Daniel 7:2

Ang Biblia 2011

Si Daniel miingon, “Akong nakita sa akong panan-awon sa pagkagabii ug dihay upat ka hangin sa langit nga mikutaw sa dakong dagat,

Cross References

Isaias 17:12

Ah, ang dahunog sa daghang mga katawhan, sila nagdahunog sama sa dinahunog sa kadagatan! Ah, ang kagahob sa mga nasod, sila nagsinggit sama sa kagahob sa gamhanang katubigan.

Jeremias 49:36

ug ipadala nako ngadto sa Elam ang upat ka hangin nga gikan sa upat ka suok sa langit, ug patibulaagon nako sila ngadto nianang mga hangin ug walay nasod nga dili adtoan sa mga sinalikway sa Elam.

Jeremias 51:42

Ang dagat misanap sa Babilonia; natabonan kini sa dagkong mga balod niini.

Daniel 11:4

Ug sa diha nga mobarog na siya, ang iyang gingharian mabungkag ug mabahin paingon sa upat ka hangin sa langit, apan dili sa iyang kaliwatan o sumala sa iyang paghari nga niini siya nagmando, kay ang iyang gingharian ibton ug maadto sa lain gawas niini.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 7:13

Nakita nako diha sa mga panan-awon sa kagabhion, ug uban sa mga panganod sa langit may usa nga miabot nga sama sa anak sa tawo ug siya miadto kaniya nga gikan sa kakaraanan ug gidala sa iyang atubangan.

Daniel 7:7

Human niini, nakita nako diha sa mga panan-awon sa pagkagabii nga dihay ikaupat nga mananap, makalilisang ug bangis ug hilabihan ka kusgan, ug kini may dagkong mga ngipon nga puthaw. Kini milamoy ug mikuniskunis ug miyatak sa salin pinaagi sa iyang mga tiil. Kini lahi sa tanang mananap nga una kaniya, ug kini adunay napulo ka sungay.

Daniel 8:2

May nakita ako diha sa panan-awon, ug sa akong pagkakita, didto ako sa Susa nga ulohang siyudad nga atua sa lalawigan sa Elam ug nakita nako sa panan-awon nga ako didto sa daplin sa suba sa Ulai.

Daniel 8:8

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Zacarias 6:5

Ug ang anghel mitubag kanako, “Kini mao ang upat ka hangin sa langit nga mopanaw human makapakita sa ilang kaugalingon atubangan sa Ginoo sa tibuok nga yuta.

Mateo 24:31

Ug ipadala niya ang iyang mga anghel uban sa kusog nga tingog sa trumpeta ug ilang tigomon ang iyang mga pinili gikan sa upat ka suok sa kalibotan, gikan sa usa ka tumoy sa langit ngadto sa pikas.

Gipadayag 17:15

Ug siya miingon kanako, “Ang katubigan nga imong nakita, diin naglingkod ang daotang babaye, mao mga tawo ug mga panon ug ang mga kanasoran ug mga pinulongan.

Gipadayag 7:1

Human niini akong nakita ang upat ka anghel nga nagtindog diha sa upat ka suok sa kalibotan, nagpugong sa upat ka hangin sa kalibotan, aron walay hangin nga mohuyop sa yuta o sa dagat o sa bisan unsa nga kahoy.