Daniel 4:11

Ang Biblia 2011

Ang kahoy mitubo ug nalig-on, ug ang tumoy niini miabot sa langit, ug kini makita hangtod sa kinatumyan sa tibuok yuta.

Cross References

Genesis 11:4

Unya miingon sila, “Dali, magbuhat kita alang kanato ug usa ka siyudad ug usa ka tore nga ang tumoy mosangko sa langit, ug magbuhat kita alang kanato ug usa ka ngalan kay tingali unya ug nagkatibulaag kita sa tibuok kalibotan.”

Ezequiel 31:12

Ang mga langyaw, ang makalilisang sa mga nasod, maoy miputol niini ug mibiya niini. Sa kabukiran ug sa tanang mga walog, ang mga salingsing niini nangatagak, ug ang mga sanga niini nangabali daplin sa tanang mga sapa sa yuta, ug ang tanang mga katawhan sa yuta namahawa gikan sa landong niini, ug mibiya niini.

Ezequiel 31:5

Busa mituybo kini lapaw sa tanang mga kahoy sa kapatagan; ug ang mga sanga niini nanagko, ug ang mga salingsing niini nanag-as tungod sa kadaghan sa tubig diha sa mga salingsing niini.

Mateo 11:23

Ug ikaw Capernaum, ituboy ka ba diay ngadto sa kalangitan? Itambog ka hinuon ngadto sa Hades. Kay kon ang mga milagro nga gihimo diha kanimo didto pa himoa sa Sodoma, milungtad unta kini hangtod karon.

Deuteronomio 9:1

“Pamati, O Israel! Kinahanglang manabok kamo sa Jordan niining adlawa aron sa pagsulod ug sa pag-ilog ug mga nasod nga dagko ug gamhanan kay kaninyo, mga siyudad nga dagko ug kinutaan hangtod sa langit,