Daniel 6:22

Ang Biblia 2011

Ang akong Dios nagpadala sa iyang anghel, ug gitak-om ang baba sa mga liyon, ug sila wala makaunsa kanako tungod kay ako nakita nga walay ikasaway diha sa iyang atubangan ug usab sa imong atubangan. O hari, wala akoy nabuhat nga sayop.”

Cross References

Genesis 40:15

Kay sa pagkatinuod, gikawat ako gikan sa yuta sa mga Hebreo, ug dinhi usab wala akoy nahimo nga kinahanglan ila akong bilanggoon.”

2 Samuel 22:7

“Sa akong kasub-anan gitawag nako ang Ginoo; ako mitawag sa akong Dios. Gikan sa iyang templo nadungog niya ang akong tingog, ug ang akong paghilak miabot sa iyang mga igdulungog.

1 Mga Hari 13:28

Ug miadto siya ug iyang nakita ang lawas nga nasalibay sa dalan ug ang asno ug ang liyon nga nagtindog tupad sa lawas. Ang liyon wala mokaon sa lawas o magwataswatas sa asno.

2 Cronicas 32:21

Ug ang Ginoo nagpadala ug usa ka anghel nga mipuo sa tanang kusgan nga mga sundalo ug sa mga tigmando ug sa mga tinugyanan didto sa kampo sa hari sa Asiria. Busa si Senakerib mipauli nga naulawan ngadto sa iyang kaugalingong yuta. Sa pag-abot niya sa balay sa iyang dios, pipila sa iyang mga anak mipatay kaniya didto pinaagi sa espada.

Salmo 118:28

Ikaw mao ang akong Dios ug ako magpasalamat kanimo; ikaw mao ang akong Dios, ako magdayeg kanimo!

Salmo 26:6

Ako manghunaw sa akong mga kamot sa pagkawalay sala, ug molibot sa imong halaran, O Ginoo,

Salmo 31:14

Apan nagsalig ako kanimo, O Ginoo; ako nag-ingon, “Ikaw mao ang akong Dios.”

Salmo 34:7

Ang anghel sa Ginoo maglibot niadtong may kahadlok kaniya, ug magluwas kanila.

Salmo 38:21

Ayaw ako biyai, O Ginoo! O akong Dios, ayaw pagpalayo kanako!

Salmo 84:11

Kay ang Ginoo nga Dios adlaw ug taming; ang Ginoo mohatag ug grasya ug himaya. Walay maayo nga butang nga ihikaw niya gikan niadtong mga naglakaw nga matarong.

Isaias 3:10

Suginli ang mga matarong nga kini maayo alang kanila, kay sila makakaon sa bunga sa ilang binuhatan.

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Jeremias 37:18

Si Jeremias miingon usab ngadto kang Hari Zedekias, “Unsay sayop nga akong nabuhat kanimo o sa imong mga alagad o niining katawhan, nga gibilanggo man ninyo ako?

Daniel 3:28

Si Nabucodonosor miingon, “Bulahan ang Dios ni Sadrac, ni Mesac ug ni Abednego, nga nagpadala sa iyang anghel ug nagluwas sa iyang mga alagad nga misalig kaniya, ug gibaliwala ang sugo sa hari ug nagtugyan sa ilang mga lawas kay sa mag-alagad sila ug magsimba sa lain nga dios gawas lamang sa ilang kaugalingon nga Dios.

Daniel 6:20

Sa pagduol niya sa langob diin didto si Daniel, misinggit siya sa usa ka tingog nga masulob-on ug miingon kang Daniel, “O Daniel, alagad sa Dios nga buhi, ang imong Dios nga imong gialagaran sa kanunay nagluwas ba kanimo gikan sa mga liyon?”

Daniel 6:23

Unya ang hari nalipay sa hilabihan gayod ug nagsugo nga kuhaon si Daniel gikan sa langob. Busa si Daniel gikuha gikan sa langob, ug walay kadaot nga nakita diha kaniya, tungod kay siya misalig man sa iyang Dios.

Daniel 6:4

Unya ang mga pangulo ug ang mga tinugyanan naninguha sa pagpangita ug kapasikaran alang sa sumbong batok kang Daniel mahitungod sa gingharian, apan sila wala makakita ug kapasikaran alang sa sumbong o sayop kay siya matinumanon man ug walay sayop o kalapasan nga nakita diha kaniya.

Daniel 6:7

Ang tanang mga pangulo sa gingharian, ang mga tigdumala ug ang mga kadagkoan, ang mga magtatambag ug ang mga gobernador nagkasabot nga ang hari kinahanglang maghimo ug usa ka tulumanon ug magpakanaog ug usa ka pagdili nga si bisan kinsa nga mag-ampo ngadto sa bisan unsang dios o tawo sulod sa 30 ka adlaw, gawas kanimo, O hari, siya itambog ngadto sa langob sa mga liyon.

Miqueas 7:7

Apan alang kanako, ako motutok sa Ginoo, ako maghulat sa Dios sa akong kaluwasan; ang akong Dios magpatalinghog kanako.

Numeros 20:16

Ug sa dihang mituaw kami sa Ginoo, namati siya sa among tingog ug nagsugo sa usa ka anghel ug gikuha kami gikan sa Ehipto, ug ania kami dinhi sa Cades, usa ka lungsod sa utlanan sa imong yuta.

Mateo 27:46

Ug sa mga ikatulo nga takna sa hapon, si Jesus mituaw sa kusog nga tingog nga nag-ingon, “Eli, Eli, lema sabachthani?” nga sa ato pa, “Dios ko, Dios ko, nganong gibiyaan mo ako.”

Mga Buhat 12:11

Ug sa nakamatngon na si Pedro, siya miingon, “Karon nasuta ko na nga ang Ginoo tinuod gayod nga nagpadala sa iyang anghel ug nagluwas kanako gikan sa kamot ni Herodes ug gikan sa tanang gipaabot sa mga Judio.”

Mga Buhat 24:16

Busa kanunay nako nga gipaningkamotan ang pagbaton ug hinlo nga tanlag ngadto sa Dios ug sa mga tawo.

Mga Buhat 27:23

Kay niining gabhiona may mitindog tupad kanako nga usa ka anghel sa Dios diin ako sakop ug maoy akong gisimba,

2 Mga Taga-Corinto 1:12

Kay kini mao ang among pasigarbo: ang gipamatuod sa among tanlag mao nga diha sa kayano ug sa diosnong kamatinud-anon, dili diha sa kaalam nga unodnon kondili diha sa grasya sa Dios, nagkinabuhi kami dinhi sa kalibotan ug labaw pa gayod nganha kaninyo.

2 Timoteo 4:17

Apan ang Ginoo mibarog tupad kanako ug gilig-on ako aron pinaagi kanako ang pagsangyaw hingpit nga matuman ug ang tanang mga Gentil makadungog niini. Ug ako giluwas gikan sa baba sa liyon.

Mga Hebreo 1:14

Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan?

Mga Hebreo 11:33

nga tungod sa pagtuo gibuntog nila ang mga gingharian, gipatuman nila ang kaangayan, gidawat nila ang mga saad, gipatak-om nila ang mga baba sa mga liyon,

1 Samuel 17:37

Ug si David miingon, “Ang Ginoo nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang Ginoo mag-uban kanimo!”

1 Samuel 26:18

Ug siya miingon, “Ngano ba nga ang akong agalon naggukod man sa iyang sulugoon? Kay unsa may akong nabuhat? Unsa ang sala nga ania sa akong kamot?