Daniel 3:6

Ang Biblia 2011

Si bisan kinsa nga dili mohapa ug mosimba itambog dayon ngadto sa hudno nga nagdilaab sa kalayo.”

Cross References

Genesis 19:28

ug milantaw siya sa dapit sa Sodoma ug sa Gomora ug ngadto sa tibuok nga yuta niadtong walog ug nakita niya kini ug ang aso nag-utbo gikan sa yuta sama sa aso sa hudno.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Isaias 44:17

Ang uban niini iyang himoon ug usa ka dios, iyang diosdios; ug siya mohapa sa atubangan niini ug magsimba, ug mag-ampo niini ug mag-ingon, “Luwasa ako, kay ikaw mao ang akong dios!”

Jeremias 29:22

Tungod kanila kining tunglo gamiton sa tanang mga binihag sa Juda nga atua sa Babilonia, ‘Ang Ginoo maghimo kanimo nga sama kang Zedekias ug kang Ahab nga giasal diha sa kalayo sa hari sa Babilonia,’

Daniel 2:5

Ang hari mitubag sa mga Caldeanhon, “Ang pulong gikan kanako dili kaduhaduhaan: kon kamo dili makapahibalo kanako sa damgo ug sa hubad niini, wataswatason kamo ug ang inyong mga balay gub-on.

Daniel 3:11

ug si bisan kinsa nga dili mohapa ug mosimba itambog ngadto sa hudno nga nagdilaab sa kalayo.

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 3:21

Unya kining mga tawhana gipanggapos nga nagsul-ob sa ilang mga bisti, sa ilang mga kupo, sa ilang mga kalo ug sa uban pa nilang mga bisti, ug gitambog sila ngadto sa hudno nga nagdilaab sa kalayo.

Daniel 3:7

Busa sa pagkadungog sa tanang mga katawhan sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, ang tanang mga katawhan, ang mga nasod ug ang mga pinulongan nanghapa ug misimba sa larawan nga bulawan nga gipatindog ni Hari Nabucodonosor.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.

Daniel 6:7

Ang tanang mga pangulo sa gingharian, ang mga tigdumala ug ang mga kadagkoan, ang mga magtatambag ug ang mga gobernador nagkasabot nga ang hari kinahanglang maghimo ug usa ka tulumanon ug magpakanaog ug usa ka pagdili nga si bisan kinsa nga mag-ampo ngadto sa bisan unsang dios o tawo sulod sa 30 ka adlaw, gawas kanimo, O hari, siya itambog ngadto sa langob sa mga liyon.

Mateo 13:42

ug ilang itambog sila ngadto sa hudno nga nagdilaab. Didto ang mga tawo manghilak ug magkagot ang ilang mga ngipon.

Mateo 13:50

Ilang ilabay ang mga daotan ngadto sa hudno nga nagdilaab ug didto ang mga tawo manghilak ug magkagot ang ilang mga ngipon.

Mateo 4:9

ug ang yawa miingon kaniya, “Kining tanan akong ihatag kanimo kon ikaw moluhod ug mosimba kanako.”

Marcos 6:27

Dihadiha gisugo sa hari ang usa ka sundalo sa mga bantay sa pagdala sa ulo ni Juan. Ug ang sundalo misulod ug gipunggotan si Juan sa ulo didto sa sulod sa bilanggoan

Gipadayag 14:11

Ug ang aso sa ilang kasakit mag-utbo hangtod sa kahangtoran ug sila dili makatagamtam sa pahulay, sa gabii ug sa adlaw, sila nga mosimba sa bangis nga mananap ug sa iyang larawan ug si bisan kinsa nga nakadawat sa patik sa ngalan niini.”

Gipadayag 9:2

Iyang gibuksan ang kahiladman, ug gikan sa bung-aw misulbong ang aso nga daw aso sa usa ka dakong hudno, ug mingiob ang adlaw ug ang kalangitan tungod sa aso gikan sa bung-aw.