Daniel 5:2

Ang Biblia 2011

Si Belsasar, sa dihang makainom na sa bino, nagsugo nga dad-on ang mga kupa nga bulawan ug plata nga nakuha sa iyang amahan nga si Nabucodonosor gikan sa Templo sa Jerusalem aron ang hari ug ang iyang mga kadagkoan, ang iyang mga asawa ug ang iyang mga puyopuyo makainom gikan niini.

Cross References

2 Samuel 9:7

Ug si David miingon kaniya, “Ayaw kahadlok kay ako magpakita kanimo ug kaluoy tungod ug alang kang Jonatan nga imong amahan, ug iuli nako kanimo ang tanang yuta ni Saul nga imong apohan, ug anhi ka na magkaon kanunay sa akong lamisa.”

2 Mga Hari 24:13

Ug iyang gidala gikan didto ang tanan nga mga bahandi sa balay sa Ginoo ug ang mga bahandi sa balay sa hari, ug gidugmok ang tanan nga mga sudlanan nga bulawan nga diha sa Templo sa Ginoo nga gibuhat ni Solomon nga hari sa Israel sumala sa gisulti nang daan sa Ginoo.

2 Mga Hari 25:15

ang mga sangga sa baga usab ug ang mga panaksan. Kadtong hinimo sa bulawan gikuha sa pangulo sa mga bantay ingon nga bulawan ug kadtong hinimo sa plata ingon nga plata.

2 Cronicas 11:20

Sunod kaniya iyang gipangasawa si Maaca nga anak ni Absalom nga nanganak kaniya kang Abias, kang Atai, kang Ziza, ug kang Selomit,

2 Cronicas 15:16

Bisan si Maaca nga iyang inahan gipapahawa ni Hari Asa gikan sa pagkarayna tungod kay siya naghimo ug usa ka dulumtanan nga larawan alang kang Asera. Giputol ni Asa ang iyang larawan ug gidugmok kini ug gisunog kini didto sa Sapa sa Kidron.

2 Cronicas 36:10

Sa tingpamulak niadtong tuiga, si Hari Nabucodonosor misugo, ug gidala siya ngadto sa Babilonia uban sa mga bililhong galamiton sa balay sa Ginoo, ug si Zedekias nga iyang igsoon gihimong hari sa Juda ug sa Jerusalem.

2 Cronicas 36:18

Ang tanang mga kagamitan sa balay sa Dios, dagko ug gagmay, ug ang mga bahandi sa balay sa Ginoo ug ang mga bahandi sa hari ug sa iyang mga pangulo, kining tanan iyang gidala ngadto sa Babilonia.

Esdras 5:14

Ug ang bulawan ug ang plata nga mga kagamitan sa balay sa Dios nga gipanguha ni Nabucodonosor gikan sa Templo nga didto sa Jerusalem ug gidala ngadto sa templo sa Babilonia, gipanguha ni Ciro nga hari gikan sa templo sa Babilonia ug gihatag ngadto sa usa nga ginganlan ug Sesbasar nga iyang gihimong gobernador.

Jeremias 27:7

Ang tanang mga nasod mag-alagad kaniya ug sa iyang anak, ug sa anak sa iyang anak, hangtod nga moabot ang panahon sa iyang kaugalingong yuta; unya daghang mga nasod ug gamhanang mga hari ang mag-ulipon kaniya.

Jeremias 50:35

“Espada ngadto sa mga Caldeanhon, nag-ingon ang Ginoo, ug ngadto sa mga nagpuyo sa Babilonia, ug sa iyang mga pangulo ug sa iyang mga maalamong tawo!

Jeremias 52:19

lakip usab ang gagmayng mga panaksan, ang mga sangga sa baga, ang mga planggana, ang mga kulon, ang mga lamparahan, ang mga sudlanan sa insenso ug ang mga panaksan alang sa ilimnon. Ang hinimo gikan sa bulawan gikuha sa hari ingon nga bulawan ug ang hinimo gikan sa plata ingon nga plata.

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Daniel 5:11

Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Daniel 5:13

Unya si Daniel gidala sa atubangan sa hari. Ang hari miingon kang Daniel, “Ikaw kadtong Daniel nga usa sa mga binihag gikan sa Juda nga gidala sa hari nga akong amahan gikan sa Juda.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Daniel 5:3

Unya ilang gidala ang bulawan ug ang plata nga mga kupa nga kinuha gikan sa Templo, sa balay sa Dios didto sa Jerusalem, ug ang hari ug ang iyang mga kadagkoan, ang iyang mga asawa ug ang iyang mga puyopuyo nanginom gikan niini.

Daniel 5:30

Niadto gayong gabhiona si Belsasar nga hari nga Caldeanhon gipatay.

Daniel 5:4

Sila nanginom sa bino, ug nagdayeg sa mga dios nga bulawan ug plata, bronsi, puthaw, kahoy ug bato.

Numeros 7:79

Ang iyang halad usa ka bandihado nga plata nga ang gibug-aton 130 ka siklo ug usa ka planggana nga plata nga ang gibug-aton 70 ka siklo, sumala sa siklo sa balaang dapit, ang duha puno sa pinong harina nga sinagolan ug lana alang sa halad nga pagkaon,