Daniel 4:31

Ang Biblia 2011

Samtang ang mga pulong diha pa sa baba sa hari, dihay tingog nga gikan sa langit, “O Hari Nabucodonosor, nganha kanimo kini gisulti: Ang gingharian mipalayo kanimo.

Cross References

Genesis 14:18

Unya si Melkisedek nga hari sa Salem nagdala kaniya ug pan ug bino; siya pari sa Dios nga Labing Halangdon.

Job 20:23

Aron sa pagpuno sa iyang tiyan, ang Dios magpadala kaniya sa kabangis sa iyang kapungot ug magpaulan niini ibabaw kaniya ingon nga iyang pagkaon.

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Mga Panultihon 29:23

Ang garbo sa tawo magdala kaniya ngadto sa ubos, apan siya nga mapaubsanon sa espiritu makabaton ug kadungganan.

Isaias 14:27

Kay ang Ginoo sa mga panon nagbuot ug kinsay makapapas niini? Ang iyang kamot gituy-od ug kinsay makapabakwi niini?

Daniel 12:7

Ang tawo nga nagsul-ob ug lino nga didto ibabaw sa katubigan sa suba mibayaw sa iyang tuo nga kamot ug sa iyang wala nga kamot paingon sa langit, ug nadungog nako siya nga nanumpa pinaagi kaniya nga buhi hangtod sa kahangtoran, nga kini mahitabo sa usa ka panahon, duha ka panahon ug katunga sa panahon, ug sa diha nga ang pagbungkag sa gahom sa balaan nga katawhan moabot sa kataposan, kining tanang mga butang matuman.

Daniel 4:24

Mao kini ang hubad, O hari: Kini mando sa Labing Halangdon nga midangat sa akong agalon nga hari,

Daniel 4:26

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Daniel 4:30

ug ang hari miingon, “Dili ba kini mao ang bantogang Babilonia nga akong gitukod ingon nga harianong puluy-anan pinaagi sa akong dakong gahom ug alang sa dungog sa akong pagkahalangdon?”

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Daniel 4:34

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Daniel 5:20

Apan sa diha nga nagmapahitas-on ang iyang kasingkasing ug nagmagahi ang iyang espiritu, nga tungod niana siya nagkinabuhi nga mapahitas-on, gipapha siya gikan sa iyang trono nga harianon, ug ang iyang himaya gikuha gikan kaniya.

Daniel 5:28

PERES, ang imong gingharian nabahin ug gihatag ngadto sa mga Medianhon ug sa mga Persianhon.”

Daniel 6:27

Siya nagpalingkawas ug nagluwas, ug nagbuhat siya ug mga ilhanan ug mga katingalahan sa langit ug sa yuta, siya maoy nagluwas kang Daniel gikan sa gahom sa mga liyon.”

Mateo 3:17

Ug dihay usa ka tingog gikan sa langit nga nag-ingon, “Kini mao ang akong Anak nga pinalangga, kaniya nalipay ako pag-ayo.”

Lucas 12:20

Apan ang Dios miingon kaniya, ‘Buang! Karong gabhiona ang imong kalag kuhaon gikan kanimo ug ang mga butang nga imong giandam, kang kinsa na man unya kini?’

Juan 12:28

Amahan, pasidunggi ang imong ngalan.” Unya miabot gikan sa langit ang usa ka tingog nga nag-ingon, “Gipasidunggan na nako kini ug pasidunggan kini nako pag-usab.”

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.

Gipadayag 16:7

Ug nadungog nako ang halaran nga misinggit, “Oo, Ginoong Dios nga Makagagahom sa Tanan, matuod ug matarong ang imong mga hukom!”

1 Samuel 13:14

Apan karon ang imong gingharian dili magpadayon. Ang Ginoo nangita alang kaniya ug usa ka tawo nga uyon sa iyang kaugalingong kasingkasing ug ang Ginoo nagpili kaniya aron mahimong pangulo ibabaw sa iyang katawhan, tungod kay ikaw wala magtuman sumala sa gisugo sa Ginoo kanimo.”

1 Samuel 15:23

Kay ang pagsupil sama sa sala sa pagpanag-an, ug ang pagkagahig ulo sama sa sala sa pagsimba sa mga diosdios. Tungod kay imong gisalikway ang pulong sa Ginoo, siya usab magsalikway kanimo sa imong pagkahari.”