Daniel 6:7

Ang Biblia 2011

Ang tanang mga pangulo sa gingharian, ang mga tigdumala ug ang mga kadagkoan, ang mga magtatambag ug ang mga gobernador nagkasabot nga ang hari kinahanglang maghimo ug usa ka tulumanon ug magpakanaog ug usa ka pagdili nga si bisan kinsa nga mag-ampo ngadto sa bisan unsang dios o tawo sulod sa 30 ka adlaw, gawas kanimo, O hari, siya itambog ngadto sa langob sa mga liyon.

Cross References

Salmo 10:9

naghupo siya sa tago sama sa liyon diha sa iyang tagoanan; nag-atang siya aron dakpon ang kabos; dakpon niya ang kabos sa dihang masikop niya kini diha sa iyang pukot.

Salmo 2:2

Ang mga hari sa yuta nagpahiluna sa ilang kaugalingon, ug ang mga nagmando nagkasabot batok sa Ginoo ug sa iyang dinihogan, nga nag-ingon,

Salmo 59:3

Kay sila nag-atang sa akong kinabuhi; ang mga bangis naghiusa batok kanako. Bisan wala akoy kalapasan o sala, O Ginoo;

Salmo 59:5

Ikaw, O Ginoo nga Dios sa mga panon, mao ang Dios sa Israel. Bangon aron sa pagsilot sa tanang mga nasod; ayaw pagbilin niadtong mga naglaraw ug daotan. Selah

Salmo 62:4

Naglaraw lamang sila sa pagpukan kaniya gikan sa iyang pagkahalangdon. Nangalipay sila sa mga kabakakan. Nagpanalangin sila pinaagi sa ilang baba, apan sa sulod sila nagtunglo. Selah

Salmo 83:5

Kay naghiusa sila sa pagsabot; batok kanimo sila naghimo ug kasabotan:

Salmo 94:20

Makapakig-uban ba kanimo ang daotang pangulo nga nagmugna ug daotang buhat pinaagi sa lagda?

Daniel 2:4

Unya ang mga Caldeanhon miingon sa hari, diha sa pinulongan nga Aramaico, “O hari, mabuhi ka hangtod sa kahangtoran! Suginli ang imong mga alagad sa damgo, ug among ipadayag ang hubad.”

Daniel 3:11

ug si bisan kinsa nga dili mohapa ug mosimba itambog ngadto sa hudno nga nagdilaab sa kalayo.

Daniel 3:2

Unya si Hari Nabucodonosor nagsugo sa pagpatigom sa mga kadagkoan, sa mga tigdumala, sa mga gobernador, sa mga magtatambag, sa mga mamahandi, sa mga maghuhukom, sa mga pangulo ug sa tanang mga tinugyanan sa mga lalawigan aron sa pagtambong sa paghalad sa larawan nga gipatindog ni Hari Nabucodonosor.

Daniel 3:27

Ug ang mga kadagkoan, ang mga tinugyanan, ang mga gobernador, ug ang mga magtatambag sa hari nagtapok ug nakakita nga ang kalayo walay gahom sa ilang mga lawas ang buhok sa ilang mga ulo wala masunog, ang ilang mga bisti wala maunsa ug walay baho sa kalayo nga mitapot kanila.

Daniel 3:6

Si bisan kinsa nga dili mohapa ug mosimba itambog dayon ngadto sa hudno nga nagdilaab sa kalayo.”

Daniel 6:16

Unya ang hari misugo ug gidala si Daniel ug gitambog ngadto sa langob sa mga liyon. Ang hari miingon kang Daniel, “Magluwas unta kanimo ang imong Dios nga imong gialagaran sa kanunay!”

Daniel 6:22

Ang akong Dios nagpadala sa iyang anghel, ug gitak-om ang baba sa mga liyon, ug sila wala makaunsa kanako tungod kay ako nakita nga walay ikasaway diha sa iyang atubangan ug usab sa imong atubangan. O hari, wala akoy nabuhat nga sayop.”

Miqueas 6:5

O akong katawhan, hinumdomi unsa ang gilaraw ni Balak nga hari sa Moab, ug kon unsa ang gitubag kaniya ni Balaam nga anak ni Beor ug unsa ang nahitabo gikan sa Sitim ngadto sa Gilgal, aron kamo mahibalo sa pagkamatarong sa Ginoo.”

Nahum 2:12

Ang liyon nagkuniskunis ug igo alang sa iyang mga itoy, ug nagtuok sa tinukob alang sa iyang mga baye nga liyon, gipuno niya ang iyang mga langob sa iyang tinukob, ug ang iyang mga lungib sa iyang gikuniskunis nga unod.

Mateo 12:14

Apan ang mga Pariseo nanggula ug nagsabot batok kang Jesus kon unsaon nila sa paglaglag kaniya.

Mateo 26:4

ug nagsabot sila aron sa pagdakop kang Jesus sa tago ug sa pagpatay kaniya.

Marcos 15:1

Dihadiha, sa pag-abot na sa kabuntagon, ang mga pangulong pari nakigsabot uban sa mga kadagkoan ug sa mga eskriba ug sa tibuok Sanhedrin. Ug gigapos nila si Jesus ug gidala ug gitugyan ngadto kang Pilato.

Juan 12:10

Busa ang mga pangulong pari nagsabot sa pagpatay usab kang Lazaro