Daniel 2:12

Ang Biblia 2011

Tungod niini ang hari nasuko ug napungot sa hilabihan ug nagsugo nga pamatyon ang tanang maalamon nga mga tawo sa Babilonia.

Cross References

Job 5:2

Ang kapungot mopatay gayod sa buangbuang, ug ang kasina molaglag sa yano.

Salmo 76:10

Sa pagkatinuod gayod, ang kaligutgot sa tawo magdayeg kanimo; ang nahibilin sa kaligutgut imong gipugngan.

Mga Panultihon 16:14

Ang kapungot sa usa ka hari sama sa mga sinugo sa kamatayon, ug ang tawo nga maalamon mopuypoy niini.

Mga Panultihon 19:12

Ang kasuko sa hari sama sa pagngulob sa usa ka liyon, apan ang iyang kahimuot sama sa yamog sa balili.

Mga Panultihon 20:2

Ang makalilisang nga kapungot sa usa ka hari sama sa pagngulob sa usa ka liyon; siya nga naghagit kaniya sa pagkasuko mawad-an sa iyang kinabuhi.

Mga Panultihon 29:22

Ang tawo nga masuk-anon naghaling sa panagbingkil, ug ang tawo nga daling masuko naghimo ug daghang kalapasan.

Daniel 2:24

Busa miadto si Daniel kang Arioc nga gitudlo sa hari sa pagpatay sa mga maalamong tawo sa Babilonia. Miadto siya ug misulti kaniya, “Ayaw patya ang mga maalamong tawo sa Babilonia. Dad-a ako sa atubangan sa hari ug akong ipadayag sa hari ang hubad.”

Daniel 2:5

Ang hari mitubag sa mga Caldeanhon, “Ang pulong gikan kanako dili kaduhaduhaan: kon kamo dili makapahibalo kanako sa damgo ug sa hubad niini, wataswatason kamo ug ang inyong mga balay gub-on.

Daniel 3:13

Unya si Nabucodonosor sa iyang hilabihang kapungot misugo sa pagpakuha kang Sadrac, kang Mesac ug kang Abednego. Unya ilang gidala kining mga tawhana sa atubangan sa hari.

Daniel 3:19

Unya si Nabucodonosor napuno sa kasuko ug ang dagway sa iyang nawong nausab batok kang Sadrac, kang Mesac ug kang Abednego. Siya misugo nga painiton ang hudno sa pito ka pilo labaw sa naandan nga kainit niini.

Daniel 5:19

Ug tungod sa pagkabantogan nga iyang gihatag kaniya, ang tanang mga katawhan, mga nasod ug mga pinulongan nagkurog ug nangahadlok sa iyang atubangan. Ang buot niyang patyon iyang gipatay, ang buot niyang mabuhi iyang gibuhi, ang buot niyang bayawon iyang gibayaw, ug ang buot niyang ipaubos iyang gipaubos.

Mateo 2:16

Unya sa pagkakita ni Herodes nga gilansisan lang diay siya sa mga mago, nasuko siya pag-ayo, ug iyang gipaadtoan ug gipapatay ang tanang mga bata nga lalaki sa Betlehem ug sa tanang kasikbit niini, nga may kagulangon nga duha ka tuig ngadto sa ubos, sumala sa panahon nga iyang nasayran gikan sa mga mago.

Mateo 5:22

Apan sultihan ko kamo nga si bisan kinsa nga masuko batok sa iyang igsoon, mahiagom sa hukom, ug si bisan kinsa nga moingon, ‘Kuwanggol ka!’ manubag ngadto sa Sanhedrin, ug si bisan kinsa nga moingon, ‘Buang ka!’ mahiagom sa kalayo sa imperno.