Daniel 3:26

Ang Biblia 2011

Unya si Nabucodonosor miduol sa baba sa hudno nga nagdilaab sa kalayo ug miingon, “Sadrac, Mesac ug Abednego, mga alagad sa Labing Halangdon nga Dios, gula kamo ug duol ngari! Unya si Sadrac, si Mesac, ug si Abednego nanggula gikan sa kalayo.

Cross References

Genesis 14:18

Unya si Melkisedek nga hari sa Salem nagdala kaniya ug pan ug bino; siya pari sa Dios nga Labing Halangdon.

1 Mga Hari 8:51

kay sila imong katawhan ug imong panulundon, nga imong gidala gikan sa Ehipto gikan sa taliwala sa tunawanan sa puthaw.

Esdras 5:11

Ug kini mao ang ilang tubag kanamo, ‘Kami mao ang mga alagad sa Dios sa langit ug sa yuta, ug kami nagtukod pag-usab sa balay nga natukod niining daghang mga katuigan nga nangagi, nga gitukod ug nahuman sa usa ka gamhanang hari sa Israel.

Salmo 66:12

ikaw mitugot nga ang mga tawo mangabayo ibabaw sa among mga ulo; milatas kami sa kalayo ug sa tubig, apan ikaw nagdala kanamo ngadto sa kadagaya.

Isaias 28:16

busa mao kini ang giingon sa Ginoong Dios, “Tan-awa, gibutang nako didto sa Zion alang sa usa ka patukoranan ang usa ka bato, usa ka sinulayan nga bato, usa ka bililhon nga bato nga patukoranan, sa patukoranan nga lig-on, ‘Siya nga motuo dili magdali.’

Isaias 52:12

Kay kamo dili manggula nga magdali, ug dili kamo mangagiw kay ang Ginoo mag-una kaninyo, ug ang Dios sa Israel mao ang magbantay sa inyong luyo.

Jeremias 11:4

nga akong gisugo sa inyong mga katigulangan sa dihang gikuha nako sila gikan sa yuta sa Ehipto, gikan sa hudno nga tunawan sa puthaw, nga nag-ingon, Pamatia ninyo ang akong tingog, ug buhata ang tanan nga akong gisugo kaninyo. Busa kamo mahimo nga akong katawhan, ug ako mahimo nga inyong Dios,

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Daniel 4:2

Daw maayo alang kanako ang pagpadayag sa mga ilhanan ug sa mga kahibulongan nga gibuhat sa Labing Halangdon nga Dios nganhi kanako.

Daniel 6:20

Sa pagduol niya sa langob diin didto si Daniel, misinggit siya sa usa ka tingog nga masulob-on ug miingon kang Daniel, “O Daniel, alagad sa Dios nga buhi, ang imong Dios nga imong gialagaran sa kanunay nagluwas ba kanimo gikan sa mga liyon?”

Daniel 6:21

Unya si Daniel miingon sa hari, “O hari, mabuhi ikaw hangtod sa kahangtoran!

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

Mga Buhat 16:17

Misunod siya kang Pablo ug kanamo nga nagsinggit, “Kining mga tawhana mga sulugoon sa Labing Halangdong Dios, nagsangyaw kaninyo sa dalan sa kaluwasan.”

Mga Buhat 16:37

Apan si Pablo miingon kanila, “Kami nga mga tawong Romanhon gipabunalan nila sa atubangan sa mga tawo nga wala pa hukmi ug gisulod kami sa bilanggoan, ug karon ila ba lamang kaming buhian sa tago? Dili mahimo! Kinahanglan nga sila gayod ang mangunay sa pag-anhi ug pagpagula kanamo.”

Mga Buhat 27:23

Kay niining gabhiona may mitindog tupad kanako nga usa ka anghel sa Dios diin ako sakop ug maoy akong gisimba,

Mga Taga-Galacia 1:10

Kay nangdani ba ako karon sa tawo o sa Dios? O nagtinguha ba ako sa pagpahimuot sa mga tawo? Kon nagpahimuot pa gihapon ako sa mga tawo, dili unta ako karon ulipon ni Cristo.

Deuteronomio 4:20

Apan ang Ginoo nagkuha kaninyo ug nagpagula kaninyo gikan sa hudno nga puthaw, gikan sa Ehipto, aron mahimo kamo nga iyang kaugalingong katawhan sama niining adlawa.

Josue 3:17

Samtang ang tibuok Israel nanabok sa uga nga yuta, ang mga pari nga nagyayong sa sudlanan sa kasabotan sa Ginoo, nanindog sa yuta nga uga sa taliwala sa Jordan hangtod nga ang tibuok nasod nahurot paglabang sa Jordan.

Josue 4:10

Kay ang mga pari nga nagdala sa sudlanan nagtindog sa tungatunga sa Jordan, hangtod nga natapos ang tanang butang nga gisugo sa Ginoo kang Josue nga ipasulti ngadto sa mga tawo sumala sa tanang gisugo ni Moises kang Josue. Ug ang mga tawo midali pagtabok.

Gipadayag 19:5

Ug gikan sa trono miabot ang usa ka tingog nga nagsinggit, “Dayega ninyo ang atong Dios, kamong tanan nga iyang mga ulipon, kamo nga may kahadlok kaniya, mga dili inila ug mga bantogan.”