Daniel 2:44

Ang Biblia 2011

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

2 Samuel 7:13

Magtukod siya ug usa ka balay alang sa akong ngalan, ug lig-onon nako ang trono sa iyang gingharian hangtod sa kahangtoran.

2 Samuel 7:16

Ug ang imong balay ug ang imong gingharian himoong lig-on hangtod sa kahangtoran sa imong atubangan; ang imong trono lig-onon hangtod sa kahangtoran.’ ”

Salmo 145:13

Ang imong gingharian usa ka dayong gingharian ug ang imong paghari molungtad ngadto sa tanang mga kaliwatan. Ang Ginoo matinumanon sa tanan niyang mga pulong, ug puno sa grasya diha sa tanan niyang mga buhat.

Isaias 60:12

Kay ang nasod ug ang gingharian nga dili moalagad kanimo mangalaglag; kadtong mga nasora gun-obon gayod.

Ezequiel 37:25

Sila magpuyo sa yuta nga gipuy-an sa inyong mga katigulangan, nga akong gihatag sa akong alagad nga si Jacob, ug sila ug ang ilang mga anak ug ang mga anak sa ilang mga anak magpuyo didto hangtod sa kahangtoran, ug ang akong alagad nga si David mahimo nga ilang pangulo hangtod sa kahangtoran.

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 2:34

Samtang ikaw nagtan-aw, ang usa ka bato gisapsap sa dili kamot sa tawo ug giigo ug gihapak ang larawan diha sa mga tiil niini nga puthaw ug yuta nga kulonon, ug gidugmok kini.

Daniel 2:35

Unya ang puthaw, ang yutang kulonon, ang bronsi, ang plata ug ang bulawan, nagdungan pagkadugmok ug nangahimong sama sa tahop sa giokanan sa panahon sa ting-init, ug gipadpad kini sa hangin nga wala nay makita nga agi niini. Apan ang bato nga naghapak sa larawan nahimong usa ka dakong bukid ug gilukop ang tibuok kalibotan.

Daniel 2:37

Ikaw, O hari, ang hari sa mga hari, nga gihatagan sa Dios sa langit sa gingharian, sa gahom, sa kusog ug sa himaya,

Daniel 2:43

Sa imong nakita nga ang puthaw gisagolan ug yutang kulonon, magsagol usab sila sa usa ug usa diha sa kaminyoon, apan dili sila magkatapot sama sa puthaw nga dili mosagol sa yutang kulonon.

Daniel 4:3

Pagkadagko sa iyang mga ilhanan, pagkagamhanan sa iyang mga kahibulongan! Ang iyang gingharian walay kataposan nga gingharian, ug ang iyang paghari gikan sa kaliwatan hangtod sa laing kaliwatan.

Daniel 4:34

Sa kataposan sa mga adlaw, ako, si Nabucodonosor miyahat sa akong mga mata ngadto sa langit ug ang akong salabotan nahiuli kanako. Akong gihimaya ang Labing Halangdon ug gidayeg ug gipasidunggan siya nga buhi hangtod sa kahangtoran, kay ang iyang paghari walay kataposan nga paggahom, ug ang iyang gingharian naglungtad gikan sa kaliwatan ngadto sa laing kaliwatan.

Daniel 6:26

Ako nagbuhat ug kamandoan aron nga sa tanang ginsakpan sa akong gingharian, ang mga tawo magkurog ug mangahadlok sa atubangan sa Dios ni Daniel, Kay siya mao ang Dios nga buhi nga naglungtad hangtod sa kahangtoran; ang iyang gingharian dili mabungkag ug ang iyang paghari mohangtod sa kahangtoran.

Daniel 6:27

Siya nagpalingkawas ug nagluwas, ug nagbuhat siya ug mga ilhanan ug mga katingalahan sa langit ug sa yuta, siya maoy nagluwas kang Daniel gikan sa gahom sa mga liyon.”

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Miqueas 4:7

ug ang bakol himoon nako nga salin; ug kadtong gihinginlan, usa ka gamhanang nasod; ug ang Ginoo maghari kanila didto sa Bukid sa Zion gikan niining panahona hangtod sa kahangtoran.

Hageo 2:22

ug gub-on ang trono sa mga gingharian. Hapit na nako lumpagon ang kusog sa mga gingharian sa mga nasod ug pukanon ang mga karwahi ug ang mga nagsakay niini, ug ang mga kabayo ug ang ilang mga tigkabayo mangapukan, ang matag usa pinaagi sa espada sa iyang kauban.

Hageo 2:7

ug uyogon nako ang tanang mga nasod aron ang mga bahandi sa tanang mga nasod moabot ug pun-on nako sa himaya kining balaya, nag-ingon ang Ginoo sa mga panon.

Mateo 28:18

Ug si Jesus miduol ug miingon kanila, “Ang tanang kagahom sa langit ug sa yuta gihatag kanako.

Juan 12:34

Ug ang panon sa katawhan mitubag kaniya, “Nakadungog kami gikan sa Balaod nga ang Cristo magpabilin hangtod sa kahangtoran. Busa unsaon man nimo sa pag-ingon nga kinahanglang iisa ang Anak sa Tawo? Kinsa man kining Anak sa Tawo?”

Mga Hebreo 12:28

Busa magpasalamat kita tungod sa atong pagkadawat sa gingharian nga dili matarog ug tungod niana ihalad nato ngadto sa Dios ang makapahimuot nga pagsimba, nga inubanan sa pagtahod ug kahadlok,

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 2:27

ug mandoan niya sila pinaagi ug bunal nga puthaw nga magdugmok kanila sama sa mga kolon nga gidugmok,