Daniel 4:23

Ang Biblia 2011

Ug ingon nga ang hari nakakita ug usa ka tigbantay, usa nga balaan, nga mikunsad gikan sa langit ug miingon, ‘Putla ang kahoy ug laglaga kini apan ibilin ang tuod sa mga gamot niini diha sa yuta, bugkosi ug usa ka pikit nga puthaw ug bronsi, sa humok nga sagbot sa kapatagan ug ipahumod kini sa yamog sa langit ug ang iyang bahin ipauban sa mga mananap sa kapatagan, hangtod nga molabay kaniya ang pito ka panahon.’

Cross References

Daniel 4:26

Ug ingon nga kini gisugo nga ipabilin ang tuod sa mga gamot sa kahoy, ang imong gingharian masiguro gayod kanimo sukad sa panahon nga ikaw mahibalo nga ang langit maoy naghari.

Daniel 5:21

Siya giabog gikan sa mga tawo ug ang iyang hunahuna gihimo nga sama sa mananap ug ang iyang puluy-anan didto uban sa ihalas nga mga asno. Siya gipakaon ug sagbot sama sa baka ug ang iyang lawas nahumod sa yamog sa langit hangtod nga siya nakaila nga ang Labing Halangdon nga Dios nagmando sa gingharian sa mga tawo ug siya nagpahimutang sa ibabaw niini kang bisan kinsa nga buot niya.

Daniel 8:13

Unya nakadungog ako ug usa ka balaan nga nagsulti ug dihay lain nga balaan nga miingon ngadto sa usa nga nagsulti, “Hangtod kanus-a ang panan-awon mahitungod sa nagpadayon nga halad nga sunogon, ang kalapasan nga naglumpag, ug ang pagtugyan sa balaang dapit ug sa panon aron yatakan?”