Daniel 12:9

Ang Biblia 2011

Siya miingon, “Padayon sa imong panaw, Daniel, kay ang mga pulong gitakpan ug gisilyohan hangtod sa panahon sa kataposan.

Cross References

Isaias 29:11

Ug alang kaninyo ang panan-awon mahitungod niining tanan nahimo sama sa mga pulong sa usa ka basahon nga sinilyohan. Sa diha nga ang mga tawo maghatag niini ngadto sa makamaong mobasa nga nag-ingon, “Basaha kini,” siya moingon, “Dili ako makahimo, kay kini sinilyohan.”

Isaias 8:16

Hugponga ang pagpamatuod, silyohi ang pagtulun-an taliwala sa akong mga tinun-an.

Daniel 10:14

Ug ako mianhi sa pagpasabot kanimo sa mahitabo sa imong katawhan sa ulahing mga adlaw kay ang panan-awon alang pa sa umaabot nga mga adlaw.”

Daniel 11:40

“Nianang panahona sa kataposan, ang hari sa habagatan mosulong kaniya apan ang hari sa amihanan mosulong kaniya sama sa alimpulos, uban ang mga karwahi ug mga tigpangabayo ug daghang mga sakayan sa dagat ug siya mosulod sa kayutaan, ug molukop ug moagi niini.

Daniel 12:4

Apan ikaw, O Daniel, tagoa ang mga pulong ug takpi ang basahon, hangtod sa panahon sa kataposan. Daghan ang managan ngadto-nganhi ug ang kahibalo mouswag.”

Daniel 12:8

Ako nakadungog apan ako wala makasabot, unya ako miingon, “O agalon ko, unsa ba ang sangpotanan niining mga butanga?”

Daniel 8:26

Ang panan-awon sa gabii ug sa buntag nga gisugilon matuod, apan tipigi ang panan-awon kay kini nagpasabot sa daghang mga adlaw nga umaabot.”

Gipadayag 10:4

Ug sa nakatingog na ang pito ka dalugdog, isulat ko na unta kini, apan akong nadungog gikan sa langit ang usa ka tingog nga nag-ingon, “Timan-i ang gisulti sa pito ka dalugdog, ug ayaw kini isulat.”