Daniel 5:5

Ang Biblia 2011

Dihadiha may mitungha nga mga tudlo sa kamot sa usa ka tawo ug misulat diha sa bato nga bungbong sa palasyo sa hari atbang sa lamparahan ug nakita sa hari ang kamot samtang kini nagsulat.

Cross References

Job 20:5

nga ang paghimaya sa tawong daotan mubo ra, ug ang kalipay sa walay Dios usa lamang ka gutlo?

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Jeremias 50:43

“Ang hari sa Babilonia nakadungog sa balita mahitungod kanila, ug ang iyang mga kamot nangaluya; ang kaguol miabot kaniya, ang kasakit sama sa usa ka babaye nga nagbati.

Daniel 4:31

Samtang ang mga pulong diha pa sa baba sa hari, dihay tingog nga gikan sa langit, “O Hari Nabucodonosor, nganha kanimo kini gisulti: Ang gingharian mipalayo kanimo.

Daniel 4:33

Ang maong pulong natuman dayon diha kang Nabucodonosor. Siya giabog gikan sa mga tawo, ug mikaon sa mga sagbot sama sa baka ug ang iyang lawas nahumod sa yamog sa langit, hangtod nga ang iyang buhok mitubo sama ka taas sa mga balhibo sa mga agila ug ang iyang mga kuko sama sa mga kuko sa mga langgam.

Daniel 5:15

Karon ang mga maalamong tawo, ang mga tigpanglamat, gidala na sa akong atubangan aron sa pagbasa niining sinulat ug pagpadayag kanako sa hubad niini, apan wala sila makapadayag kanako sa hubad sa maong butang.

Daniel 5:4

Sila nanginom sa bino, ug nagdayeg sa mga dios nga bulawan ug plata, bronsi, puthaw, kahoy ug bato.

Daniel 5:6

Unya ang nawong sa hari nangluspad ug ang iyang mga hunahuna nakapalisang kaniya ug ang mga lutahan namuypoy ug ang iyang mga tuhod nangurog.

Daniel 5:8

Unya misulod ang tanang mga maalamong tawo sa hari apan wala sila makabasa sa sinulat o makapadayag ngadto sa hari sa hubad niini.

Mga Taga-Colosas 2:14

ingon nga napapas niya ang sulat nga nagbabag batok kanato pinaagi sa mga tulumanon niini ug kini iyang gikuha gikan kanato ug gilansang kini sa krus.