Daniel 2:45

Ang Biblia 2011

Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”

Cross References

Genesis 41:26

Ang pito ka baka nga nindot nagkahulogan ug pito ka tuig ug ang mga uhay nga nindot nagkahulogan ug pito ka tuig; ang damgo usa lamang.

Genesis 41:28

Sama sa ako nang gisulti sa Paraon, ang Dios nagpadayag sa Paraon sa angay niyang buhaton.

Genesis 41:32

Ug tungod niini ang damgo gihimo sa makaduha nganha sa Paraon tungod kay ang maong butang gitakda sa Dios ug nga ang Dios maghimo niini sa dili madugay.

2 Samuel 7:22

Busa ikaw gamhanan gayod, O Ginoong Dios, kay walay sama kanimo o adunay laing Dios gawas kanimo, sumala sa tanan nga among nadungog sa among mga dalunggan.

1 Cronicas 16:25

Kay gamhanan ang Ginoo ug takos gayod nga dayegon pag-ayo, ug siya kahadlokan labaw sa tanang mga dios.

Nehemias 4:14

Ug ako mitan-aw ug mitindong ug miingon sa mga kadagkoan ug sa mga tinugyanan ug sa ubang katawhan, “Ayaw kamo kahadlok kanila. Hinumdomi ang Ginoo nga gamhanan ug makalilisang, ug pakig-away kamo alang sa inyong mga kaigsoonan, sa inyong mga anak nga lalaki, ug sa inyong mga anak nga babaye, sa inyong mga asawa ug sa inyong mga panimalay.”

Nehemias 9:32

“Busa karon, among Dios, ang dako, gamhanan ug makalilisang nga Dios, nga nagtuman sa kasabotan ug sa gugmang walay paglubad, ayaw himoa nga ang tanang mga kalisdanan nga midangat kanamo daw gamay alang kanimo, diha sa among mga hari, sa among mga pangulo, sa among mga pari, sa among mga propeta, sa among mga katigulangan ug sa tanan nimong katawhan, sukad sa panahon sa mga hari sa Asiria hangtod niining adlawa.

Job 36:26

Tan-awa, ang Dios gamhanan ug kita wala makaila kaniya; ang gidaghanon sa iyang katuigan dili matukib.

Salmo 135:5

Kay nasayod ako nga gamhanan ang Ginoo, ug nga ang atong Ginoo labaw sa tanang mga dios.

Salmo 145:3

Gamhanan ang Ginoo ug takos gayod nga dayegon, ug ang iyang pagkagamhanan dili gayod matukib.

Salmo 2:9

Dugmokon nimo sila pinaagi sa sungkod nga puthaw, ug pulpogon nimo sila sama sa banga sa magkukulon.”

Salmo 48:1

Gamhanan ang Ginoo ug dalaygon gayod kaayo diha sa siyudad sa atong Dios! Ang iyang bungtod nga balaan,

Salmo 96:4

Kay gamhanan ang Ginoo, ug takos sa labing dako nga pagdayeg, siya angay nga kahadlokan ibabaw sa tanang mga dios.

Isaias 28:16

busa mao kini ang giingon sa Ginoong Dios, “Tan-awa, gibutang nako didto sa Zion alang sa usa ka patukoranan ang usa ka bato, usa ka sinulayan nga bato, usa ka bililhon nga bato nga patukoranan, sa patukoranan nga lig-on, ‘Siya nga motuo dili magdali.’

Daniel 2:24

Busa miadto si Daniel kang Arioc nga gitudlo sa hari sa pagpatay sa mga maalamong tawo sa Babilonia. Miadto siya ug misulti kaniya, “Ayaw patya ang mga maalamong tawo sa Babilonia. Dad-a ako sa atubangan sa hari ug akong ipadayag sa hari ang hubad.”

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 2:29

Nganha kanimo, O hari, sa naghigda ikaw sa higdaanan miabot ang mga hunahuna sa mahitabo sa kaulahian ug siya nga nagpadayag sa mga tinago nagpahibalo kanimo sa mahitabo.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Hageo 2:22

ug gub-on ang trono sa mga gingharian. Hapit na nako lumpagon ang kusog sa mga gingharian sa mga nasod ug pukanon ang mga karwahi ug ang mga nagsakay niini, ug ang mga kabayo ug ang ilang mga tigkabayo mangapukan, ang matag usa pinaagi sa espada sa iyang kauban.

Zacarias 12:3

Nianang adlawa himoon nako ang Jerusalem nga usa ka bug-at nga bato alang sa tanang mga katawhan. Ang tanan nga mosakwat niini masamad ug dako, ug ang tanang mga nasod sa yuta magtigom batok kaniya.

Malaquias 1:11

Kay gikan sa pagsubang sa adlaw bisan hangtod sa pagsalop niini, ang akong ngalan bantogan taliwala sa kanasoran ug sa matag dapit ang insenso ihalad alang sa akong ngalan, ug ang ulay nga halad, kay ang akong ngalan bantogan taliwala sa kanasoran, nag-ingon ang Ginoo sa mga panon.

Mateo 21:24

Sa pagtubag, si Jesus miingon kanila, “Aduna usab akoy ipangutana kaninyo ug kon inyo akong tug-anan niini, tug-anan ko usab kamo sa unsang kagahom nga gihimo nako kining mga butanga.

Mateo 24:35

Ang langit ug ang yuta mahanaw, apan ang akong mga pulong dili gayod mahanaw.

Lucas 17:20

Sa gipangutana siya sa mga Pariseo kon kanus-a moabot ang gingharian sa Dios, siya mitubag ug miingon kanila, “Ang gingharian sa Dios dili moabot nga inubanan sa mga ilhanan nga makita.

Deuteronomio 10:17

Kay ang Ginoo nga inyong Dios, Dios sa mga dios, ug Ginoo sa mga ginoo, ang dako, gamhanan ug makalilisang nga Dios nga walay pinalabi ug dili usab modawat ug suborno.

Gipadayag 1:19

Ug karon isulat ang imong nakita, ang mga butang karon ug ang mga butang nga mahitabo unya.

Gipadayag 19:17

Unya akong nakita ang usa ka anghel nga nagtindog diha sa adlaw, ug sa kusog nga tingog iyang gisinggitan ang tanang kalanggaman nga naglupad sa tungatunga sa kalangitan, nga nag-ingon kanila, “Dali kamo, tambong kamo sa dakong panihapon sa Dios,

Gipadayag 4:1

Human niini, mitan-aw ako, ug tan-awa, diha sa langit ang usa ka pultahan nga binuksan! Ug kadtong unang tingog nga akong nadungog nga misulti kanako nga daw trumpeta miingon, “Saka ngari, ug ipakita nako kanimo ang kinahanglang mahitabo human niini.”