Daniel 3:7

Ang Biblia 2011

Busa sa pagkadungog sa tanang mga katawhan sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, ang tanang mga katawhan, ang mga nasod ug ang mga pinulongan nanghapa ug misimba sa larawan nga bulawan nga gipatindog ni Hari Nabucodonosor.

Cross References

Jeremias 51:7

Ang Babilonia usa ka kupa nga bulawan diha sa kamot sa Ginoo, nga nakapahubog sa tibuok nga yuta; ang mga nasod nakainom sa iyang bino, busa ang mga nasod nangabuang.

Daniel 2:46

Unya si Hari Nabucodonosor mihapa ug miyukbo kang Daniel, ug nagsugo nga usa ka halad ug insenso ihalad ngadto kaniya.

Daniel 3:10

Ikaw, O hari, naghimo ug usa ka sugo nga ang matag tawo nga makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kinahanglang mohapa ug mosimba sa larawan nga bulawan,

Daniel 3:4

Unya ang tigpahibalo misinggit ug kusog, “Kamo gisugo, O mga katawhan, mga nasod ug mga pinulongan,

Daniel 3:5

nga sa dihang makadungog kamo sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon kinahanglang mohapa kamo ug mosimba sa larawan nga bulawan nga gipatindog ni Hari Nabucodonosor.

Daniel 3:6

Si bisan kinsa nga dili mohapa ug mosimba itambog dayon ngadto sa hudno nga nagdilaab sa kalayo.”

Daniel 3:8

Busa niadtong panahona pipila ka Caldeanhon ang miduol ug mipasaka ug sumbong batok sa mga Judio.

Mga Buhat 14:16

Sa miaging mga kaliwatan iyang gitugotan ang tanang kanasoran sa paglakaw diha sa ilang kaugalingong mga dalan.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.

Gipadayag 13:14

Ug pinaagi sa mga milagro nga gitugot kaniya sa paghimo diha sa atubangan sa bangis nga mananap, iyang gilimbongan ang mga nagpuyo sa yuta sa pag-agda kanila sa paghimo ug larawan alang sa bangis nga mananap nga nasamad sa espada apan nabuhi.

Gipadayag 13:3

Usa sa iyang mga ulo daw may samad nga ikamatay, apan naayo ang iyang samad nga ikamatay, ug ang mga tawo sa tibuok kalibotan sa kahibulong misunod sa mananap.

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 17:8

Ang bangis nga mananap nga imong nakita mao kaniadto, ug dili mao karon, ug mao ang mogula gikan sa kahiladman ug mopadulong sa pagkalaglag. Ug ang mga nagpuyo sa kalibotan nga ang mga ngalan wala masulat sa basahon sa kinabuhi sukad sa pagkatukod sa kalibotan, sila mahibulong sa pagkakita sa bangis nga mananap tungod kay kini mao man kaniadto, dili mao karon ug mao ang umaabot.

Gipadayag 19:20

Ug nadakpan ang bangis nga mananap, ug uban kaniya nadakpan ang mini nga propeta nga mao ang naghimo sa mga milagro diha sa iyang atubangan, nga pinaagi niini gipahisalaag niya ang mga nakadawat sa patik sa mapintas nga mananap ug ang mga nagsimba sa iyang larawan. Kining duha gitambog nga buhi ngadto sa linaw nga kalayo nga nagdilaab sa asupri.