Daniel 4:19

Ang Biblia 2011

Unya si Daniel, nga ang ngalan mao si Beltesasar, nalisang sa makadiyot, ug ang iyang mga hunahuna nakapakuyaw kaniya. Ang hari miingon, “Beltesasar, ayaw tugoti nga ang damgo o ang hubad makapakuyaw kanimo.” Si Beltesasar mitubag, “Agalon ko, hinaot nga ang damgo mahimo unta nga alang kanila nga nagdumot kanimo ug ang hubad niini alang sa imong mga kaaway!

Cross References

Genesis 31:35

Ug siya miingon sa iyang amahan, “Dili ka unta masuko, agalon ko, kay dili ako makahimo sa pagtindog sa imong atubangan kay ania kanako ang binulan nga kinaiya sa mga babaye.” Ug siya nangita apan wala niya makit-i ang mga diosdios.

Genesis 32:18

Ingna siya, ‘Iya sa imong alagad nga si Jacob. Kini usa ka gasa nga iyang gipadala alang sa akong agalon nga si Esau ug ania na usab siya karon nagsunod kanamo.’ ”

Genesis 40:12

Unya si Jose miingon kaniya, “Mao kini ang kahulogan sa imong damgo, ang tulo ka sanga nagkahulogan ug tulo ka adlaw.

1 Mga Hari 18:7

Samtang naglakaw si Obadias sa dalan, si Elias misugat kaniya ug si Obadias nakaila kaniya ug mihapa ug miingon, “Ikaw ba kana, akong agalon nga Elias?”

Exodo 32:32

Apan karon, kon imo untang pasayloon ang ilang sala, ug kon dili, papasa ako gikan sa imong basahon nga imong gisulat.”

Jeremias 29:7

Apan tinguhaa ninyo ang kaayohan sa siyudad diin didto ko kamo gipabihag, ug pag-ampo kamo sa Ginoo mahitungod niini, kay diha sa kaayohan niini kamo makakaplag sa inyong kaayohan.

Jeremias 4:19

Ang akong kaguol, ang akong kaguol! Naglimbaglimbag ako sa kasakit! Daw mapikas ang akong kasingkasing! Ang akong kasingkasing gikulbaan pag-ayo; dili ako makahimo sa paghilom; kay akong nadungog ang tingog sa trumpeta, ang pasidaan alang sa gubat.

Daniel 1:7

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Daniel 2:26

Ang hari miingon kang Daniel, nga ang ngalan mao si Beltesasar, “Makahimo ba ikaw sa pagpadayag kanako sa damgo nga akong nakita ug sa hubad niini?”

Daniel 2:37

Ikaw, O hari, ang hari sa mga hari, nga gihatagan sa Dios sa langit sa gingharian, sa gahom, sa kusog ug sa himaya,

Daniel 4:24

Mao kini ang hubad, O hari: Kini mando sa Labing Halangdon nga midangat sa akong agalon nga hari,

Daniel 5:12

kay ang talagsaong katakos, ang kahibalo ug ang salabotan sa paghubad sa mga damgo, sa pagsaysay sa mga tigmo ug sa pagsulbad sa mga suliran nakita diha kang Daniel nga ginganlan sa hari ug Beltesasar. Karon ipatawag si Daniel ug siya magpadayag sa hubad.”

Daniel 5:18

O hari, ang Labing Halangdon nga Dios naghatag kang Nabucodonosor nga imong amahan sa gingharian ug pagkabantogan ug himaya ug pagkahalangdon.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.

Daniel 7:15

Mahitungod kanako, si Daniel, ang akong espiritu nabalaka sulod kanako ug ang mga panan-awon sa akong ulo nakapalisang kanako.

Daniel 7:28

Dinhi natapos ang maong butang. Mahitungod kanako, si Daniel, ang akong mga hunahuna nakapakuyaw pag-ayo kanako, ug nangluspad ang akong nawong; apan akong gitagoan ang maong butang sulod sa akong hunahuna.

Daniel 8:27

Unya ako, si Daniel, nagluya ug nasakit sa pipila ka adlaw. Unya ako mitindog ug nagbuhat sa buluhaton sa hari apan nahibulong ako sa panan-awon, ug wala makasabot niini.

Habacuc 3:10

Ang kabukiran nakakita kanimo, ug nangurog; ang nagbul-og nga tubig mibaha; ang kahiladman nagpagula sa iyang tingog, kini nagbayaw sa iyang mga kamot ngadto sa itaas.

1 Samuel 1:15

Apan si Hana mitubag, “Dili, akong agalon. Ako usa ka babaye nga may gikagul-an pag-ayo. Wala ako makainom ug bino o isog nga ilimnon, kondili akong gibubo ang akong kagul-anan diha sa Ginoo.

1 Samuel 24:8

Human niana, mitindog usab si David ug migula sa langob ug mitawag kang Saul, “Akong agalon nga hari!” Sa diha nga si Saul milingi sa iyang luyo, si David miyukbo nga ang iyang nawong duol sa yuta ug naghatag ug katahoran.

1 Samuel 26:15

Si David miingon kang Abner, “Dili ba lalaki man ikaw? Ug kinsa ba ang sama kanimo sa Israel? Ngano nga wala man ikaw magbantay sa imong agalon nga hari? Kay usa sa mga katawhan mianha aron sa paglaglag sa hari nga imong agalon.

1 Samuel 3:17

Ug si Eli miingon, “Unsa man ang gisulti niya kanimo? Ayaw kana ililong kanako. Ang Dios maghimo unta sa ingon nganha kanimo ug labi pa gayod usab kon ikaw maglilong sa bisan unsa gikan kanako sa tanang mga butang nga iyang gisulti kanimo.”