Daniel 2:34

Ang Biblia 2011

Samtang ikaw nagtan-aw, ang usa ka bato gisapsap sa dili kamot sa tawo ug giigo ug gihapak ang larawan diha sa mga tiil niini nga puthaw ug yuta nga kulonon, ug gidugmok kini.

Cross References

Salmo 118:22

Ang bato nga gisalikway sa mga magtutukod nahimong batong patukoranan.

Isaias 28:16

busa mao kini ang giingon sa Ginoong Dios, “Tan-awa, gibutang nako didto sa Zion alang sa usa ka patukoranan ang usa ka bato, usa ka sinulayan nga bato, usa ka bililhon nga bato nga patukoranan, sa patukoranan nga lig-on, ‘Siya nga motuo dili magdali.’

Isaias 60:12

Kay ang nasod ug ang gingharian nga dili moalagad kanimo mangalaglag; kadtong mga nasora gun-obon gayod.

Isaias 8:9

Pagpundok kamo, O mga katawhan, ug pangalisang kamo; pamati, kamong tanan nga anaa sa layong kayutaan; pangandam kamo ug pangalisang; pangandam kamo ug pangalisang.

Ezequiel 32:28

Apan ikaw mapukan ug magbuy-od uban sa mga dili tinuli, uban kanila nga gipamatay pinaagi sa espada.

Ezequiel 47:5

Unya misukod na usab siya ug usa ka libo ka maniko, ug kini usa ka suba nga dili na nako malabang, kay ang tubig mitubo man, lawom nga igo nga kalangoyan, usa ka suba nga dili na malabang.

Daniel 2:33

ang mga bitiis niini puthaw, ang mga tiil niini puthaw sa ubang bahin, ug yutang kulonon sa ubang bahin.

Daniel 7:27

Ug ang gingharian ug ang paggahom ug ang pagkagamhanan sa mga gingharian ilalom sa tibuok nga langit, ihatag ngadto sa katawhan sa mga balaan sa Labing Halangdon; ang ilang gingharian walay kataposan nga gingharian, ug ang tanan nga ginsakpan mag-alagad ug motuman kanila.”

Daniel 8:25

Pinaagi sa iyang kaigmat pauswagon niya ang limbong ilalom sa iyang kamot, ug diha sa iyang kaugalingong hunahuna siya magpagarbo sa iyang kaugalingon. Sa walay pagpasidaan, laglagon niya ang daghan ug siya usab motindog batok sa Pangulo sa mga pangulo, apan pinaagi sa dili kamot sa tawo siya mapukan.

Zacarias 12:3

Nianang adlawa himoon nako ang Jerusalem nga usa ka bug-at nga bato alang sa tanang mga katawhan. Ang tanan nga mosakwat niini masamad ug dako, ug ang tanang mga nasod sa yuta magtigom batok kaniya.

Zacarias 4:6

Unya siya miingon kanako, “Kini mao ang pulong sa Ginoo ngadto kang Zerubabel: Dili pinaagi sa kusog o pinaagi sa gahom, kondili pinaagi sa akong Espiritu, nag-ingon ang Ginoo sa mga panon.

Mateo 16:18

Ug sultihan ko ikaw, nga ikaw mao si Pedro ug sa ibabaw niining bato tukoron nako ang akong iglesia ug ang mga ganghaan sa Hades dili gayod makabuntog niini.

Juan 1:13

kanila nga nangatawo dili gikan sa dugo o gikan sa pagbuot sa unod o gikan sa pagbuot sa tawo, kondili gikan sa Dios.

Mga Buhat 4:11

Kini mao ang bato nga gisalikway ninyo nga mga magtutukod, apan nahimo hinuon nga ulohang bato nga patukoranan.

2 Mga Taga-Corinto 5:1

Kay kita nasayod nga kon madugta na kining atong yutan-ong puluy-anan nga tolda, aduna kitay tinukod sa Dios, usa ka balay nga dili binuhat sa mga kamot, walay kataposan didto sa langit.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

1 Pedro 2:7

Busa alang kaninyo nga nagtuo, siya bililhon; apan alang kanila nga wala magtuo, “Ang maong bato nga gisalikway sa mga magtutukod nahimong ulohang bato nga patukoranan,”

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”

Gipadayag 17:14

Sila makiggubat batok sa Nating Karnero, apan ang Nating Karnero magbuntog kanila, kay siya mao man ang Ginoo sa mga ginoo ug Hari sa mga hari, ug sila nga uban kaniya mga tinawag ug mga pinili ug mga matinumanon.”