Daniel 5:12

Ang Biblia 2011

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”

Cross References

Salmo 16:3

Mahitungod sa mga balaan nga ania sa yuta, sila mao ang mga halangdon, nga kanila anaa ang hingpit nako nga kalipay.

Mga Panultihon 12:26

Ang matarong nga tawo molikay sa daotan, apan ang dalan sa daotan nagpahisalaag kanila.

Mga Panultihon 17:27

Siya nga nagpugong sa iyang mga pulong may kahibalo, ug siya nga may bugnawng espiritu usa ka tawo nga may pagpanabot.

Ezequiel 28:3

tinuod, ikaw maalamon pa kay kang Daniel, walay tinago nga natago gikan kanimo;

Daniel 1:17

Mahitungod niining upat ka batan-ong lalaki, ang Dios naghatag kanila ug kahibalo ug kabatid sa tanang sinulat ug kaalam, ug si Daniel adunay panabot sa tanang mga panan-awon ug sa mga damgo.

Daniel 1:7

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Daniel 2:26

Ang hari miingon kang Daniel, nga ang ngalan mao si Beltesasar, “Makahimo ba ikaw sa pagpadayag kanako sa damgo nga akong nakita ug sa hubad niini?”

Daniel 4:19

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Daniel 4:8

Sa kataposan si Daniel mianhi sa akong atubangan, siya nga ginganlan ug Beltesasar sunod sa ngalan sa akong dios ug kaniya anaa ang espiritu sa mga balaang dios, ug gisugilon nako kaniya ang damgo nga nag-ingon,

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Daniel 5:16

Apan ako nakadungog nga ikaw makahatag ug mga hubad ug makasulbad sa mga suliran. Karon kon ikaw makabasa sa sinulat ug makapadayag kanako sa hubad niini, sul-oban ikaw ug mahalong bisti nga tapol ug makaangkon ug kuwentas nga bulawan sa imong liog ug mahimo nga ikatulong tinugyanan sa gingharian.”

Daniel 6:3

Unya kini si Daniel nahimong inila nga labaw sa mga pangulo ug sa mga tinugyanan kay ang talagsaong katakos diha kaniya ug ang hari naghunahuna sa pagpahiluna kaniya ibabaw sa tibuok nga gingharian.

Daniel 6:4

Unya ang mga pangulo ug ang mga tinugyanan naninguha sa pagpangita ug kapasikaran alang sa sumbong batok kang Daniel mahitungod sa gingharian, apan sila wala makakita ug kapasikaran alang sa sumbong o sayop kay siya matinumanon man ug walay sayop o kalapasan nga nakita diha kaniya.

Mga Taga-Colosas 1:29

Alang niini ako naghago, nanglimbasog sumala sa kusog nga iyang gihatag nga naggahom sa sulod nako.