Daniel 4:3

Ang Biblia 2011

Pagkadagko sa iyang mga ilhanan, pagkagamhanan sa iyang mga kahibulongan! Ang iyang gingharian walay kataposan nga gingharian, ug ang iyang paghari gikan sa kaliwatan hangtod sa laing kaliwatan.

Cross References

Job 25:2

“Ang paggahom ug ang kahadlok anaa sa Dios; siya naghimo ug pakigdait diha sa iyang habog nga langit.

Salmo 104:24

O Ginoo, pagkadaghan gayod sa imong mga buhat! Diha sa kaalam gibuhat nimo silang tanan, ang yuta napuno sa imong mga binuhat.

Salmo 105:27

Gipadayag nila ang iyang mga ilhanan sa taliwala nila, ug ang mga katingalahan didto sa yuta ni Ham.

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Salmo 66:7

nga naghari pinaagi sa iyang gahom hangtod sa kahangtoran, nga ang mga mata naniid sa mga nasod. Ayaw papasigarboha sa ilang kaugalingon ang mga masinupakon. Selah

Salmo 72:18

Dalaygon ang Ginoo, ang Dios sa Israel, nga mao lamang ang nagbuhat sa mga katingalahang butang.

Salmo 77:19

Ang imong dalan anaa sa dagat, ang imong mga agianan anaa sa dagkong katubigan; apan ang imong mga tunob wala makita.

Salmo 86:10

Kay ikaw bantogan ug nagbuhat sa mga katingalahang butang. Ikaw lamang ang Dios.

Salmo 92:5

Pagkadako gayod sa imong mga buhat, O Ginoo! Pagkalalom gayod sa imong mga hunahuna!

Isaias 25:1

O Ginoo, ikaw mao ang akong Dios; pasidunggan ko ikaw, dayegon nako ang imong ngalan; kay naghimo ikaw ug mga butang nga katingalahan, mga laraw sa dugay na nga panahon, kasaligan ug matuod.

Isaias 28:29

Kini usab naggikan sa Ginoo sa mga panon; siya kahibulongan diha sa pagtambag, ug halangdon diha sa kaalam.

Isaias 9:7

Mahitungod sa kauswagan sa iyang kagamhanan ug sa pakigdait kini walay kataposan, ibabaw sa trono ni David ug ibabaw sa iyang gingharian, aron sa pagtukod niini, ug sa pagtuboy niini uban ang hustisya ug pagkamatarong sukad karon ug hangtod sa kahangtoran. Ang kadasig sa Ginoo sa mga panon maoy maghimo niini.

Jeremias 10:10

Apan ang Ginoo mao ang matuod nga Dios. siya mao ang buhi nga Dios ug ang dayon nga Hari. Sa iyang kasuko, ang yuta mokurog, ug ang kanasoran dili makalahutay sa iyang kapungot.

Daniel 2:2

Unya ang hari nagsugo sa pagpatawag sa tanang mga tigsalamangka, sa mga tigpanglamat, sa mga anting-antingan ug sa mga Caldeanhon aron sa pagsulti sa hari sa iyang mga damgo. Busa sila miadto ug nangatubang sa hari.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Roma 11:33

O, pagkalalom sa kadagaya ug sa kaalam ug kahibalo sa Dios! Pagkadili matugkad sa iyang mga hukom ug pagkadili matukib sa iyang mga paagi!

Deuteronomio 4:34

May dios ba nga misulay sa pag-adto ug sa pagkuha alang kaniya ug usa ka nasod gikan sa taliwala sa laing nasod, pinaagi sa mga pagsulay, pinaagi sa mga ilhanan, pinaagi sa mga katingalahan, ug pinaagi sa gubat, ug pinaagi sa gamhanang kamot ug sa bukton nga tinuy-od, ug pinaagi sa mga dagkong kakuyaw, sumala sa mga butang nga gibuhat kaninyo sa Ginoo nga inyong Dios didto sa Ehipto sa atubangan sa inyong mga mata?

1 Timoteo 1:17

Ngadto sa Hari sa kapanahonan nga dili mamatay, dili makita, ang bugtong nga Dios, ang dungog ug himaya hangtod sa kahangtoran. Amen.

Mga Hebreo 1:8

Apan mahitungod sa Anak siya miingon, “Ang imong trono, O Dios, hangtod sa kahangtoran, ang matarong nga sitro mao ang sitro sa imong gingharian.

Mga Hebreo 2:4

Ug ang Dios usab nagsaksi niini pinaagi sa mga ilhanan ug mga katingalahan ug sa nagkalainlaing mga milagro, ug pinaagi usab sa mga gasa sa Espiritu Santo nga giapod-apod sumala sa iyang kabubut-on.

1 Pedro 4:11

Ang magsulti, kinahanglan magsulti ingon sa pulong sa Dios; ang mag-alagad, kinahanglan mag-alagad sumala sa katakos nga gihatag sa Dios, aron nga sa tanang butang ang Dios mahimaya pinaagi kang Jesu-Cristo. Iya ang himaya ug ang paggahom hangtod sa kahangtoran. Amen.

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”