Daniel 4:34

Ang Biblia 2011

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Cross References

2 Samuel 22:31

Kini nga Dios, ang iyang dalan hingpit; ang saad sa Ginoo matuod gayod; siya usa ka taming niadtong tanan nga modangop kaniya.

1 Cronicas 29:10

Tungod niini gidayeg ni David ang Ginoo sa atubangan sa tibuok katilingban ug si David miingon, “Dalaygon ikaw, O Ginoo, ang Dios ni Israel nga among amahan, hangtod sa kahangtoran.

1 Cronicas 29:13

Busa karon, kami nagpasalamat kanimo, among Dios, ug nagdayeg sa imong mahimayaong ngalan.

Job 1:21

Ug siya miingon, “Hubo ako nga migula gikan sa tiyan sa akong inahan ug hubo ako nga mobalik; ang Ginoo naghatag ug ang Ginoo nagkuha. Bulahan ang ngalan sa Ginoo.”

Salmo 10:16

Ang Ginoo mao ang Hari hangtod sa kahangtoran; mangalaglag ang kanasoran gikan sa iyang yuta.

Salmo 102:24

Miingon ako, “O akong Dios, ayaw ako kuhaa sa taliwala sa akong mga adlaw, ikaw nga ang katuigan molungtad hangtod sa tanang kaliwatan!”

Salmo 107:15

Papasalamata sila sa Ginoo tungod sa iyang gugmang walay paglubad, tungod sa iyang mga katingalahang buhat alang sa mga anak sa mga tawo!

Salmo 107:22

Ug pahalara sila ug mga halad sa pasalamat, ug ipasugilon ang iyang mga buhat uban ang awit sa kalipay.

Salmo 107:31

Papasalamata sila sa Ginoo tungod sa iyang gugmang walay paglubad, tungod sa iyang mga katingalahang buhat alang sa mga anak sa mga tawo!

Salmo 107:8

Papasalamata sila sa Ginoo tungod sa iyang gugmang walay paglubad, tungod sa iyang mga katingalahang buhat alang sa mga anak sa mga tawo!

Salmo 111:7

Ang mga buhat sa iyang mga kamot matuod ug makiangayon; ang tanan niyang mga lagda kasaligan.

Salmo 121:1

Iyahat nako ang akong mga mata ngadto sa kabungtoran; Diin ba maggikan ang akong tabang?

Salmo 123:1

Kanimo giyahat nako ang akong mga mata, O ikaw nga naglingkod nga hari sa kalangitan!

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Salmo 146:10

Ang Ginoo maghari hangtod sa kahangtoran, ang imong Dios, O Zion, ngadto sa tanang mga kaliwatan. Dayega ang Ginoo!

Salmo 50:14

Paghalad ngadto sa Dios ug halad sa pasalamat, ug ihatag ang imong mga gipanaad ngadto sa Labing Halangdon;

Salmo 66:7

nga naghari pinaagi sa iyang gahom hangtod sa kahangtoran, nga ang mga mata naniid sa mga nasod. Ayaw papasigarboha sa ilang kaugalingon ang mga masinupakon. Selah

Salmo 7:17

Magpasalamat ako sa Ginoo sumala sa iyang pagkamatarong, ug mag-awit ako ug pagdayeg sa ngalan sa Ginoo nga Labing Halangdon.

Salmo 9:2

Magmaya ako ug maglipay diha kanimo; mag-awit ako sa pagdayeg sa imong ngalan, O Labing Halangdon.

Salmo 92:1

Maayo gayod ang pagpasalamat ngadto sa Ginoo, ang pag-awit ug mga pagdayeg sa imong ngalan, O Labing Halangdon;

Isaias 13:11

Silotan nako ang kalibotan tungod sa ilang pagkadaotan, ang mga daotan tungod sa ilang kasal-anan; pahunongon nako ang garbo sa mga mapahitas-on, ug ipaubos nako ang pagkamahitas-on sa mga walay kaluoy.

Isaias 2:11

Ang mapahitas-ong panan-aw sa tawo ipaubos, ug ang garbo sa katawhan ipaubos, ug ang Ginoo lamang maoy pasidunggan nianang adlawa.

Isaias 24:15

Busa diha sa silangan himayaa ninyo ang Ginoo; diha sa kabaybayonan, ang ngalan sa Ginoo, ang Dios sa Israel.

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Mga Pagbangotan 3:38

Dili ba nga gikan sa baba sa Labing Halangdon mogula ang maayo ug daotan?

Daniel 12:7

Ang tawo nga nagsul-ob ug lino nga didto ibabaw sa katubigan sa suba mibayaw sa iyang tuo nga kamot ug sa iyang wala nga kamot paingon sa langit, ug nadungog nako siya nga nanumpa pinaagi kaniya nga buhi hangtod sa kahangtoran, nga kini mahitabo sa usa ka panahon, duha ka panahon ug katunga sa panahon, ug sa diha nga ang pagbungkag sa gahom sa balaan nga katawhan moabot sa kataposan, kining tanang mga butang matuman.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 4:2

Daw maayo alang kanako ang pagpadayag sa mga ilhanan ug sa mga kahibulongan nga gibuhat sa Labing Halangdon nga Dios nganhi kanako.

Daniel 4:26

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Daniel 4:3

Pagkadagko sa iyang mga ilhanan, pagkagamhanan sa iyang mga kahibulongan! Ang iyang gingharian walay kataposan nga gingharian, ug ang iyang paghari gikan sa kaliwatan hangtod sa laing kaliwatan.

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Daniel 4:36

Sa samang panahon ang akong salabotan nahiuli kanako, ug alang sa himaya sa akong gingharian, ang akong pagkahalangdon ug katahom nahiuli kanako. Ang akong mga magtatambag ug ang akong mga kadagkoan nangita kanako, ug ako nalig-on sa akong gingharian, ug sa gihapon ang labaw pa nga kabantogan gidugang kanako.

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Daniel 5:21

Siya giabog gikan sa mga tawo ug ang iyang hunahuna gihimo nga sama sa mananap ug ang iyang puluy-anan didto uban sa ihalas nga mga asno. Siya gipakaon ug sagbot sama sa baka ug ang iyang lawas nahumod sa yamog sa langit hangtod nga siya nakaila nga ang Labing Halangdon nga Dios nagmando sa gingharian sa mga tawo ug siya nagpahimutang sa ibabaw niini kang bisan kinsa nga buot niya.

Daniel 6:26

Ako nagbuhat ug kamandoan aron nga sa tanang ginsakpan sa akong gingharian, ang mga tawo magkurog ug mangahadlok sa atubangan sa Dios ni Daniel, Kay siya mao ang Dios nga buhi nga naglungtad hangtod sa kahangtoran; ang iyang gingharian dili mabungkag ug ang iyang paghari mohangtod sa kahangtoran.

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Daniel 9:14

Busa ang Ginoo nag-andam sa katalagman ug nagdala niini kanamo kay ang Ginoo nga among Dios matarong sa tanan niyang mga buhat nga iyang gibuhat ug kami wala motuman sa iyang tingog.

Jonas 1:14

Busa sila mituaw ngadto sa Ginoo, “Nangamuyo kami kanimo, O Ginoo, ayaw itugot nga kami mangamatay tungod sa kinabuhi niining tawhana, ug ayaw ipahamtang kanamo ang dugo nga walay sala, kay ikaw, O Ginoo, nagbuhat sumala sa imong gikahimut-an.”

Miqueas 4:7

ug ang bakol himoon nako nga salin; ug kadtong gihinginlan, usa ka gamhanang nasod; ug ang Ginoo maghari kanila didto sa Bukid sa Zion gikan niining panahona hangtod sa kahangtoran.

Lucas 1:33

ug iyang harian ang banay ni Jacob hangtod sa kahangtoran, ug walay kataposan ang iyang gingharian.”

Lucas 18:13

Apan ang tigpaningil ug buhis nga nagtindog sa layo, wala gani motan-aw ngadto sa langit, apan nagpukpok sa iyang dughan nga nag-ingon, ‘O Dios, kaluy-i ako nga makasasala!’

Juan 5:26

Tungod kay ang Amahan aduna may kinabuhi diha sa iyang kaugalingon, gitugot usab niya sa Anak ang pagbaton ug kinabuhi diha sa iyang kaugalingon

Deuteronomio 32:4

“Ang Bato, ang iyang buhat hingpit, kay ang tanan niyang mga paagi matarong. Dios sa pagkamatinumanon ug walay kasal-anan, matarong ug tul-id siya.

1 Timoteo 1:17

Ngadto sa Hari sa kapanahonan nga dili mamatay, dili makita, ang bugtong nga Dios, ang dungog ug himaya hangtod sa kahangtoran. Amen.

1 Timoteo 6:16

nga mao lamang ang bugtong nga walay kamatayon ug nagpuyo sa kahayag nga dili maduol, nga walay tawo nga nakakita o makakita. Kaniya ang dungog ug dayon nga paggahom. Amen.

Gipadayag 10:6

ug nanumpa pinaagi niadtong buhi hangtod sa kahangtoran, nga mao ang nagbuhat sa langit ug sa mga anaa niini, sa yuta ug sa mga anaa niini, ug sa dagat ug sa mga anaa niini, nga dili na gayod langanon pa,

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 4:10

ang 24 ka kadagkoan mohapa sa atubangan niadtong naglingkod sa trono ug magsimba kaniya nga mao ang buhi hangtod sa kahangtoran, ug ang ilang mga purongpurong ipangitsa nila ngadto sa atubangan sa trono, dungan sa pag-awit nga mag-ingon,

Gipadayag 4:9

Ug sa diha nga ang mga buhing binuhat maghatag ug himaya ug pasidungog ug pasalamat ngadto kaniya nga naglingkod sa trono, ang buhi hangtod sa kahangtoran,