Daniel 4:18

Ang Biblia 2011

Ako si Hari Nabucodonosor, nakakita niining damgoha. Ug ikaw, O Beltesasar, ipadayag ang hubad niini, tungod kay ang tanang mga maalamong tawo dili makahimo sa pagpadayag kanako sa hubad, apan ikaw makahimo kay ang espiritu sa balaan nga mga dios anaa kanimo.”

Cross References

Genesis 40:12

Unya si Jose miingon kaniya, “Mao kini ang kahulogan sa imong damgo, ang tulo ka sanga nagkahulogan ug tulo ka adlaw.

Genesis 41:15

Ug ang Paraon miingon kang Jose, “Ako nagdamgo ug walay bisan usa nga makahubad sa kahulogan niini. Nakadungog ako ug balita mahitungod kanimo, nga kon ikaw makadungog ug mga damgo, makahimo ikaw sa paghubad sa kahulogan niini.”

Genesis 41:8

Busa sa pagkabuntag nahasol ang iyang espiritu ug nagsugo siya ug gipatawag niya ang tanan nga mga tigsalamangka sa Ehipto ug ang tanan niya nga mga maalamong tawo. Ug ang Paraon misugilon kanila sa iyang mga damgo apan walay bisan kinsa nga nakahubad sa kahulogan niini ngadto sa Paraon.

Isaias 19:3

ug ang espiritu sa mga Ehiptohanon sa sulod nila mawala, ug akong libogon ang ilang mga laraw; ug sila magpakisayod sa mga diosdios ug sa mga tigsalamangka, ug sa mga tigpakisayod ug mga espiritu, ug sa mga tigpanglamat;

Daniel 1:20

Sa tanang butang mahitungod sa kaalam ug sa salabotan mahitungod niini nagpakisayod kanila ang hari, iyang nakita nga sila napulo ka pilo nga labing maayo kay sa tanang mga salamangkiro ug mga tigpanglamat sa tibuok niyang gingharian.

Daniel 2:38

nga sa iyang kamot gihatag sa Dios, bisan diin sila magpuyo, ang mga anak sa katawhan, ang mga mananap sa kapatagan ug ang mga langgam sa kalangitan, naghimo kanimo nga maghari ibabaw kanilang tanan, ikaw mao ang ulo nga bulawan.

Daniel 2:7

Mitubag sila sa ikaduhang higayon, “Ipasulti sa hari ngadto sa iyang mga alagad ang iyang damgo, ug kami magpadayag sa hubad niini.”

Daniel 5:15

Karon ang mga maalamong tawo, ang mga tigpanglamat, gidala na sa akong atubangan aron sa pagbasa niining sinulat ug pagpadayag kanako sa hubad niini, apan wala sila makapadayag kanako sa hubad sa maong butang.

Daniel 5:8

Unya misulod ang tanang mga maalamong tawo sa hari apan wala sila makabasa sa sinulat o makapadayag ngadto sa hari sa hubad niini.

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.