sila sa imong ngalan.

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.

Daniel 7:22

hangtod nga ang gikan sa kakaraanan miabot ug ang hukom gihatag alang sa mga balaan sa Labing Halangdon ug miabot ang panahon nga ang mga balaan nakadawat sa gingharian.

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”

Zacarias 14:9

Ug ang Ginoo mahimong hari sa tibuok nga yuta. Nianang adlawa usa lamang ang Ginoo, ug usa ra ang iyang ngalan.

Isaias 54:3

Kay ikaw mokaylap sa layo, ngadto sa tuo ug ngadto sa wala, ug ang imong kaliwat manag-iya sa kanasoran, ug mopuyo sa mga siyudad nga biniyaan.

Gipadayag 22:5

Ug didto wala nay gabii, ug sila dili na magkinahanglan ug kahayag sa suga o sa adlaw, kay ang Ginoong Dios man ang ilang kahayag, ug sila maghari hangtod sa kahangtoran.

Juan 12:34

Ug ang panon sa katawhan mitubag kaniya, “Nakadungog kami gikan sa Balaod nga ang Cristo magpabilin hangtod sa kahangtoran. Busa unsaon man nimo sa pag-ingon nga kinahanglang iisa ang Anak sa Tawo? Kinsa man kining Anak sa Tawo?”

Abdias 1:21

Ang mga tigluwas motungas sa Bukid sa Zion aron sa pagmando sa Bukid ni Esau; ug ang gingharian mahimong iya sa Ginoo.

Daniel 4:34

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Gipadayag 20:4

Unya may nakita ako nga mga trono, ug niini naglingkod ang mga gitugyanan sa paghukom. Nakita usab nako ang mga kalag sa mga gipamunggotan sa ulo tungod sa ilang pagpamatuod mahitungod kang Jesus ug tungod sa pulong sa Dios, ug nga wala mosimba sa bangis nga mananap o sa iyang larawan, ug wala modawat sa iyang marka diha sa ilang mga agtang o sa ilang mga kamot. Sila nangabuhi pag-usab ug naghari uban kang Cristo sulod sa usa ka libo ka tuig.

1 Mga Taga-Corinto 15:24

Unya moabot ang kataposan, sa dihang itugyan niya ang gingharian ngadto sa Dios ug Amahan, sa dihang mapukan na niya ang tanang pamunoan ug tanang awtoridad ug gahom.

Gipadayag 11:1

Unya gihatagan ako ug sukdanan nga daw sungkod, ug giingnan ako, “Tindog ug sukda ang Templo sa Dios ug ang halaran ug ang mga nagsimba sa sulod niini

Isaias 14:2

Ug ang mga katawhan mokuha kanila, ug modala kanila ngadto sa ilang dapit, ug ang balay sa Israel manag-iya kanila sa yuta sa Ginoo ingon nga mga ulipon nga lalaki ug mga ulipon nga babaye. Sila mobihag sa nagbihag kanila ug magmando sa nagdaogdaog kanila.

Daniel 6:26

Ako nagbuhat ug kamandoan aron nga sa tanang ginsakpan sa akong gingharian, ang mga tawo magkurog ug mangahadlok sa atubangan sa Dios ni Daniel, Kay siya mao ang Dios nga buhi nga naglungtad hangtod sa kahangtoran; ang iyang gingharian dili mabungkag ug ang iyang paghari mohangtod sa kahangtoran.