Daniel 4:26

Ang Biblia 2011

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Cross References

Daniel 2:18

ug gisultihan sila sa pagpangamuyo sa kaluoy sa Dios sa langit mahitungod niining tinago, aron si Daniel ug ang iyang mga kauban dili mangamatay uban sa mga maalamong tawo sa Babilonia.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 2:37

Ikaw, O hari, ang hari sa mga hari, nga gihatagan sa Dios sa langit sa gingharian, sa gahom, sa kusog ug sa himaya,

Daniel 4:15

Apan ibilin ang tuod sa mga gamot niini diha sa yuta, bugkosi ug usa ka pikit nga puthaw ug bronsi, taliwala sa humok nga balili sa kapatagan. Ipahumod kini sa yamog sa langit ug ang iyang bahin ipauban sa mananap diha sa sagbot sa yuta.

Daniel 4:23

Ug ingon nga ang hari nakakita ug usa ka tigbantay, usa nga balaan, nga mikunsad gikan sa langit ug miingon, ‘Putla ang kahoy ug laglaga kini apan ibilin ang tuod sa mga gamot niini diha sa yuta, bugkosi ug usa ka pikit nga puthaw ug bronsi, sa humok nga sagbot sa kapatagan ug ipahumod kini sa yamog sa langit ug ang iyang bahin ipauban sa mga mananap sa kapatagan, hangtod nga molabay kaniya ang pito ka panahon.’

Daniel 4:31

Samtang ang mga pulong diha pa sa baba sa hari, dihay tingog nga gikan sa langit, “O Hari Nabucodonosor, nganha kanimo kini gisulti: Ang gingharian mipalayo kanimo.

Daniel 4:37

Karon ako, si Nabucodonosor, nagdayeg ug nagbayaw ug nagpasidungog sa Hari sa langit, kay ang tanan niyang mga buhat husto ug ang iyang mga pamaagi matarong ug kadtong naglakaw diha sa pagpagarbo iyang ipaubos.

Daniel 5:20

Apan sa diha nga nagmapahitas-on ang iyang kasingkasing ug nagmagahi ang iyang espiritu, nga tungod niana siya nagkinabuhi nga mapahitas-on, gipapha siya gikan sa iyang trono nga harianon, ug ang iyang himaya gikuha gikan kaniya.

Daniel 5:21

Siya giabog gikan sa mga tawo ug ang iyang hunahuna gihimo nga sama sa mananap ug ang iyang puluy-anan didto uban sa ihalas nga mga asno. Siya gipakaon ug sagbot sama sa baka ug ang iyang lawas nahumod sa yamog sa langit hangtod nga siya nakaila nga ang Labing Halangdon nga Dios nagmando sa gingharian sa mga tawo ug siya nagpahimutang sa ibabaw niini kang bisan kinsa nga buot niya.

Mateo 21:20

Sa pagkakita niini sa mga tinun-an, sila nahibulong ug miingon, “Giunsa ba sa kahoyng igera pagkalaya dayon?”

Mateo 5:34

Apan sultihan ko kamo, ayaw gayod kamo panumpa, bisan pinaagi sa langit kay kini mao ang trono sa Dios,

Lucas 15:18

Motindog ako ug moadto sa akong amahan ug ingnon nako siya, “Amahan ko, nakasala ako batok sa langit ug sa imong atubangan.

Lucas 15:21

Ug ang anak miingon kaniya, ‘Amahan ko, nakasala ako batok sa langit ug sa imong atubangan, dili na ako angay tawgon pa nga imong anak.’