Daniel 4:4

Ang Biblia 2011

Ako, si Nabucodonosor, malinawon sa akong balay ug nagmauswagon sa akong palasyo.

Cross References

Isaias 56:12

“Dali ngari,” nag-ingon sila, “magkuha kita ug bino, ug tagbawon nato ang atong kaugalingon sa isog nga ilimnon; ug ugma mahisama niining adlawa, dako nga dili masukod.”

Jeremias 48:11

“Ang Moab nagpuyo sa kasayon sukad sa iyang pagkabatan-on ug siya nahimutang sa iyang linugdang; siya wala gayod ikahuwad gikan sa usa ka sudlanan ngadto sa usa ka sudlanan o mahiadto sa pagkabihag; busa ang iyang lami nagpabilin kaniya, ug ang iyang kahumot wala mausab.

Ezequiel 28:17

Ang imong kasingkasing mapagarbohon tungod sa imong katahom; gidaot nimo ang imong kaalam tungod ug alang sa imong katahom. Gilabay ko ikaw ngadto sa yuta; gihukasan ko ikaw sa atubangan sa mga hari, aron sila motan-aw kanimo.

Ezequiel 29:3

Sultihi siya ug ingna, Mao kini ang giingon sa Ginoong Dios: “Tan-awa, ako batok kanimo, Paraon nga hari sa Ehipto, ang dakong dragon nga naghigda sa taliwala sa iyang kasubaan, nga nag-ingon, ‘Ang akong Nilo akong kaugalingon, gibuhat nako kini alang sa akong kaugalingon.’

Daniel 2:11

Ang butang nga gipangayo sa hari lisod ug walay bisan kinsa nga makapadayag niini sa hari gawas sa mga dios nga ang puluy-anan dili uban sa unod.”

Daniel 4:19

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Daniel 5:8

Unya misulod ang tanang mga maalamong tawo sa hari apan wala sila makabasa sa sinulat o makapadayag ngadto sa hari sa hubad niini.

Sofonias 1:12

Nianang panahona susihon nako ang Jerusalem ginamit ang mga lampara, ug silotan nako ang mga tawo nga nahiuyon sa ilang kahimtang, nga nag-ingon diha sa ilang kasingkasing, “Ang Ginoo dili magbuhat ug maayo, o magbuhat ug daotan.”