Daniel 3:25

Ang Biblia 2011

Siya mitubag, “Apan nakakita ako ug upat ka tawo nga walay gapos nga nanglakaw taliwala sa kalayo ug sila wala maunsa ug ang dagway sa ikaupat sama sa usa ka anak sa mga dios.”

Cross References

Job 1:6

Usa niana ka adlaw sa diha nga ang mga anak sa Dios miadto aron sa pagpakita sa ilang kaugalingon sa atubangan sa Ginoo, si Satanas miduol usab uban kanila.

Job 38:7

sa dihang nagdungan pag-awit ang mga bituon sa kabuntagon, ug ang tanang mga anak sa Dios naninggit sa kalipay?

Job 5:19

Siya magluwas kanimo gikan sa unom ka kasamok; sa ikapito walay daotan nga makadapat kanimo.

Salmo 34:7

Ang anghel sa Ginoo maglibot niadtong may kahadlok kaniya, ug magluwas kanila.

Mga Panultihon 30:4

Kinsa bay nakasaka ngadto sa langit ug nanaog? Kinsa bay nagtigom sa hangin diha sa iyang mga komo? Kinsa bay nagputos sa tubig diha sa usa ka bisti? Kinsa bay nagtukod sa tanang suok sa kalibotan? Unsa ba ang iyang ngalan? Unsa ba ang ngalan sa iyang anak nga lalaki? Nahibalo gayod ikaw!

Isaias 43:2

Sa diha nga ikaw molatas sa katubigan ako mag-uban kanimo, ug sa mga kasapaan, kini dili makalapaw kanimo; sa diha nga ikaw maglakaw latas sa kalayo, ikaw dili masunog ug ang kalayo dili maglamoy kanimo.

Jeremias 1:19

Ug sila makig-away batok kanimo, apan sila dili modaog batok kanimo, kay ako mag-uban kanimo sa pagluwas kanimo, nag-ingon ang Ginoo.”

Jeremias 1:8

Ayaw kahadlok kanila kay ako mag-uban kanimo aron sa pagluwas kanimo, nag-ingon ang Ginoo.”

Jeremias 15:21

Pagawason ko ikaw gikan sa kamot sa mga daotan, ug lukaton ko ikaw gikan sa kamot sa mga tawong bangis.”

Daniel 3:18

Apan kon dili, angay nimong masayran, O hari, nga kami dili moalagad sa imong mga dios o mosimba sa larawan nga bulawan nga imong gipatindog.”

Daniel 3:24

Unya si Hari Nabucodonosor nahibulong ug midali sa pagtindog. Siya miingon sa iyang mga magtatambag, “Dili ba tulo man ka tawo nga ginapos ang atong gitambog ngadto sa kalayo?” Sila mitubag sa hari, “Tinuod, O hari.”

Daniel 3:28

Si Nabucodonosor miingon, “Bulahan ang Dios ni Sadrac, ni Mesac ug ni Abednego, nga nagpadala sa iyang anghel ug nagluwas sa iyang mga alagad nga misalig kaniya, ug gibaliwala ang sugo sa hari ug nagtugyan sa ilang mga lawas kay sa mag-alagad sila ug magsimba sa lain nga dios gawas lamang sa ilang kaugalingon nga Dios.

Daniel 6:23

Unya ang hari nalipay sa hilabihan gayod ug nagsugo nga kuhaon si Daniel gikan sa langob. Busa si Daniel gikuha gikan sa langob, ug walay kadaot nga nakita diha kaniya, tungod kay siya misalig man sa iyang Dios.

Marcos 16:18

kuptan nila ang mga bitin ug kon makainom sila ug bisan unsa nga makahilo, dili sila maunsa, tapin-an nila sa ilang mga kamot ang mga masakiton ug mangaayo sila.”

Lucas 1:35

Ang anghel mitubag kaniya, “Ang Espiritu Santo mokunsad kanimo ug ang gahom sa Labing Halangdon molandong kanimo. Tungod niini, ang balaang bata nga matawo tawgon nga Anak sa Dios.

Mga Buhat 28:5

Apan gisawilik niya ang bitin ngadto sa kalayo, ug siya wala maunsa.

Roma 1:4

ug gipaila nga Anak sa Dios uban sa gahom sumala sa Espiritu sa pagkabalaan pinaagi sa iyang pagkabanhaw gikan sa mga patay, si Jesu-Cristo nga atong Ginoo.

1 Pedro 3:13

Kinsa may makahimo ug kadaot kaninyo kon magmainiton kamo sa pagbuhat sa maayo?