Daniel 3:1

Ang Biblia 2011

Si Hari Nabucodonosor nagbuhat ug usa ka larawan nga bulawan nga ang gitas-on 60 ka maniko ug ang gilapdon niini unom ka maniko. Iya kining gipahiluna sa kapatagan sa Dura, sa lalawigan sa Babilonia.

Cross References

1 Mga Hari 12:28

Tungod niini ang hari nagpakitambag ug naghimo ug duha ka nating baka nga bulawan ug siya miingon ngadto sa mga tawo, “Igo na ang inyong pagtungas ngadto sa Jerusalem, tan-awa, ang inyong mga dios, O Israel, nga nagdala kaninyo gikan sa yuta sa Ehipto.”

Ester 1:1

Sa mga adlaw ni Ahasuero, ang Ahasuero nga naghari sukad sa India hangtod sa Etiopia, ibabaw sa 127 ka lalawigan,

Salmo 135:15

Ang mga diosdios sa kanasoran mga plata ug bulawan, buhat sa mga kamot sa mga tawo.

Exodo 20:23

Ayaw kamo pagbuhat ug mga diosdios nga hinimo ug plata uban kanako o magbuhat alang kaninyo ug mga diosdios nga hinimo ug bulawan.

Exodo 32:31

Busa si Moises mibalik ngadto sa Ginoo ug miingon, “Kining katawhan nakasala ug usa ka dakong sala ug nagbuhat sila ug mga dios nga bulawan.

Isaias 2:20

Nianang adlawa isalibay sa mga tawo ang ilang mga diosdios nga plata ug ang mga diosdios nga bulawan, nga gibuhat nila aron simbahon, ngadto sa mga ilaga ug sa mga kabog,

Isaias 30:22

Unya imong bulingan ang imong kinulit nga mga larawan nga sinapawan ug plata, ug ang imong mga larawan nga tinunaw nga gisapawan ug bulawan. Isalibay nimo kini ingon nga hugaw nga mga butang; ikaw moingon niini, “Pahawa kamo!”

Isaias 46:6

Kadtong nag-usik sa bulawan gikan sa sudlanan sa salapi, ug nagtimbang ug plata sa timbangan, nagsuhol sa usa ka tigsalsal ug bulawan, ug siya naghimo niini nga usa ka dios; unya sila nangyukbo ug nagsimba!

Jeremias 10:9

Sinalsal nga plata gidala gikan sa Tarsis ug bulawan gikan sa Ufas. Kini buhat sa mga kamot sa hanas nga tigbuhat ug sa mga kamot sa tigsalsal ug bulawan; ang ilang bisti ubihon ug tapol; kining tanan binuhat sa mga tawong batid sa pagpamuhat.

Jeremias 16:20

Makahimo ba ug mga dios ang tawo alang sa iyang kaugalingon? Ang ingon niana dili mga dios!”

Daniel 2:48

Unya ang hari naghatag kang Daniel ug pagpasidungog ug daghang mga dagkong gasa ug naghimo kaniya nga tinugyanan sa tibuok lalawigan sa Babilonia ug labawng tigdumala sa tanang mga maalamong tawo sa Babilonia.

Daniel 2:49

Si Daniel mihangyo sa hari, ug iyang gitudlo si Sadrac, si Mesac ug si Abednego sa pagdumala sa mga buluhaton sa lalawigan sa Babilonia, apan si Daniel nagpabilin diha sa hawanan sa hari.

Daniel 3:14

Si Nabucodonosor miingon kanila, “Tinuod ba kini, O Sadrac, Mesac ug Abednego, nga kamo wala mag-alagad sa akong mga dios o magsimba sa larawan nga bulawan nga akong gipatindog?

Daniel 3:30

Unya gipauswag sa hari si Sadrac, si Mesac ug si Abednego sa lalawigan sa Babilonia.

Daniel 5:23

Apan nagmapahitas-on ikaw sa imong kaugalingon batok sa Ginoo sa langit ug ang mga galamiton sa iyang balay gidala nganhi sa imong atubangan ug ikaw ug ang imong mga kadagkoan, ang imong mga asawa ug ang imong mga puyopuyo nanginom sa bino gikan niini. Ug gidayeg nimo ang mga dios nga plata ug bulawan, bronsi, puthaw, kahoy ug bato nga dili makakita o makadungog o makaila, apan ang Dios nga sa iyang kamot anaa ang imong gininhawa ug iya ang tanan nimong mga pamaagi, wala nimo pasidunggi.

Daniel 5:4

Sila nanginom sa bino, ug nagdayeg sa mga dios nga bulawan ug plata, bronsi, puthaw, kahoy ug bato.

Oseas 2:8

Siya wala mahibalo nga ako ang naghatag kaniya sa trigo, sa bino ug sa lana, ug nagsangkap kaniya sa plata ug bulawan nga ilang gigamit alang sa Baal.

Oseas 8:4

Nagbutang sila ug mga hari apan dili pinaagi kanako; nagpahimutang sila ug mga pangulo, apan wala nako mahibaloi. Pinaagi sa ilang plata ug bulawan naghimo sila ug mga diosdios alang sa ilang kaugalingong kalaglagan.

Habacuc 2:19

Alaot siya nga nag-ingon ngadto sa kahoy, “Pagmata;” ngadto sa amang nga bato, “Tindog!” Makahatag ba kini ug pagpadayag? Tan-awa, kini gihal-opan ug bulawan ug plata, ug wala gayoy gininhawa sa sulod niini.

Mga Buhat 17:29

Busa kay mga anak man kita sa Dios, dili nato hunahunaon nga ang pagka-Dios sama sa bulawan o plata, o bato nga kinulit pinaagi sa kabatid ug sa hunahuna sa tawo.

Mga Buhat 19:26

Ug kamo nakakita ug nakadungog nga dili lamang dinhi sa Efeso kondili hapit sa tibuok Asia, daghan ang mga tawo nga gipangdani ug gipahisalaag ni Pablo nga nag-ingon nga ang mga dios nga binuhat ug mga kamot dili mga dios.

Deuteronomio 7:25

Sunoga sa kalayo ang kinulit nga larawan sa ilang mga diosdios. Ayaw kaibgi ang plata o ang bulawan nga anaa kanila o kuhaon ninyo kini alang sa inyong kaugalingon, aron nga dili kamo malit-ag niini kay kini dulumtanan alang sa Ginoo nga inyong Dios.

Gipadayag 9:20

Ang nahibilin nga mga tawo nga wala mangamatay pinaagi sa maong mga katalagman wala maghinulsol sa mga nabuhat sa ilang mga kamot, ug wala usab nila biyai ang pagsimba ug mga demonyo ug mga larawan nga bulawan ug plata ug bronsi ug bato ug kahoy nga dili makakita o makadungog o makalakaw.