Daniel 2:22

Ang Biblia 2011

Gipadayag niya ang mga lalom ug tinago nga mga butang; siya nasayod sa unsay anaa sa kangitngit, ug ang kahayag nagpuyo uban kaniya.

Cross References

Genesis 41:16

Ug si Jose mitubag sa Paraon, “Wala kini kanako, ang Dios mao ang maghatag sa maayo nga tubag ngadto sa Paraon.”

Job 12:22

Iyang buksan ang kahiladman gikan sa kangitngit, ug dad-on ang hilabihang kangitngit ngadto sa kahayag.

Job 26:6

Ang Sheol hubo sa atubangan sa Dios, ug ang Abadon walay tabon.

Salmo 104:2

nagtabon ug kahayag sa imong kaugalingon ingon sa bisti, nagbuklad sa kalangitan ingon sa usa ka tolda,

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Salmo 36:9

Kay anaa kanimo ang tuboran sa kinabuhi; sa imong kahayag makakita kami ug kahayag.

Ecclesiastes 8:1

Kinsa ba ang sama sa tawong maalamon? Ug kinsa ang nasayod sa hubad sa usa ka butang? Ang kaalam sa tawo nagpasidlak sa iyang nawong, ug ang kagahi sa iyang panagway nausab.

Isaias 41:22

Ipadala kini kanila ug suginli kami kon unsay mahitabo. Isugilon kanamo ang mga butang sa sinugdan, kon unsa kini, aron pamalandongan namo kini, aron mahibaloan namo ang ilang dangatan; o ipahayag kanamo ang mga butang nga umaabot.

Isaias 41:26

Kinsay nagpahayag niini gikan sa sinugdan, aron kita masayod, ug sa unang panahon, aron kita moingon, “Siya matarong”? Walay si bisan kinsa nga nagpahayag niini, walay nagpahayag, walay bisan usa nga namati sa imong mga pulong.

Isaias 42:9

Tan-awa ang kanhing mga butang nangagi na ug bag-ong mga butang ang akong gipahayag karon; sa dili pa sila motungha ako magsaysay kaninyo mahitungod niini.”

Isaias 45:7

Ako naghimo sa kahayag, ug nagbuhat sa kangitngit; ako nagbuhat sa kabulahanan, ug sa kadaotan; ako mao ang Ginoo nga naghimo niining tanang mga butang.

Jeremias 23:24

Makatago ba ang usa ka tawo sa iyang kaugalingon sa mga tago nga dapit nga dili ako makakita kaniya? nag-ingon ang Ginoo. Dili ba nga akong gipuno ang langit ug ang yuta? nag-ingon ang Ginoo.

Jeremias 33:3

Sangpita ako ug ako motubag kanimo ug magsugilon kanimo sa dagko ug mga tinago nga mga butang nga wala nimo mahibaloi.

Daniel 2:11

Ang butang nga gipangayo sa hari lisod ug walay bisan kinsa nga makapadayag niini sa hari gawas sa mga dios nga ang puluy-anan dili uban sa unod.”

Daniel 2:19

Unya ang tinago gipadayag kang Daniel pinaagi sa usa ka panan-awon sa pagkagabii. Unya gidayeg ni Daniel ang Dios sa langit.

Daniel 2:47

Ang hari miingon kang Daniel, “Sa pagkatinuod, ang imong Dios mao ang Dios sa mga dios, ug Ginoo sa mga hari, ug tigpadayag sa mga tinago, kay ikaw nakahimo pagpadayag niining tinago.”

Daniel 5:11

Adunay usa ka tawo sa imong gingharian, nga kaniya anaa ang espiritu sa mga balaang dios. Sa mga adlaw sa imong amahan, ang kahayag ug salabotan ug kaalam nga sama sa kaalam sa mga dios nakita diha kaniya ug si Hari Nabucodonosor nga imong amahan naghimo kaniya nga pangulo sa mga tigsalamangka, sa mga tigpanglamat, sa mga Caldeanhon, ug sa mga tigpanagna pinaagi sa mga bituon,

Daniel 5:14

Ako nakadungog mahitungod kanimo nga ang espiritu sa mga balaang dios anaa kanimo ug nga ang kahayag ug salabotan ug labawng kaalam nakita diha kanimo.

Mateo 13:13

Tungod niini nagsulti ako kanila pinaagi ug mga sambingay kay sa ilang pagtan-aw sila dili makakita, ug sa ilang pagpaminaw sila dili makabati o makasabot.

Juan 1:9

Ang matuod nga kahayag nga nagdan-ag sa tanang tawo moanhi sa kalibotan.

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

1 Mga Taga-Corinto 4:5

Busa ayaw pagpanghukom sa dili pa ang panahon, hangtod nga moabot ang Ginoo nga mao ang magdala ngadto sa kahayag sa mga butang nga karon natago diha sa kangitngit ug magpadayag sa mga katuyoan sa mga kasingkasing. Unya ang pagdayeg gikan sa Dios maangkon sa matag usa.

Mga Taga-Efeso 3:5

Kaniadto sa laing mga kaliwatan wala kini ipahibalo ngadto sa mga tawo sama sa pagpadayag niini karon ngadto sa iyang mga balaang apostoles ug mga propeta pinaagi sa Espiritu.

Deuteronomio 29:28

Ug sa kasuko ug kapungot ug sa dakong kaligutgot, giibot sila sa Ginoo gikan sa ilang yuta ug gitambog ngadto sa laing yuta sama niining adlawa.’

1 Timoteo 6:16

nga mao lamang ang bugtong nga walay kamatayon ug nagpuyo sa kahayag nga dili maduol, nga walay tawo nga nakakita o makakita. Kaniya ang dungog ug dayon nga paggahom. Amen.

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.

1 Juan 1:5

Kini mao ang mensahe nga among nadungog gikan kaniya ug among gisangyaw kaninyo nga ang Dios kahayag ug diha kaniya wala gayoy kangitngit.