Daniel 6:12

Ang Biblia 2011

Unya sila miduol ug miingon sa atubangan sa hari mahitungod sa gidili sa hari, “O hari! Wala ba ikaw mopirma sa usa ka pagdili nga si bisan kinsa nga mangamuyo sa bisan unsang dios o tawo sulod sa 30 ka adlaw gawas kanimo, O hari, itambog ngadto sa langob sa mga liyon?” Ang hari mitubag, “Ang butang nagpabilin sumala sa balaod sa mga Medianhon ug sa mga Persianhon, dili mabakwi.”

Cross References

Ester 1:19

Kon kini makapahimuot sa hari, ipagula ang usa ka harianong sugo gikan kaniya, ug ipasulat kini uban sa mga balaod sa mga Persianhanon ug sa taga-Medes aron dili kini mausab, nga si Vasti dili na moadto sa atubangan ni Hari Ahasuero. Ug ipahatag sa hari ang kahimtang nga harianon ngadto sa lain nga maayo pa kay kang Vasti.

Daniel 6:15

Unya kining mga tawhana nagkahiusa sa pag-adto sa hari ug miingon sa hari, “Hibaloi, O hari, nga kini balaod sa mga Medianhon ug sa mga Persianhon, walay mando o tulumanon nga gihimo sa hari nga mahimong bakwion.”

Daniel 6:8

Karon, O hari, himoa ang mando ug pirmahi ang kasulatan, aron dili kini mabakwi, sumala sa balaod sa mga Medianhon ug sa mga Persianhon nga dili mabakwi.”

Mga Buhat 16:19

Apan sa pagkakita sa iyang mga agalon nga nawala na ang ilang paglaom sa pagpanapi, ilang gidakop si Pablo ug si Silas ug gidala ngadto sa merkado sa atubangan sa mga pangulo.

Mga Buhat 16:24

Sa pagkadawat niya sa maong sugo, iyang gibutang sila sa kinasuokan sa bilanggoan ug ang ilang mga tiil iyang gibalhog diha sa giakob nga kahoy.