Daniel 5:20

Ang Biblia 2011

Apan sa diha nga nagmapahitas-on ang iyang kasingkasing ug nagmagahi ang iyang espiritu, nga tungod niana siya nagkinabuhi nga mapahitas-on, gipapha siya gikan sa iyang trono nga harianon, ug ang iyang himaya gikuha gikan kaniya.

Cross References

2 Mga Hari 17:14

Apan wala sila mamati ug nagpagahi hinuon sa ilang mga ulo sama sa ilang katigulangan nga wala motuo sa Ginoo nga ilang Dios.

2 Cronicas 32:25

Apan si Hesekias wala mobalos sumala sa kaayohan nga gihimo kaniya kay ang iyang kasingkasing mapagarbohon, busa ang kapungot midangat kaniya ug sa Juda ug sa Jerusalem.

2 Cronicas 36:13

Siya misukol usab batok kang Hari Nabucodonosor nga nagpapanumpa kaniya pinaagi sa Dios; gipatikig niya ang iyang liog ug gipagahi ang iyang kasingkasing batok sa pagbalik ngadto sa Ginoo, ang Dios sa Israel.

Exodo 18:11

Karon naila nako nga ang Ginoo dako kay sa tanang mga dios, kay iyang giluwas ang katawhan gikan sa kamot sa mga Ehiptohanon sa dihang mapagarbohon silang nagdumala sa Israel.”

Exodo 9:17

Nagpataas pa gihapon ikaw sa imong kaugalingon batok sa akong katawhan ug dili nimo sila tugotan sa paglakaw.

Exodo 9:7

Ug ang Paraon nagsugo ug nakita nga walay usa nga namatay sa kahayopan sa katawhan sa Israel. Apan ang kasingkasing sa Paraon nagpabiling gahi ug wala niya tugoti sa paglakaw ang katawhan.

Mga Panultihon 16:18

Ang garbo mag-una sa pagkalaglag, ug ang mapahitas-ong espiritu sa dili pa ang pagkapukan.

Mga Panultihon 16:5

Ang matag usa nga mapahitas-on dulumtanon sa Ginoo; dili gayod mahimo nga dili siya silotan.

Isaias 47:1

Kanaog, ug lingkod sa abog, O ulay nga anak sa Babilonia; lingkod sa yuta nga walay trono, O anak nga babaye sa mga Caldeanhon! Kay ikaw dili na tawgon nga lumo ug huyang.

Jeremias 13:18

Sultihi ang hari ug ang rayna nga inahan, “Lingkod sa ubos nga lingkoranan, kay ang inyong mga matahom nga korona nahulog gikan sa inyong ulo.”

Jeremias 19:15

“Mao kini ang giingon sa Ginoo sa mga panon, ang Dios sa Israel: Nagpadala ako niining siyudara ug sa tanang mga lungsod niini, sa tanang kadaot nga akong gibungat batok niini tungod kay gipatikig nila ang ilang mga liog, nagdumili sa pagpamati sa akong mga pulong.”

Jeremias 48:18

“Kanaog gikan sa imong himaya, ug lingkod sa uga nga yuta, O lumulupyo sa Dibon! Kay ang tiglaglag sa Moab ania na batok kanimo; iyang gilumpag ang imong mga salipdanan.

Ezequiel 30:6

“Mao kini ang giingon sa Ginoo: Kadtong motabang sa Ehipto mangapukan ug ang iyang mapagarbohong gahom mapukan; gikan sa Migdol ngadto sa Syene sila mangapukan diha kaniya pinaagi sa espada, nag-ingon ang Ginoong Dios.

Ezequiel 31:10

“Busa mao kini ang giingon sa Ginoong Dios: Tungod kay kini mituybo ug misangko ang tumoy niini diha sa kapanganoran ug ang kasingkasing niini mapahitas-on tungod sa iyang gitas-on,

Daniel 11:36

“Ug ang hari magbuhat sumala sa iyang kabubut-on, siya magpasidungog sa iyang kaugalingon ug magpadako sa iyang kaugalingon labaw sa tanang dios ug magsulti ug mga katingalahang butang batok sa Dios sa mga dios. Siya magmauswagon hangtod nga ang kayugot matuman kay unsa ang gitakda kinahanglang tumanon.

Daniel 4:26

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Daniel 4:28

Kining tanan midangat kang Hari Nabucodonosor.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Daniel 8:8

Unya ang laking kanding nagpagarbo pag-ayo sa iyang kaugalingon, apan sa diha nga nakusgan na siya, ang dakong sungay nabali, ug puli niini migula ang upat ka dayag nga sungay paingon sa upat ka hangin sa langit.

Lucas 18:14

Sultihan ko kamo, kining tawhana mipauli sa iyang balay nga maoy gimatarong kay sa usa, kay ang matag usa nga magpataas sa iyang kaugalingon ipaubos, apan ang magpaubos sa iyang kaugalingon, ipataas.”

Mga Hebreo 3:13

Apan pagtinambagay kamo sa usa ug usa matag adlaw, samtang matawag pa kini nga “karong adlawa,” aron wala kaninyoy magmagahi tungod sa pagpakamalimbongon sa sala.

1 Samuel 6:6

Nganong pagahion ninyo ang inyong mga kasingkasing sama sa mga Ehiptohanon ug sa Paraon nga nagpagahi sa ilang mga kasingkasing? Human niya sila duladulai, dili ba gipalakaw man nila ang katawhan ug sila nanglakaw?