Daniel 6:10

Ang Biblia 2011

Sa pagkahibalo ni Daniel nga ang kasulatan gipirmahan, miadto siya sa iyang balay diin adunay mga bintana sa lawak sa itaas nga abli paingon sa Jerusalem ug siya miluhod sa makatulo sa usa ka adlaw ug nag-ampo ug nagpasalamat sa atubangan sa iyang Dios, sama sa iyang gihimo kaniadto.

Cross References

1 Mga Hari 8:30

Ug pamatia ang pagpakiluoy sa imong sulugoon ug sa imong katawhan nga Israel, sa diha nga sila mag-ampo nganhi niining dapita, Oo, pamati diha sa langit nga imong puluy-anan ug sa dihang makadungog ikaw, pasayloa kami.

1 Mga Hari 8:38

bisan unsa nga pag-ampo o pakiluoy nga himoon sa bisan kinsang tawo o sa tibuok nimong katawhan nga Israel, matag usa nahibalo sa kasakit sa iyang kaugalingong kasingkasing ug magbayaw sa iyang mga kamot nganhi niining balaya,

1 Mga Hari 8:44

“Kon ang imong katawhan mogula aron sa pagpakiggubat batok sa ilang kaaway, sa bisan unsang paagi paadtoon nimo sila, ug sila mag-ampo sa Ginoo, ngadto sa siyudad nga imong gipili ug sa balay nga akong gitukod alang sa imong ngalan,

1 Mga Hari 8:54

Ug sa nakahuman na si Solomon sa tanang mga pag-ampo ug pangamuyo sa Ginoo, mitindog siya gikan sa atubangan sa halaran sa Ginoo, diin siya magluhod binayaw ang iyang mga kamot ngadto sa langit.

2 Cronicas 6:13

Si Solomon naghimo ug usa ka bronsi nga pulpito nga lima ka maniko ang gitas-on, lima ka maniko ang gilapdon, ug tulo ka maniko ang gihabogon, ug gipahiluna kini diha sa hawanan ug siya mitindog ibabaw niini. Unya miluhod siya sa atubangan sa tibuok nga katilingban sa Israel, ug gibayaw niya ang iyang mga kamot paingon sa langit.

2 Cronicas 6:38

kon sila maghinusol sa tibuok nilang hunahuna ug sa tibuok nilang kasingkasing didto sa yuta sa ilang pagkabihag, diin sila madala nila nga binihag, ug mag-ampo sila paatubang sa ilang yuta, nga imong gihatag sa ilang mga katigulangan, sa siyudad nga imong gipili ug sa balay nga akong gitukod alang sa imong ngalan,

Esdras 9:5

Panahon sa haponon nga paghalad mitindog ako gikan sa akong pagpuasa, nagsul-ob sa akong bisti ug sa akong kupo nga ginisi ug ako miluhod ug gibayaw nako ang akong mga kamot ngadto sa Ginoo nga akong Dios,

Nehemias 6:11

Apan ako miingon, “Moikyas ba ang usa ka tawo nga sama kanako? Ug kinsa bang tawhana nga sama kanako nga mosulod sa Templo ug mabuhi? Dili ako mosulod.”

Salmo 34:1

Dayegon nako ang Ginoo sa tanang mga panahon; ang pagdayeg kaniya anaa kanunay sa akong baba.

Salmo 5:7

Apan ako, diha sa kadagaya sa imong gugmang walay paglubad, mosulod sa imong balay; diha sa pagkahadlok kanimo, magsimba ako atubangan sa imong Templo nga balaan.

Salmo 55:17

Sa gabii ug sa buntag ug sa udto ako magmulo ug mag-agulo, ug pamation niya ang akong tingog.

Salmo 86:3

pagmaluluy-on kanako, O Ginoo, kay kanimo nagtuaw ako sa tibuok adlaw.

Salmo 95:6

O dali kamo, magsimba ug mangyukbo kita; mangluhod kita sa atubangan sa Ginoo nga atong Magbubuhat!

Daniel 6:13

Unya mitubag sila ug miingon sa atubangan sa hari, “Kana si Daniel nga usa sa mga binihag gikan sa Juda wala magtamod kanimo, O hari, o sa mando nga imong gipirmahan, kondili naghimo sa iyang pag-ampo makatulo sa usa ka adlaw.”

Daniel 9:4

Ako nag-ampo sa Ginoo nga akong Dios ug misugid nga nag-ingon, “O Ginoo, ang dako ug makalilisang nga Dios nga nagtuman sa kasabotan ug sa gugmang walay paglubad ngadto kanila nga nahigugma kaniya ug nagtuman sa iyang mga sugo,

Jonas 2:4

Unya ako miingon, ‘Gisalikway ako gikan sa imong atubangan; unsaon man nako pagtan-aw pag-usab sa imong balaan nga Templo?’

Marcos 3:3

Ug siya miingon sa tawo nga may kamot nga mikuyos, “Duol ngari.”

Lucas 14:26

“Kon adunay tawo nga moari kanako ug dili siya magdumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.

Lucas 22:41

Ug siya mipalayo gikan kanila sa gilay-on nga malabay ug bato, ug miluhod ug nag-ampo,

Mga Buhat 10:9

Sa pagkasunod adlaw, sa naglakaw pa sila ug nagkaduol na sa lungsod, si Pedro usab misaka sa atop sa balay sa udtong tutok aron mag-ampo.

Mga Buhat 2:15

Kay kining mga tawhana dili mga hubog, sumala sa inyong gihunahuna kay ikasiyam pa lamang nga takna sa buntag niining adlawa.

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 20:36

Ug sa nakasulti na siya niini, siya miluhod ug nag-ampo uban kanilang tanan.

Mga Buhat 21:5

Ug sa diha nga natapos na ang among mga adlaw didto, migikan kami ug mipadayon sa among panaw. Ug silang tanan, uban ang mga asawa ug mga anak, mihatod kanamo hangtod sa gawas sa siyudad, ug sa nangluhod kami sa baybayon, nag-ampo kami

Mga Buhat 3:1

Unya si Pedro ug si Juan mitungas ngadto sa Templo sa panahon sa pag-ampo, sa ikatulo nga takna sa hapon.

Mga Buhat 4:29

Ug karon, Ginoo, tan-awa ang ilang mga pagpanghulga ug itugot sa imong mga alagad ang pagsulti sa imong pulong uban sa tanang kaisog,

Mga Buhat 5:20

“Lakaw ug tindog sulod sa Templo ug sultihi ang katawhan sa tanang pulong mahitungod niining maong kinabuhi.”

Mga Buhat 5:29

Apan si Pedro ug ang mga apostoles mitubag nga nag-ingon, “Kinahanglan among tumanon ang Dios kay sa mga tawo.

Mga Buhat 7:60

Ug siya miluhod ug misinggit sa kusog nga tingog, “Ginoo, ayaw paningla kining salaa diha kanila.” Ug sa nakasulti na siya niini, siya namatay.

Mga Buhat 9:40

Apan silang tanan gipagula ni Pedro, ug siya miluhod ug nag-ampo. Unya sa pag-atubang niya sa lawas, miingon siya, “Tabita, bangon.” Ug gibuka ni Dorcas ang iyang mga mata ug sa pagkakita niya kang Pedro, siya milingkod.

Mga Taga-Efeso 3:14

Tungod niining maong katarongan, ako magluhod sa atubangan sa Amahan,

Mga Taga-Filipos 1:14

Ang kadaghanan sa kaigsoonan nahimong masaligon sa Ginoo tungod sa akong pagkabilanggo, ug misamot sa pagkamaisogon sa pagsulti sa pulong sa Dios nga walay kahadlok.

Mga Taga-Filipos 1:20

Ingon nga maoy akong mainitong pagpaabot ug paglaom nga dili gayod ako maulaw, apan nga inubanan sa tumang kaisog karon ug sa kanunay, si Cristo mapasidunggan dinhi sa akong lawas, bisan pa kon pinaagi sa kinabuhi o sa kamatayon.

Mga Taga-Filipos 4:6

Ayaw kamo kabalaka mahitungod sa bisan unsang butang, apan sa tanang butang ipahibalo ninyo sa Dios ang inyong mga hangyo pinaagi sa pag-ampo ug sa pagpangamuyo uban ang pagpasalamat.

Mga Taga-Colosas 3:17

Ug bisan unsay inyong buhaton, sa pulong o sa buhat, buhata ang tanan sa ngalan sa Ginoong Jesus, uban sa pagpasalamat ngadto sa Dios nga Amahan pinaagi kaniya.

Mga Hebreo 13:15

Busa pinaagi kaniya himoon nato sa kanunay ang halad sa pagdayeg ngadto sa Dios, sa ato pa, sa bunga sa mga ngabil nga nag-ila sa iyang ngalan.

Mga Hebreo 4:16

Sa ingon niana, uban sa pagsalig manuol kita ngadto sa trono sa grasya, aron makadawat ug kaluoy ug makakaplag ug grasya nga makatabang kanato sa panahon sa pagpanginahanglan.

Gipadayag 2:10

Ayaw kahadlok sa mga butang nga sa dili madugay imo nang antoson. Tan-awa, ang yawa hapit na magbanlod sa pipila kaninyo ngadto sa bilanggoan, aron masulayan kamo, ug sakiton kamo sulod sa napulo ka adlaw. Pagmatinumanon hangtod sa kamatayon, ug hatagan ko ikaw sa purongpurong nga kinabuhi.

Gipadayag 2:13

“ ‘Nasayod ako sa dapit nga imong gipuy-an, diin anaa ang trono ni Satanas. Gihuptan nimo ang akong ngalan ug wala nimo ilimod ang imong pagtuo kanako bisan pa sa mga adlaw ni Antipas nga akong saksi, ang akong sinaligan nga gipatay diha kaninyo, diin nagpuyo si Satanas.