Daniel 3:29

Ang Biblia 2011

Busa ako magbuhat ug usa ka sugo. Ang tanang katawhan, nasod o pinulongan nga magsulti ug bisan unsa batok sa Dios ni Sadrac, ni Mesac ug ni Abednego wataswatason ug ang ilang mga balay gub-on kay walay laing dios nga makahimo pagluwas sa ingon niining paagiha.”

Cross References

2 Mga Hari 10:27

Ug ilang gigun-ob ang haligi ni Baal ug gigun-ob ang templo ni Baal ug gihimo kining kalibangan hangtod niining adlawa.

Esdras 6:11

Maghimo usab ako ug usa ka sugo nga si bisan kinsa nga mag-usab niining sugoa, kuhaan ug usa ka sagbayan ang iyang balay ug ihansak kini kaniya ug ang iyang balay mahimo nga usa ka tam-okanan sa hugaw tungod niini.

Salmo 3:8

Ang kaluwasan iya sa Ginoo; ang imong panalangin maanaa sa imong katawhan! Selah

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Daniel 1:19

Ug ang hari nakigsulti kanila, ug kanilang tanan walay nakita nga sama kang Daniel, kang Ananias, kang Misael ug kang Asarias, busa mipabilin sila sa atubangan sa hari.

Daniel 1:7

Ang pangulo sa mga yunoko mihatag kanila ug mga ngalan: si Daniel iyang gitawag ug Beltesasar, si Ananias iyang gitawag ug Sadrac ug si Misael iyang gitawag ug Mesac, ug si Asarias iyang gitawag ug Abednego.

Daniel 2:17

Unya miadto si Daniel sa iyang balay ug gipahibalo ang maong butang ngadto kang Ananias, kang Misael ug kang Asarias nga iyang mga kauban,

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Daniel 2:49

Si Daniel mihangyo sa hari, ug iyang gitudlo si Sadrac, si Mesac ug si Abednego sa pagdumala sa mga buluhaton sa lalawigan sa Babilonia, apan si Daniel nagpabilin diha sa hawanan sa hari.

Daniel 2:5

Ang hari mitubag sa mga Caldeanhon, “Ang pulong gikan kanako dili kaduhaduhaan: kon kamo dili makapahibalo kanako sa damgo ug sa hubad niini, wataswatason kamo ug ang inyong mga balay gub-on.

Daniel 3:12

Adunay pipila ka Judio nga imong gitudlo sa pagdumala sa mga buluhaton sa lalawigan sa Babilonia: si Sadrac, si Mesac ug si Abednego. Kining mga tawhana, O hari, wala mamati kanimo. Sila wala mag-alagad sa imong mga dios o magsimba sa larawan nga bulawan nga imong gipatindog.”

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Daniel 3:28

Si Nabucodonosor miingon, “Bulahan ang Dios ni Sadrac, ni Mesac ug ni Abednego, nga nagpadala sa iyang anghel ug nagluwas sa iyang mga alagad nga misalig kaniya, ug gibaliwala ang sugo sa hari ug nagtugyan sa ilang mga lawas kay sa mag-alagad sila ug magsimba sa lain nga dios gawas lamang sa ilang kaugalingon nga Dios.

Daniel 6:28

Busa si Daniel nagmauswagon panahon sa paghari ni Dario, ug sa paghari ni Ciro nga Persianhon.

Deuteronomio 32:31

Kay ang ilang bato dili sama sa atong Bato, bisan pa ug ang atong mga kaaway sa ilang kaugalingon mao ang mga maghuhukom.