Daniel 2:29

Ang Biblia 2011

Nganha kanimo, O hari, sa naghigda ikaw sa higdaanan miabot ang mga hunahuna sa mahitabo sa kaulahian ug siya nga nagpadayag sa mga tinago nagpahibalo kanimo sa mahitabo.

Cross References

Genesis 41:25

Unya si Jose miingon sa Paraon, “Ang damgo sa Paraon usa lamang. Ang Dios nagpadayag ngadto sa Paraon sa angay niyang buhaton.

Ezequiel 38:10

“Mao kini ang gisulti sa Ginoong Dios: Nianang adlawa, mga hunahuna mosantop sa imong kaisipan, ug ikaw maglaraw ug usa ka daotang buhat.

Daniel 2:22

Gipadayag niya ang mga lalom ug tinago nga mga butang; siya nasayod sa unsay anaa sa kangitngit, ug ang kahayag nagpuyo uban kaniya.

Daniel 2:23

Nganha kanimo, O Dios sa akong mga katigulangan, ako nagpasalamat ug nagdayeg kay ikaw naghatag kanako ug kaalam ug kalig-on ug nagpadayag kanako sa among gipangayo kanimo, kay imong gipadayag kanamo ang butang mahitungod sa hari.”

Daniel 2:28

apan adunay usa ka Dios sa langit nga mopadayag sa mga tinago ug siya nagpahibalo kang Hari Nabucodonosor unsa ang mahitabo sa ulahing mga adlaw. Ang imong damgo ug ang mga panan-awon sa imong ulo sa naghigda ikaw sa imong higdaanan mao kini:

Daniel 2:45

Ingon sa imong nakita nga ang bato gisapsap sa dili kamot sa tawo gikan sa usa ka bukid ug nga kini nagdugmok sa puthaw, sa bronsi, sa yutang kulonon, sa plata, ug sa bulawan. Ang gamhanan nga Dios nagpahibalo sa hari unsa ang mahitabo sa kaulahian. Ang damgo siguro gayod ug ang hubad niini dili kaduhaduhaan.”

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Amos 4:13

Kay ania, siya nga naghimo sa mga bukid, ug nagbuhat sa hangin, ug nagpahayag sa tawo kon unsa ang iyang hunahuna, nga nagbuhat sa kabuntagon nga kangitngit ug nagtunob sa habog nga mga dapit sa yuta— si Yahweh, ang Dios sa mga panon, mao ang iyang ngalan!