Daniel 2:47

Ang Biblia 2011

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Cross References

Genesis 41:39

Busa ang Paraon miingon kang Jose, “Tungod kay ang Dios nagpahibalo kanimo niining tanan, walay si bisan kinsa nga hait ug salabotan ug maalamon nga sama kanimo.

2 Mga Hari 5:15

Unya mibalik siya ngadto sa tawo sa Dios, siya ug ang tanan niyang kauban, ug miadto ug mitindog sa iyang atubangan ug siya miingon, “Karon, ako nahibalo nga walay Dios sa tanang yuta gawas sa Israel. Busa dawata karon ang usa ka gasa gikan sa imong sulugoon.”

Job 12:19

Iyang dad-on ang mga pari nga hinuboan, ug buntogon niya ang mga gamhanan.

Salmo 136:2

O pagpasalamat sa Dios sa mga dios, kay ang iyang gugmang walay paglubad naglungtad hangtod sa kahangtoran.

Salmo 136:3

O pagpasalamat sa Ginoo sa mga ginoo, kay ang iyang gugmang walay paglubad naglungtad hangtod sa kahangtoran;

Salmo 72:11

Ang tanang mga hari magyukbo unta sa atubangan niya; mag-alagad unta kaniya ang tanang mga nasod!

Salmo 82:1

Ang Dios nagpahiluna diha sa langitnong panagtigom; sa taliwala sa mga dios, siya naghukom:

Salmo 96:4

Kay gamhanan ang Ginoo, ug takos sa labing dako nga pagdayeg, siya angay nga kahadlokan ibabaw sa tanang mga dios.

Ezequiel 26:7

“Kay mao kini ang giingon sa Ginoong Dios: Ania karon, gikan sa amihanan ipadala nako ngadto sa Tiro si Nabucodonosor nga hari sa Babilonia, hari sa mga hari, uban ang mga kabayo, mga karwahi ug uban ang mga tigpangabayo ug usa ka panon sa daghang kasundalohan.

Daniel 11:36

“Ug ang hari magbuhat sumala sa iyang kabubut-on, siya magpasidungog sa iyang kaugalingon ug magpadako sa iyang kaugalingon labaw sa tanang dios ug magsulti ug mga katingalahang butang batok sa Dios sa mga dios. Siya magmauswagon hangtod nga ang kayugot matuman kay unsa ang gitakda kinahanglang tumanon.

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 2:22

Gipadayag niya ang mga lalom ug tinago nga mga butang; siya nasayod sa unsay anaa sa kangitngit, ug ang kahayag nagpuyo uban kaniya.

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 2:29

Nganha kanimo, O hari, sa naghigda ikaw sa higdaanan miabot ang mga hunahuna sa mahitabo sa kaulahian ug siya nga nagpadayag sa mga tinago nagpahibalo kanimo sa mahitabo.

Daniel 2:30

Apan alang kanako, dili tungod sa bisan unsang kaalam nga labaw sa uban nga mga buhi nga kining tinago gipadayag kanako kondili aron nga ang hubad ikapadayag ngadto sa hari, ug aron mahibalo ikaw sa mga hunahuna sa imong kasingkasing.

Daniel 2:37

Ikaw, O hari, ang hari sa mga hari, nga gihatagan sa Dios sa langit sa gingharian, sa gahom, sa kusog ug sa himaya,

Daniel 3:15

Karon, kon kamo andam sa paghapa ug sa pagsimba sa larawan nga akong gibuhat sa dihang kamo makabati sa tingog sa trumpeta, sa plawta, sa lira, sa trigon, sa alpa, sa salterio ug sa tanang matang sa tulunggon, kana husto ug maayo, apan kon kamo dili mosimba, kamo itambog dayon ngadto sa hudno nga nagdilaab sa kalayo. Ug kinsa ba nga dios nga moluwas kaninyo gikan sa akong mga kamot?”

Daniel 3:28

Si Nabucodonosor miingon, “Bulahan ang Dios ni Sadrac, ni Mesac ug ni Abednego, nga nagpadala sa iyang anghel ug nagluwas sa iyang mga alagad nga misalig kaniya, ug gibaliwala ang sugo sa hari ug nagtugyan sa ilang mga lawas kay sa mag-alagad sila ug magsimba sa lain nga dios gawas lamang sa ilang kaugalingon nga Dios.

Daniel 3:29

Busa ako magbuhat ug usa ka sugo. Ang tanang katawhan, nasod o pinulongan nga magsulti ug bisan unsa batok sa Dios ni Sadrac, ni Mesac ug ni Abednego wataswatason ug ang ilang mga balay gub-on kay walay laing dios nga makahimo pagluwas sa ingon niining paagiha.”

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 4:25

nga ikaw abogon gikan sa mga tawo, ug ang imong puluy-anan uban sa mga mananap sa kapatagan. Ikaw mapugos sa pagkaon ug sagbot sama sa mga baka, ug mahumod ikaw sa yamog sa langit, ug pito ka panahon nga molabay kini kanimo, hangtod nga mahibalo ikaw nga ang Labing Halangdon mao ang naghari sa gingharian sa mga tawo ug naghatag niini ngadto kang bisan kinsa nga buot niyang hatagan.

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Daniel 5:11

Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Amos 3:7

Sa pagkatinuod ang Ginoong Dios dili magbuhat ug bisan unsa nga dili magpadayag sa iyang tinago ngadto sa iyang mga alagad nga mga propeta.

1 Mga Taga-Corinto 14:25

ibutyag ang mga tinagoan sa iyang kasingkasing. Ug busa, samtang siya magduko, iyang simbahon ang Dios ug iyang ipahayag nga ang Dios anaa gayod uban kaninyo.

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

1 Timoteo 6:15

Ug unya sa gitakda nga panahon kini ipadayag ra sa dalaygon ug bugtong nga Makagagahom, ang Hari sa mga hari ug Ginoo sa mga ginoo,

Josue 22:22

“Ang Gamhanan, ang Dios, ang Ginoo! Ang Gamhanan, ang Dios, ang Ginoo! Siya nasayod! Ug pahibaloa ang Israel, kon kini tungod sa pagsukol o sa pagpakasala batok sa Ginoo, ayaw kami luwasa karong adlawa

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”

Gipadayag 19:16

Diha sa iyang bisti ug diha sa iyang paa siya may ngalan nga napatik: Hari sa mga hari ug Ginoo sa mga ginoo.