Daniel 3:10

Ang Biblia 2011

Ikaw, O hari, naghimo ug usa ka sugo nga ang matag tawo nga makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kinahanglang mohapa ug mosimba sa larawan nga bulawan,

Cross References

1 Cronicas 15:16

Unya si David misugo sa mga pangulo sa mga Levihanon sa pagtudlo sa ilang mga kaigsoonan ingon nga mga mag-aawit, uban sa mga tulunggon, sa mga alpa, sa mga lira ug sa mga piyangpiyang, aron sa pagpatugbaw sa tingog sa kalipay.

1 Cronicas 15:28

Busa gidala sa tibuok Israel ang sudlanan sa kasabotan sa Ginoo uban sa pagsinggit ug sa tingog sa sungay, sa mga trumpeta ug sa mga piyangpiyang, ug nagtugtog ug lanog nga honi pinaagi sa mga alpa ug mga lira.

2 Cronicas 29:25

Iyang gipahimutang ang mga Levihanon diha sa balay sa Ginoo uban sa mga piyangpiyang, mga alpa, ug mga lira sumala sa sugo ni David ug ni Gad nga propeta sa hari ug ni Natan nga propeta, kay ang sugo gikan sa Ginoo pinaagi sa iyang mga propeta.

Salmo 94:20

Makapakig-uban ba kanimo ang daotang pangulo nga nagmugna ug daotang buhat pinaagi sa lagda?

Exodo 1:16

“Sa diha nga manabang kamo sa mga babayeng Hebreo ug makita ninyo sila diha ibabaw sa angkanan nga lantay, kon lalaki kini patya siya ug kon babaye, mabuhi siya.”

Exodo 1:22

Unya ang Paraon misugo sa tanan niyang katawhan, “Itambog ninyo sa suba ang tanang bata nga lalaki nga Hebreo nga matawo apan ang tanang bata nga babaye tugoti ninyo nga mabuhi.”

Ecclesiastes 3:16

Dugang pa, nakita nako ilalom sa adlaw nga diha sa dapit sa hustisya, dihay pagkadaotan, ug diha sa dapit sa pagkamatarong, dihay kasal-anan.

Isaias 10:1

Alaot kadtong nagsugo sa dili matarong nga mga sugo, ug ang mga tigsulat nga nagpunay ug sulat sa pagpanglupig,

Daniel 3:11

ug si bisan kinsa nga dili mohapa ug mosimba itambog ngadto sa hudno nga nagdilaab sa kalayo.

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 6:12

Unya sila miduol ug miingon sa atubangan sa hari mahitungod sa gidili sa hari, “O hari! Wala ba ikaw mopirma sa usa ka pagdili nga si bisan kinsa nga mangamuyo sa bisan unsang dios o tawo sulod sa 30 ka adlaw gawas kanimo, O hari, itambog ngadto sa langob sa mga liyon?” Ang hari mitubag, “Ang butang nagpabilin sumala sa balaod sa mga Medianhon ug sa mga Persianhon, dili mabakwi.”

Amos 6:5

sila nga nag-awit ug mga alawiton nga walay hinungdan dinuyogan sa huni sa alpa, ug sama kang David nagmugna alang sa ilang kaugalingon ug mga tulunggon;

Juan 11:57

Unya ang mga pangulong pari ug ang mga Pariseo naghatag ug sugo nga kon adunay masayod hain si Jesus, kinahanglang pahibaloon sila aron dakpon nila siya.