Daniel 3:19

Ang Biblia 2011

Unya si Nabucodonosor napuno sa kasuko ug ang dagway sa iyang nawong nausab batok kang Sadrac, kang Mesac ug kang Abednego. Siya misugo nga painiton ang hudno sa pito ka pilo labaw sa naandan nga kainit niini.

Cross References

Genesis 31:2

Ug nakita ni Jacob nga lain ang pagtagad ni Laban kaniya, dili na sama sa kaniadto.

Ester 3:5

Ug sa nakita ni Haman nga si Mardoqueo wala moyukbo o magtahod kaniya, si Haman napuno sa kaligutgot.

Ester 7:7

Ang hari suko nga mitindog gikan sa kan-anan ug miadto sa tanaman sa balay sa hari. Apan si Haman mipabilin aron sa paghangyo sa iyang kinabuhi kang Rayna Ester kay nakita niya nga may daotan nga gihunahuna batok kaniya ang hari.

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Mga Panultihon 16:14

Ang kapungot sa usa ka hari sama sa mga sinugo sa kamatayon, ug ang tawo nga maalamon mopuypoy niini.

Mga Panultihon 21:24

“Mayubiton” ang ngalan sa garboso, mapahitas-on nga tawo, nga magbuhat uban sa mapahitas-ong garbo.

Isaias 51:23

ug ibutang nako kini ngadto sa kamot nila nga nagsakit kanimo, nga nag-ingon kanimo, ‘Duko, aron kami makaagi’; ug imo nga gihimo ang imong bukobuko sama sa yuta, ug sama sa dalan aron sila makaagi.”

Daniel 2:12

Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.

Daniel 3:13

Unya si Nabucodonosor sa iyang hilabihang kapungot misugo sa pagpakuha kang Sadrac, kang Mesac ug kang Abednego. Unya ilang gidala kining mga tawhana sa atubangan sa hari.

Daniel 3:20

Ug nagsugo siya ug pipila ka kusgang tawo sa iyang kasundalohan sa paggapos kang Sadrac, kang Mesac, ug kang Abednego ug sa pagtambog kanila ngadto sa hudno nga nagdilaab sa kalayo.

Daniel 5:6

Unya ang nawong sa hari nangluspad ug ang iyang mga hunahuna nakapalisang kaniya ug ang mga lutahan namuypoy ug ang iyang mga tuhod nangurog.

Daniel 6:24

Ug ang hari misugo ug kadtong mga tawo nga misumbong batok kang Daniel gidala ug gipangtambog ngadto sa langob sa mga liyon, sila, ang ilang mga anak, ug ang ilang mga asawa. Ug sa wala pa sila maabot sa ilalom sa langob, ang mga liyon mihasmag na kanila ug gidugmok ang tanan nilang mga bukog.

Levitico 26:18

Kon nianang mga butanga dili gihapon kamo mamati kanako, kastigohon ko kamo ug pito ka pilo tungod sa inyong mga sala.

Levitico 26:21

“Kon maglakaw kamo nga batok kanako ug kamo dili mamati kanako, dugangan nako ug pito ka pilo ang mga hampak sumala sa inyong mga sala.

Levitico 26:24

ako usab maglakaw batok kaninyo ug ako gayod maghampak kaninyo sa pito ka pilo tungod sa inyong mga sala.

Levitico 26:28

ako maglakaw batok kaninyo nga adunay kaligutgot ug kastigohon ko kamo pag-usab sa pito ka pilo tungod sa inyong mga sala.

Mga Buhat 5:33

Sa pagkadungog nila niini, sila nangasuko ug buot nga mopatay kanila.

Mga Buhat 7:54

Unya sa ilang pagkadungog niining mga butanga, sila nangasuko ug nagpakagot sa ilang mga ngipon batok kang Esteban.