Daniel 6:4

Ang Biblia 2011

Unya ang mga pangulo ug ang mga tinugyanan naninguha sa pagpangita ug kapasikaran alang sa sumbong batok kang Daniel mahitungod sa gingharian, apan sila wala makakita ug kapasikaran alang sa sumbong o sayop kay siya matinumanon man ug walay sayop o kalapasan nga nakita diha kaniya.

Cross References

Genesis 41:38

Ug ang Paraon nag-ingon sa iyang mga alagad, “Makakaplag ba kaha kita ug usa ka tawo nga sama niini, nga kaniya anaa ang Espiritu sa Dios?”

Genesis 43:18

Ug ang mga tawo nangahadlok kay gidala man sila ngadto sa balay ni Jose ug sila miingon, “Tungod sa salapi nga giuli sa atong mga sako kaniadto, kita gidala nila dinhi aron siya makakaplag ug higayon batok kanato ug himoon kitang mga ulipon ug sakmiton ang atong mga asno.”

Mga Panultihon 29:27

Ang dili matarong nga tawo dulumtanan sa matarong, apan siya nga ang dalan tul-id dulumtanan sa daotan.

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

Jeremias 18:18

Unya sila miingon, “Dali kamo, maglaraw kita batok kang Jeremias kay ang balaod dili mawagtang gikan sa pari, o ang mga tambag gikan sa mga maalamon, o ang pulong gikan sa propeta. Dali kamo, asdangon nato siya pinaagi sa dila, ug dili nato pamation ang bisan unsa sa iyang mga pulong.”

Jeremias 18:23

Apan ikaw, O Ginoo, nasayod sa tanan nilang mga paglaraw aron sa pagpatay kanako. Ayaw sila pasayloa sa ilang kasal-anan, o papason ang ilang mga sala gikan sa imong panan-aw. Pukana hinuon sila sa imong atubangan, himoa kana kanila sa panahon sa imong kasuko.

Jeremias 20:10

Kay ako nakadungog ug daghang mga hagawhaw. Kalisang anaa sa tanang dapit! “Isumbong siya! Isumbong nato siya!” nag-ingon ang tanan nakong mga suod nga higala, nga nagbantay sa akong pagkapukan. “Basin ug malingla siya, ug mabuntog nato siya, ug makapanimalos kita kaniya.”

Jeremias 29:7

Apan tinguhaa ninyo ang kaayohan sa siyudad diin didto ko kamo gipabihag, ug pag-ampo kamo sa Ginoo mahitungod niini, kay diha sa kaayohan niini kamo makakaplag sa inyong kaayohan.

Daniel 3:8

Busa niadtong panahona pipila ka Caldeanhon ang miduol ug mipasaka ug sumbong batok sa mga Judio.

Daniel 5:12

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”

Daniel 6:22

Ang akong Dios nagpadala sa iyang anghel, ug gitak-om ang baba sa mga liyon, ug sila wala makaunsa kanako tungod kay ako nakita nga walay ikasaway diha sa iyang atubangan ug usab sa imong atubangan. O hari, wala akoy nabuhat nga sayop.”

Mateo 26:4

ug nagsabot sila aron sa pagdakop kang Jesus sa tago ug sa pagpatay kaniya.

Mateo 27:18

Kay nasayod man siya nga tungod sa kasina gitugyan nila si Jesus nganha kaniya.

Lucas 20:20

Ug ilang gibantayan siya, ug gipaadtoan nila ug mga tigpaniid nga nagpakaaron-ingnon nga matarong aron ilang mabitik siya pinaagi sa iyang isulti, aron ilang itugyan siya ngadto sa kagamhanan ug sa pagbuot sa gobernador.

Lucas 20:26

Ug sa atubangan sa katawhan wala sila makahimo sa pagbitik kaniya pinaagi sa iyang gisulti ug sa ilang kahibulong sa iyang tubag, sila mihilom.

Lucas 22:2

Ug ang mga pangulong pari ug mga eskriba nagtinguha kon unsaon nila pagpatay si Jesus kay nahadlok man sila sa mga tawo.

Juan 19:4

Unya si Pilato migula na usab ug miingon kanila, “Tan-awa, ania gidala nako siya kaninyo sa gawas aron mahibalo kamo nga wala akoy nakitang sala diha kaniya.”

2 Mga Taga-Corinto 11:12

Ug ang akong gibuhat karon akong padayonon sa pagbuhat aron akong kakuhaan ug kahigayonan ang mga tawong naninguha sa kahigayonan sa pagpasigarbo nga ang ilang pagpangalagad sama sa amoa.

Mga Taga-Filipos 2:15

aron mahimo kamong putli ug dili masaway, mga anak sa Dios nga walay buling taliwala sa usa ka hiwi ug sukihan nga kaliwatan, nga sa taliwala nila kamo magsidlak ingon nga mga kahayag dinhi sa kalibotan,

1 Timoteo 5:14

Busa buot nako nga mamana ang mga batan-ong biyuda, manganak sila, magdumala sa ilang mga panimalay ug dili maghatag sa kaaway ug higayon sa pagsulti ug mga pagdaot kanato.

Tito 2:8

maayong pagpamulong nga dili masaway, aron ang kaaway maulawan sa diha nga wala siyay ikasulti nga ngil-ad batok kanato.

1 Pedro 2:12

Pagbaton kamo ug ligdong nga pagkinabuhi uban sa mga Gentil, aron nga bisan kon moingon sila nga kamo mga tigbuhat ug daotan, tungod sa ilang pagkakita sa inyong mga maayong binuhatan, sila maghimaya sa Dios unya sa adlaw sa iyang pag-anhi.

1 Pedro 3:16

Hinuon buhata ninyo kini uban sa kalumo ug pagtahod, ug pagbaton kamo ug hinlo nga tanlag aron nga sa dihang magsulti sila ug daotan kaninyo, maulawan hinuon sila nga nagbugalbugal sa inyong maayong kagawian diha kang Cristo.

Mga Maghuhukom 14:4

Ang iyang amahan ug ang iyang inahan wala mahibalo nga kadto gikan sa Ginoo, kay siya nangita ug usa ka higayon batok sa mga Filistihanon. Niadtong panahona ang mga Filistihanon naggahom ibabaw Israel.

1 Samuel 12:4

Sila miingon, “Wala ikaw maglimbong kanamo o magdaogdaog o magdawat ug bisan unsa gikan sa kamot ni bisan kinsang tawo.”

1 Samuel 18:14

Si David nagmalamposon sa tanan niyang gibuhat kay ang Ginoo nag-uban man kaniya.

1 Samuel 22:14

Unya si Ahimelek mitubag sa hari, “Ug si kinsa sa tanan nimong mga sulugoon ang matinumanon sama kang David nga umagad sa hari, ug pangulo sa imong mga bantay ug tinahod sa imong balay?