Daniel 2:9

Ang Biblia 2011

nga kon kamo dili makapadayag kanako sa damgo, adunay usa lamang ka silot alang kaninyo. Kamo misugot sa pagsulti ug bakak ug daotan nga mga pulong sa akong atubangan, hangtod nga mausab ang panahon. Busa isulti kanako ang damgo ug ako mahibalo nga kamo makapadayag kanako sa hubad niini.”

Cross References

1 Mga Hari 22:22

Ug ang Ginoo miingon kaniya, ‘Sa unsang paagi?’ Ug siya miingon, ‘Ako moadto ug magpakabakakon nga espiritu sa baba sa tanan niyang mga propeta.’ Ug siya miingon, ‘Ikaw mao ang modani kaniya ug magmalamposon. Lakaw ug buhata kini.’

1 Mga Hari 22:6

Unya gitigom sa hari sa Israel ang mga propeta, mga upat ka gatos ka tawo, ug giingnan sila, “Moadto ba ako sa Ramot-gilead aron sa pagpakiggubat o pasagdan ba lamang nako kini?” Ug sila miingon, “Tungas kay ang Ginoo magtugyan niini ngadto sa kamot sa hari.”

Ester 4:11

“Ang tanang mga alagad sa hari ug ang katawhan sa mga lalawigan sa hari nahibalo nga si bisan kinsa nga lalaki o babaye nga moadto sa hari sa sulod nga hawanan nga wala tawga, adunay usa ka balaod, ang tanan managsamang patyon, gawas kaniya nga tunolan sa hari sa bulawang setro ug siya mabuhi. Apan ako wala tawga aron sa pag-adto sa hari sulod niining 30 ka adlaw.”

Mga Panultihon 12:19

Ang ngabil nga matinud-anon molahutay hangtod sa kahangtoran, apan ang usa ka bakakon nga dila molungtad sa makadiyot lamang.

Isaias 41:23

Suginli kami kon unsay modangat sa umaabot, aron kami makaila nga kamo mga dios; pagbuhat ug maayo, o pagbuhat ug daotan, aron kami matingala ug mahadlok.

Isaias 44:25

nga nagpakyas sa mga timailhan sa mga bakakon, ug naghimo nga buang sa mga tigpanagna, nga nagpasibog sa mga tawo nga maalamon, ug naghimo sa ilang kahibalo nga binuang;

Ezequiel 13:17

“Ug ikaw, anak sa tawo, ipaatubang ang imong nawong batok sa mga anak nga babaye sa imong katawhan, nga nagpropesiya gikan sa ilang kaugalingon nga kasingkasing, ug pagpropesiya batok kanila

Ezequiel 13:19

Gipasipalahan ninyo ako taliwala sa akong katawhan tungod sa mga hakop sa sebada ug tungod sa mga tipik sa pan, aron sa pagpatay sa mga kinabuhi nga dili angayng mamatay, ug aron sa pagluwas sa mga kinabuhi nga dili angayng mabuhi, pinaagi sa inyong pagbakak sa akong katawhan nga namati sa kabakakan.

Ezequiel 13:6

Sila nagsulti sa kabakakan ug nagpropesiya ug bakak nga nag-ingon, ‘Ang Ginoo nag-ingon,’ apan ang Ginoo wala magpadala kanila ug sila nagpaabot kaniya nga motuman sa ilang pulong.

Daniel 2:16

Ug si Daniel misulod ug mihangyo sa hari nga hatagan siya ug panahon nga iyang mapadayag ang hubad ngadto sa hari.

Daniel 2:21

Siya nag-usab sa mga takna ug sa mga panahon; siya nagpapha sa mga hari ug nagpahiluna sa mga hari; siya naghatag ug kaalam sa mga maalamon ug kahibalo ngadto sa adunay panabot.

Daniel 2:8

Ang hari mitubag, “Ako nasayod gayod nga kamo buot maglangan sa panahon tungod kay nakita man ninyo nga ang pulong nga gikan kanako dili kaduhaduhaan,

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 5:28

PERES, ang imong gingharian nabahin ug gihatag ngadto sa mga Medianhon ug sa mga Persianhon.”

Daniel 5:31

Ug si Dario nga Medianhon midawat sa gingharian, sa dihang siya 62 ka tuig ang panuigon.

Daniel 7:25

Siya magsulti ug mga pulong batok sa Labing Halangdon, ug magluya sa mga balaan sa Labing Halangdon, ug maghunahuna sa pag-usab sa mga panahon ug sa balaod; ug sila ihatag sa iyang kamot sa usa ka higayon duha ka higayon ug sa katunga sa usa ka higayon.

2 Mga Taga-Corinto 2:17

Kay lahi kami sa kadaghanan nga namaligya sa pulong sa Dios, kondili ingon nga mga tawong matinud-anon, ug ingon nga gikan sa Dios, kami nagsulti sa atubangan sa Dios pinaagi kang Cristo.