Daniel 4:22

Ang Biblia 2011

ikaw kini, O hari, mao ang mitubo ug nalig-on. Ang imong pagkagamhanan mitubo ug miabot sa langit ug ang imong paghari ngadto sa kinatumyan sa yuta.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Genesis 28:12

Ug nagdamgo siya nga dihay usa ka hagdan nga gipatindog sa yuta ug ang tumoy niini miabot sa langit. Ug ang mga anghel sa Dios nagsaka-kanaog niini.

2 Samuel 12:7

Si Natan miingon kang David, “Ikaw mao ang tawo. Kini mao ang gisulti sa Ginoo, ang Dios sa Israel, ‘Ako nagdihog kanimo ingon nga hari sa Israel ug ako nagluwas kanimo gikan sa kamot ni Saul.

2 Cronicas 28:9

Apan adunay usa ka propeta sa Ginoo didto, nga ang ngalan mao si Oded, ug migula siya aron sa pagtagbo sa kasundalohan nga miadto sa Samaria ug miingon kanila, “Tan-awa, tungod kay ang Ginoo, ang Dios sa inyong mga katigulangan nasuko batok sa Juda, iyang gitugyan sila nganha sa inyong kamot, apan gipamatay ninyo sila sa kasuko nga milanog ngadto sa langit.

Salmo 108:4

Kay ang imong gugmang walay paglubad dako ibabaw sa kapanganoran, ug ang imong pagkamatinumanon miabot sa kalangitan.

Salmo 36:5

Ang imong gugmang walay paglubad, O Ginoo, miabot ngadto sa kalangitan, ang imong pagkamatinumanon ngadto sa kapanganoran.

Jeremias 27:5

“Ako, pinaagi sa akong dakong gahom ug sa akong tinuy-od nga bukton, mao ang nagbuhat sa yuta, lakip ang mga tawo ug ang mga mananap nga anaa sa yuta, ug ihatag nako kini ngadto kang bisan kinsa nga matarong sa akong pagtan-aw.

Ezequiel 17:3

ug isulti: Mao kini ang giingon sa Ginoong Dios: Ang usa ka dakong agila nga may dagkong mga pako ug tag-as nga mga balhibo sa pako, puno sa mga balhibo, nga nagkalainlain ang bulok, miadto sa Lebanon ug gikuha ang tumoy sa cedro.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 4:11

Ang kahoy mitubo ug nalig-on, ug ang tumoy niini miabot sa langit, ug kini makita hangtod sa kinatumyan sa tibuok yuta.

Daniel 4:21

nga ang mga dahon niini matahom ug ang bunga niini daghan ug diha niini ang pagkaon alang sa tanan, sa ilalom niini ang mga mananap sa kapatagan nagpasilong ug diin diha sa mga sanga ang mga langgam sa kalangitan nagpuyo,

Daniel 4:29

Sa kataposan sa napulo ug duha ka bulan, siya naglakaw didto sa atop sa harianong palasyo sa Babilonia

Daniel 4:36

Sa samang panahon ang akong salabotan nahiuli kanako, ug alang sa himaya sa akong gingharian, ang akong pagkahalangdon ug katahom nahiuli kanako. Ang akong mga magtatambag ug ang akong mga kadagkoan nangita kanako, ug ako nalig-on sa akong gingharian, ug sa gihapon ang labaw pa nga kabantogan gidugang kanako.

Mateo 14:4

kay si Juan miingon man kaniya, “Supak sa balaod ang pag-angkon nimo kaniya.”

Gipadayag 18:5

kay ang iyang kasal-anan nagtipun-og sangko sa langit, ug nahinumdoman sa Dios ang iyang mga daotang binuhatan;