Daniel 5:13

Ang Biblia 2011

Unya si Daniel gidala sa atubangan sa hari. Ang hari miingon kang Daniel, “Ikaw kadtong Daniel nga usa sa mga binihag gikan sa Juda nga gidala sa hari nga akong amahan gikan sa Juda.

Cross References

Esdras 10:16

Unya ang mga nahiuli nga mga binihag naghimo sa ingon. Ug si Ezra nga pari nagpili ug mga tawo nga pangulo sa mga banay sa mga katigulangan sumala sa mga balay sa ilang mga katigulangan, ang matag usa kanila gitudlo sumala sa ilang mga ngalan. Sa unang adlaw sa ikanapulo nga bulan sila milingkod aron sa pagsusi sa maong butang.

Esdras 10:7

Naghimo sila ug pahibalo ngadto sa tibuok Juda ug Jerusalem, ngadto sa tanang mga nahiuli nga mga binihag aron sila magtigom didto sa Jerusalem.

Esdras 4:1

Karon sa pagkadungog sa mga kabatok sa Juda ug sa Benjamin nga ang mga nahiuli nga binihag nagtukod ug usa ka templo sa Ginoo, ang Dios sa Israel,

Esdras 6:16

Ang katawhan sa Israel, ang mga pari ug ang mga Levihanon ug ang uban nga mga nahiuli nga binihag, nagsaulog sa paghalad niining balay sa Dios uban sa kalipay.

Daniel 1:1

Sa ikatulo nga tuig sa pagmando ni Jehoiakim nga hari sa Juda, si Nabucodonosor nga hari sa Babilonia miadto sa Jerusalem ug mipalibot niini.

Daniel 1:2

Ang Ginoo mitugyan kang Jehoiakim nga hari sa Juda ngadto sa iyang kamot uban ang pipila ka mga galamiton sa balay sa Dios, ug gidala niya sila ngadto sa yuta sa Sinar, sa balay sa iyang diosdios, ug gibutang ang mga galamiton diha sa tipiganan sa iyang diosdios.

Daniel 1:21

Ug si Daniel nagpadayon hangtod sa unang tuig ni Hari Ciro.

Daniel 1:6

Uban niini mao sila si Daniel, si Ananias, si Misael ug si Asarias, gikan sa banay ni Juda.

Daniel 2:25

Unya gidali pagdala ni Arioc si Daniel ngadto sa atubangan sa hari ug miingon kaniya niini, “Akong nakit-an diha sa mga binihag nga gikan sa Juda ang tawo nga makahimo sa pagpadayag sa hubad ngadto sa hari.”

Daniel 2:48

Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.

Daniel 5:11

Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Daniel 5:2

Si Belsasar, sa dihang makainom na sa bino, nagsugo nga dad-on ang mga kupa nga bulawan ug plata nga nakuha sa iyang amahan nga si Nabucodonosor gikan sa Templo sa Jerusalem aron ang hari ug ang iyang mga kadagkoan, ang iyang mga asawa ug ang iyang mga puyopuyo makainom gikan niini.

Daniel 6:13

Unya mitubag sila ug miingon sa atubangan sa hari, “Kana si Daniel nga usa sa mga binihag gikan sa Juda wala magtamod kanimo, O hari, o sa mando nga imong gipirmahan, kondili naghimo sa iyang pag-ampo makatulo sa usa ka adlaw.”

Daniel 8:1

Sa ikatulo nga tuig sa paghari ni Hari Belsasar, usa ka panan-awon mipakita kanako, si Daniel, human niadtong mipakita kanako sa una.

Daniel 8:27

Unya ako, si Daniel, nagluya ug nasakit sa pipila ka adlaw. Unya ako mitindog ug nagbuhat sa buluhaton sa hari apan nahibulong ako sa panan-awon, ug wala makasabot niini.

Juan 7:1

Unya human niini, si Jesus milibot didto sa Galilea ug dili siya buot moadto sa Judea kay ang mga Judio naninguha man sa pagpatay kaniya.

Juan 7:3

Ug ang iyang mga igsoong lalaki miingon kaniya, “Biya dinhi ug adto sa Judea aron ang imong mga tinun-an makakita sa mga buhat nga imong gihimo.