Daniel 5:10

Ang Biblia 2011

Ang rayna, tungod sa mga pulong sa hari ug sa iyang mga kadagkoan, misulod sa balay nga gikombirahan ug ang rayna miingon, “O hari, mabuhi ka hangtod sa kahangtoran! Ayaw pagpalisang sa imong hunahuna o paluspara ang imong nawong.

Cross References

1 Mga Hari 1:31

Unya si Batseba miyukbo nga ang nawong paatubang sa yuta, ug naghatag ug katahoran sa hari, ug miingon, “Hinaot unta nga ang akong agalon nga si Hari David mabuhi hangtod sa kahangtoran!”

Job 13:4

Apan mahitungod kaninyo, kamo mga tigduhig ug bakak; mga mananambal nga walay pulos kamong tanan.

Job 21:34

Unya unsaon man ninyo paghupay kanako pinaagi sa walay hinungdan? Walay nahibilin sa inyong mga tubag gawas sa kabakakan.”

Daniel 2:4

Unya ang mga Caldeanhon miingon sa hari, diha sa pinulongan nga Aramaico, “O hari, mabuhi ka hangtod sa kahangtoran! Suginli ang imong mga alagad sa damgo, ug among ipadayag ang hubad.”

Daniel 3:9

Sila miingon kang Hari Nabucodonosor, “O hari, mabuhi ka hangtod sa kahangtoran!

Daniel 5:6

Unya ang nawong sa hari nangluspad ug ang iyang mga hunahuna nakapalisang kaniya ug ang mga lutahan namuypoy ug ang iyang mga tuhod nangurog.

Daniel 6:21

Unya si Daniel miingon sa hari, “O hari, mabuhi ikaw hangtod sa kahangtoran!

Daniel 6:6

Unya kining mga pangulo ug mga tinugyanan nagkahiusa sa pag-adto sa hari ug miingon kaniya, “O Hari Dario, mabuhi ikaw hangtod sa kahangtoran!