Daniel 7:12

Ang Biblia 2011

Mahitungod sa nahibilin nga mga mananap, ang ilang paghari gikuha apan ang ilang mga kinabuhi gilugwayan ug usa ka higayon ug usa ka panahon.

Cross References

Daniel 7:11

Niadtong taknaa ako mitan-aw tungod sa tingog sa dagkong mga pulong nga gisulti sa sungay. Ug samtang ako nagtan-aw, gipatay ang mananap ug ang iyang lawas gilaglag ug gitugyan aron sunogon sa kalayo.

Daniel 7:13

Nakita nako diha sa mga panan-awon sa kagabhion, ug uban sa mga panganod sa langit may usa nga miabot nga sama sa anak sa tawo ug siya miadto kaniya nga gikan sa kakaraanan ug gidala sa iyang atubangan.

Daniel 8:7

Nakita nako siya nga miduol sa laking karnero ug siya napungot kaayo kaniya, ug gidasmagan ang laking karnero ug gibali ang iyang duha ka sungay. Ang laking karnero walay gahom sa pagsukol kaniya, hinuon gitumba siya sa yuta ug giyatakan, ug walay usa nga nakaluwas sa laking karnero gikan sa iyang gahom.