Daniel 3:15

Ang Biblia 2011

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Cross References

2 Mga Hari 18:35

Kinsa ba sa mga dios sa tanan nga kayutaan nga nakaluwas sa ilang yuta gikan sa akong kamot, nga ang Ginoo magluwas sa Jerusalem gikan sa akong kamot?’ ”

Exodo 32:32

Apan karon, kon imo untang pasayloon ang ilang sala, ug kon dili, papasa ako gikan sa imong basahon nga imong gisulat.”

Exodo 5:2

Apan ang Paraon mitubag, “Kinsa ba si Yahweh nga kinahanglang mamati ako sa iyang tingog ug magtugot sa pagpalakaw sa Israel? Wala ako makaila kang Yahweh, dili usab ako motugot sa pagpalakaw sa Israel.”

Isaias 37:23

‘Kinsa ang imong gihagit ug gipasipalahan? Batok kang kinsa man nimo gipatugbaw ang imong tingog ug gisulinga nimo ang imong mga mata? Batok sa Balaan sa Israel!

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Daniel 2:9

nga kon kamo dili makapadayag kanako sa damgo, adunay usa lamang ka silot alang kaninyo. Kamo misugot sa pagsulti ug bakak ug daotan nga mga pulong sa akong atubangan, hangtod nga mausab ang panahon. Busa isulti kanako ang damgo ug ako mahibalo nga kamo makapadayag kanako sa hubad niini.”

Daniel 3:17

Kon mao kana, ang among Dios nga among gialagaran makahimo sa pagluwas kanamo gikan sa hudno nga nagdilaab sa kalayo ug siya magluwas kanamo gikan sa imong kamot, O hari.

Daniel 6:16

Unya ang hari misugo ug gidala si Daniel ug gitambog ngadto sa langob sa mga liyon. Ang hari miingon kang Daniel, “Magluwas unta kanimo ang imong Dios nga imong gialagaran sa kanunay!”

Daniel 6:20

Sa pagduol niya sa langob diin didto si Daniel, misinggit siya sa usa ka tingog nga masulob-on ug miingon kang Daniel, “O Daniel, alagad sa Dios nga buhi, ang imong Dios nga imong gialagaran sa kanunay nagluwas ba kanimo gikan sa mga liyon?”

Mateo 10:19

Ug sa diha nga itugyan na kamo nila, ayaw kamo kabalaka kon unsaon ninyo pagsulti o unsay inyong isulti, kay unsay inyong isulti ihatag kaninyo nianang taknaa,

Mateo 27:43

Nagsalig siya sa Dios, ipaluwas siya sa Dios karon, kon nangandoy man siya kaniya kay nag-ingon siya, ‘Ako ang Anak sa Dios.’ ”

Marcos 13:11

Sa dihang ila kamong dad-on ug itugyan ngadto sa mga hukmanan, ayaw ninyo kabalak-ing daan kon unsa ang inyong isulti apan isulti ninyo ang bisan unsa nga ihatag kaninyo niadtong taknaa, kay dili kamo mao ang magsulti kondili ang Espiritu Santo.

Lucas 12:11

Ug sa diha nga ila kamong dad-on sa atubangan sa mga sinagoga ug sa mga pangulo ug sa mga kagahom, ayaw kamo kabalaka kon unsaon o unsay inyong itubag o unsay inyong isulti.

Lucas 13:9

Ug kon mamunga kini sa sunod tuig, maayo. Apan kon dili, mahimo nga imong putlon.’ ”

Mga Buhat 4:19

Apan si Pedro ug si Juan mitubag kanila, “Kon matarong man diha sa panan-aw sa Dios sa pagpamati kaninyo kay sa Dios, hukmi ninyo,

Mga Buhat 5:29

Apan si Pedro ug ang mga apostoles mitubag nga nag-ingon, “Kinahanglan among tumanon ang Dios kay sa mga tawo.

Mga Buhat 6:15

Ug ang tanang naglingkod sa Sanhedrin, sa pagtutok nila kaniya, nakakita nga ang iyang nawong sama sa nawong sa anghel.