Daniel 5:29

Ang Biblia 2011

Unya nagsugo si Belsasar, ug si Daniel gisul-oban sa mahalong bisti nga tapol, sa kuwentas nga bulawan diha sa iyang liog ug ang pahibalo gihimo mahitungod kaniya, nga siya mahimong ikatulo nga tinugyanan sa gingharian.

Cross References

Genesis 41:42

Unya gikuha sa Paraon ang singsing nga silyo gikan sa iyang kamot ug gisul-ob kini sa kamot ni Jose ug gibistihan siya sa mga panapton nga pinong lino ug gibutangan siya ug usa ka kuwentas nga bulawan sa iyang liog.

Ester 10:3

Kay si Mardoqueo nga Judio luyoluyo ni Hari Ahasuero, ug bantogan taliwala sa mga Judio, ug gikahimut-an sa daghan niyang mga kaigsoonan kay nagtinguha siya sa kaayohan sa iyang katawhan ug nagsulti sa pakigdait sa tanan niyang katawhan.

Mga Panultihon 1:9

kay kini usa ka purongpurong nga bulak alang sa imong ulo ug mga kuwentas alang sa imong liog.

Daniel 2:48

Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.

Daniel 5:16

Apan ako nakadungog nga ikaw makahatag ug mga hubad ug makasulbad sa mga suliran. Karon kon ikaw makabasa sa sinulat ug makapadayag kanako sa hubad niini, sul-oban ikaw ug mahalong bisti nga tapol ug makaangkon ug kuwentas nga bulawan sa imong liog ug mahimo nga ikatulong tinugyanan sa gingharian.”

Daniel 5:7

Ang hari misinggit ug kusog aron pasudlon ang mga tigpanglamat, ang mga Caldeanhon ug ang mga tigpanagna pinaagi sa mga bituon. Ang hari misulti sa mga maalamong tawo sa Babilonia, “Si bisan kinsa nga makabasa niining sinulat ug makapadayag kanako sa hubad niini, sul-oban ug mahalong bisti nga tapol, makaangkon ug kuwentas nga bulawan sa iyang liog, ug mahimong ikatulong tinugyanan sa gingharian.”

Daniel 6:2

Ug ibabaw kanila tulo ka pangulo, diin usa kanila si Daniel, ug diha kaniya manubag ang mga tinugyanan aron ang hari dili mag-antos sa kapakyasan.