Daniel 3:17

Ang Biblia 2011

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Cross References

Genesis 17:1

Sa dihang 99 na ang panuigon ni Abram, ang Ginoo, nagpakita kaniya ug miingon, “Ako mao ang Dios nga Labing Gamhanan, pagkinabuhi nga dili masaway sa akong atubangan.

Genesis 18:14

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

Job 34:29

Sa diha nga siya magpakahilom, kinsa man ang makahukom? Sa diha nga tagoan niya ang iyang nawong, kinsa man ang makasud-ong kaniya, nasod man kini o usa ka tawo?

Job 5:19

Siya magluwas kanimo gikan sa unom ka kasamok; sa ikapito walay daotan nga makadapat kanimo.

Salmo 115:3

Apan ang atong Dios anaa sa kalangitan; gibuhat niya ang tanan nga iyang gikahimut-an.

Salmo 37:39

Ang kaluwasan sa mga matarong gikan sa Ginoo; siya mao ang ilang dalangpanan panahon sa kalisdanan.

Salmo 37:40

Ang Ginoo nagtabang kanila ug nagluwas kanila; siya nagpalingkawas kanila gikan sa mga daotan ug nagluwas kanila, kay sila midangop man kaniya.

Salmo 73:20

Sila sama sa usa ka damgo sa diha nga ang usa ka tawo mahigmata, sa pagmata, tamayon nimo ang ilang paghanduraw.

Isaias 12:2

“Sa pagkatinuod ang Dios mao ang akong kaluwasan; ako mosalig, ug dili mahadlok kay ang Ginoong Dios mao ang akong kusog ug ang akong awit, ug siya nahimo nga akong kaluwasan.”

Isaias 54:14

Sa pagkamatarong ikaw tukoron; ikaw ipahilayo gikan sa pagdaogdaog, kay ikaw dili mahadlok, ug gikan sa kalisang, kay kini dili magpaduol kanimo.

Jeremias 1:8

Ayaw kahadlok kanila kay ako mag-uban kanimo aron sa pagluwas kanimo, nag-ingon ang Ginoo.”

Jeremias 15:20

Ug ikaw akong buhaton alang niining katawhan ingon nga usa ka lig-on nga paril nga bronsi; sila makig-away batok kanimo, apan sila dili makadaog kanimo, kay ako mag-uban kanimo aron sa pagluwas kanimo ug sa pagpalingkawas kanimo, nag-ingon ang Ginoo.

Jeremias 15:21

Pagawason ko ikaw gikan sa kamot sa mga daotan, ug lukaton ko ikaw gikan sa kamot sa mga tawong bangis.”

Daniel 3:26

Unya si Nabucodonosor miduol sa baba sa hudno nga nagdilaab sa kalayo ug miingon, “Sadrac, Mesac ug Abednego, mga alagad sa Labing Halangdon nga Dios, gula kamo ug duol ngari! Unya si Sadrac, si Mesac, ug si Abednego nanggula gikan sa kalayo.

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Daniel 6:16

Unya ang hari misugo ug gidala si Daniel ug gitambog ngadto sa langob sa mga liyon. Ang hari miingon kang Daniel, “Magluwas unta kanimo ang imong Dios nga imong gialagaran sa kanunay!”

Daniel 6:23

Unya ang hari nalipay sa hilabihan gayod ug nagsugo nga kuhaon si Daniel gikan sa langob. Busa si Daniel gikuha gikan sa langob, ug walay kadaot nga nakita diha kaniya, tungod kay siya misalig man sa iyang Dios.

Daniel 6:27

Siya nagpalingkawas ug nagluwas, ug nagbuhat siya ug mga ilhanan ug mga katingalahan sa langit ug sa yuta, siya maoy nagluwas kang Daniel gikan sa gahom sa mga liyon.”

Miqueas 7:7

Apan alang kanako, ako motutok sa Ginoo, ako maghulat sa Dios sa akong kaluwasan; ang akong Dios magpatalinghog kanako.

Lucas 1:37

Kay sa Dios walay dili mahimo.”

Mga Buhat 20:24

Hinuon ako wala mag-isip sa akong kinabuhi nga bililhon o mahalon alang kanako, basta lamang mahuman nako ang akong tulumanon ug ang katungdanan nga akong nadawat gikan sa Ginoong Jesus, sa pagsaksi alang sa Maayong Balita sa grasya sa Dios.

Mga Buhat 21:13

Unya siya mitubag, “Unsa ba kining inyong gibuhat nga naghilak man kamo ug nagsamad sa akong kasingkasing? Andam ako dili lamang sa pagpabilanggo, kondili bisan sa pagpakamatay didto sa Jerusalem tungod sa ngalan sa Ginoong Jesus.”

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

2 Mga Taga-Corinto 1:10

Siya ang nagluwas kanamo gikan sa dakong hulga sa kamatayon magpadayon pagluwas kanamo. Kaniya naglaom kami nga siya moluwas kanamo pag-usab.

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

1 Samuel 17:37

Ug si David miingon, “Ang Ginoo nga nagluwas kanako gikan sa tiil sa liyon ug gikan sa tiil sa oso, siya magluwas kanako gikan sa kamot niining Filistihanon.” Ug si Saul miingon kang David, “Lakaw, ug ang Ginoo mag-uban kanimo!”

1 Samuel 17:46

Niining adlawa ang Ginoo magtugyan kanimo nganhi sa akong kamot, ug ako magbunal ug maglunggo sa imong ulo gikan kanimo, ug ihatag nako ang mga patay nga lawas sa panon sa mga Filistihanon niining adlawa ngadto sa mga langgam sa kalangitan ug sa mga ihalas nga mananap sa yuta, aron nga ang tibuok yuta mahibalo nga adunay Dios sa Israel,