Daniel 6:23

Ang Biblia 2011

Unya ang hari nalipay sa hilabihan gayod ug nagsugo nga kuhaon si Daniel gikan sa langob. Busa si Daniel gikuha gikan sa langob, ug walay kadaot nga nakita diha kaniya, tungod kay siya misalig man sa iyang Dios.

Cross References

1 Mga Hari 5:7

Ug sa pagkadungog ni Hiram sa mga pulong ni Solomon, siya nalipay pag-ayo ug miingon, “Bulahan ang Ginoo niining adlawa nga naghatag kang David ug usa ka maalamon nga anak ibabaw niining gamhanang katawhan.”

1 Cronicas 5:20

Ug sa dihang gitabangan sila batok kanila, ug ang mga Hagrihanon ug ang tanan nga uban kanila gitugyan ngadto sa ilang mga kamot, kay sila mituaw ngadto sa Dios diha sa gubat, ug iyang gitugot ang ilang gipangayo tungod kay sila misalig man kaniya.

2 Cronicas 20:20

Sila mibangon pagsayo sa pagkabuntag ug miadto sa kamingawan sa Tekoa, ug sa nangadto sila, si Jehosafat mitindog ug miingon, “Pamatia ako, Juda ug mga lumulupyo sa Jerusalem! Tuo kamo sa Ginoo nga inyong Dios aron kamo malig-on; tuohi ang iyang mga propeta ug molampos kamo.”

Salmo 18:21

Kay nagsubay ako sa mga dalan sa Ginoo, ug wala ako mobulag sa akong Dios ngadto sa pagkadaotan.

Salmo 37:40

Ang Ginoo nagtabang kanila ug nagluwas kanila; siya nagpalingkawas kanila gikan sa mga daotan ug nagluwas kanila, kay sila midangop man kaniya.

Exodo 18:9

Ug nalipay si Jetro sa tanang kaayohan nga gibuhat sa Ginoo ngadto sa Israel, nga iyang giluwas sila gikan sa kamot sa mga Ehiptohanon.

Mga Panultihon 18:10

Ang ngalan sa Ginoo maoy usa ka lig-ong tore; ang matarong modagan ngadto niini ug maluwas.

Isaias 26:3

Ikaw nagbantay kaniya diha sa hingpit nga pakigdait, nga ang hunahuna nagpabilin diha kanimo, tungod kay siya nagsalig kanimo.

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Daniel 3:25

Siya mitubag, “Apan nakakita ako ug upat ka tawo nga walay gapos nga nanglakaw taliwala sa kalayo ug sila wala maunsa ug ang dagway sa ikaupat sama sa usa ka anak sa mga dios.”

Daniel 6:14

Unya ang hari, sa pagkadungog niya niining mga pulonga, nasubo pag-ayo ug naghunahuna sa pagluwas kang Daniel ug siya naningkamot hangtod sa pagkasalop sa adlaw aron sa pagluwas kaniya.

Daniel 6:18

Unya ang hari miadto sa iyang palasyo, ug nagpuasa sa tibuok nga gabii, walay mga paglingaw nga gidala kaniya ug ang katulogon mibiya kaniya.

Marcos 9:23

Si Jesus miingon kaniya, “Kon ikaw makahimo! Ang tanang butang mahimo alang kaniya nga nagtuo.”

Mga Hebreo 11:33

nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon,