Daniel 2:41

Ang Biblia 2011

Sa imong nakita nga ang mga tiil ug mga tudlo sa tiil, ang ubang bahin yutang kulonon ug ang ubang bahin puthaw, kini mahimo nga gingharian nga nabahin apan anaa niini ang kalig-on sa puthaw, sama sa imong nakita sa puthaw nga gisagolan sa yuta nga kulonon.

Cross References

Daniel 2:40

Ug adunay ikaupat nga gingharian nga lig-on sama sa puthaw, tungod kay ang puthaw magdugmok ug magbungkag sa tanang mga butang, ug sama sa puthaw nga magdugmok, kini magbungkag ug magdugmok niining tanan.

Daniel 2:42

Ug ingon nga ang ubang bahin sa mga tudlo sa tiil puthaw ug ang ubang bahin yutang kulonon, mao usab ang gingharian, ang ubang bahin lig-on ug ang ubang bahin gabok.

Daniel 7:24

Mahitungod sa napulo ka sungay, gikan niining ginghariana motindog ang napulo ka hari ug adunay lain nga motindog sunod kanila. Siya lahi sa una ug buntogon niya ang tulo ka hari.

Daniel 7:7

Human niini, nakita nako diha sa mga panan-awon sa pagkagabii nga dihay ikaupat nga mananap, makalilisang ug bangis ug hilabihan ka kusgan, ug kini may dagkong mga ngipon nga puthaw. Kini milamoy ug mikuniskunis ug miyatak sa salin pinaagi sa iyang mga tiil. Kini lahi sa tanang mananap nga una kaniya, ug kini adunay napulo ka sungay.

Gipadayag 12:3

Ug usa pa ka laing tilimad-on nga nagpakita sa kalangitan, dihay usa ka dakong dragon nga pula nga may pito ka buok ulo ug napulo ka buok sungay, ug pito ka buok korona diha sa iyang mga ulo.

Gipadayag 13:1

Unya nakita nako ang usa ka bangis nga mananap nga mitunga gikan sa dagat, nga may napulo ka buok sungay ug pito ka buok ulo, may napulo ka buok korona diha sa iyang mga sungay, ug may mapasipalahon nga ngalan diha sa iyang mga ulo.

Gipadayag 17:12

Ug ang napulo ka sungay nga imong nakita mao ang napulo ka hari nga wala pa makadawat sa harianong gahom apan ilang dawaton ang kagahom ingon nga mga hari sulod sa usa ka takna uban sa bangis nga mananap.