Daniel 2:25

Ang Biblia 2011

Unya gidali pagdala ni Arioc si Daniel ngadto sa atubangan sa hari ug miingon kaniya niini, “Akong nakit-an diha sa mga binihag nga gikan sa Juda ang tawo nga makahimo sa pagpadayag sa hubad ngadto sa hari.”

Cross References

Genesis 41:14

Unya ang Paraon nagsugo ug gipatawag niya si Jose. Ug dali siya nga gipagula nila gikan sa bilanggoan. Ug human siya makapamalbas ug makailis sa iyang mga bisti, miadto siya sa Paraon.

Nehemias 7:6

Kini mao ang katawhan sa lalawigan nga miabot gikan sa pagkabihag niadtong mga gipamihag ni Nabucodonosor nga hari sa Babilonia. Namauli sila ngadto sa Jerusalem ug sa Juda, ang matag usa ngadto sa iyang lungsod.

Mga Panultihon 24:11

Luwasa kadtong gipangdala ngadto sa kamatayon; pugngi kadtong nangapandol paingon sa ihawan.

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Daniel 1:6

Uban niini mao sila si Daniel, si Ananias, si Misael ug si Asarias, gikan sa banay ni Juda.

Daniel 5:13

Unya si Daniel gidala sa atubangan sa hari. Ang hari miingon kang Daniel, “Ikaw kadtong Daniel nga usa sa mga binihag gikan sa Juda nga gidala sa hari nga akong amahan gikan sa Juda.

Daniel 6:13

Unya mitubag sila ug miingon sa atubangan sa hari, “Kana si Daniel nga usa sa mga binihag gikan sa Juda wala magtamod kanimo, O hari, o sa mando nga imong gipirmahan, kondili naghimo sa iyang pag-ampo makatulo sa usa ka adlaw.”